Nworɛ Dwirɛhanɛniɛ 7:15 - AHYERƐLƐ KRONGRON

¹⁵ M’asetena mbaen ye anu, manwu nikyee biala: Teneneeniɛ bɔ owu wɔ ye tenenee nu, yeɛ bɔnefoɛ koso bɔ onya ngoa tendenn wɔ ye bɔne nu ɔ.

Nworɛ Dwirɛhanɛniɛ 7:15 Iomraidhean Croise

Gyenesise 47:9

Yakob buale Faro kyɛ, “Mahyini aseɛ ye aso afoɛ ɛyaa ko ne aburasa; m’afoɛ ne anzo pee, ye somaa ndwu afoɛ bɔ me nana mɔ lili ɔ, nakoso ɛfɛɛ wɔ nu paa.”

1 Ahemvo 21:13

Asanzafoɛ nyɔ nemɔ wale bɛɛtenane Nabɔto nyunu ndendeneɛ so. Na asanzafoɛ nemɔ bɔle Nabɔto kwaadu wɔ dwaa ne anu kyɛ, “Nabɔto ahã musue dwirɛ watia Nyameɛ ne Nana Ahabo.” Yiti ɛlɔen ne fale Nabɔto bɛhɔle kuro ne tiwaa bɛɛborole ye nyɔboɛ behuni ye.

Edwein 10:3

Ofikyɛ bɔnefoɛ bɛfa bɔ ɔla b’ahone nwo bɛhoahoa bɛ nwo, yeɛ adifuuniɛ ɔnoma AWURADE odwudwo otia ye.

Edwein 39:6

Amba, ebiala nate berɛ kyɛ wawoɛ bie. Amba, sona ha ye nwo mbaen, sona pena agyapadeɛ pee, nakoso ɔnze sona bɔ okooli ye sa ɔ.

Nworɛ Dwirɛhanɛniɛ 2:23

Ofikyɛ, yealɛlilɛ wayi ye asetena nu tɛkyɛ, yeɛ ye adwuma koso te ye hawo. Odwu kɔngɔen po a, né wato ye ne adwenedwene: Ɛhe koso te mbaen.

Nworɛ Dwirɛhanɛniɛ 3:16

Masa manwu ye wɔ wiase kyɛ, nekaa bɔ bedi dwirɛ ne, amumuyɛɛ wɔ berɛ, nekaa bɔ ɔsɛ kyɛ tenenee ba berɛ ne, bɔne yeɛ ɔwɔ berɛ ɔ.

Nworɛ Dwirɛhanɛniɛ 6:12

Kuro sona ngoa tikaape bɔ ɔte mbaen, bɔ ɔsẽ kɔ kyɛ wawoɛ ne, nwa yeɛ ɔse bɔ ɔte paa ma kuro sona wɔ nu ɔ? Bɔ okosi sona ye wue asi wɔ wiase ne, nwa yeɛ ɔkɔhora kɔla ye ali kohyire ye ɔ?

Nworɛ Dwirɛhanɛniɛ 9:9

Wɔ ngoa amukoraa bɔ ɔte mbaen bɔ Nyameɛ afa ama wɔ wɔ wiase ne, ɛne ɛye bɔ ekuro yeɛ ɔ ɛmɔtena anigye so, ofikyɛ ɛfɛɛ bɔ ɛfɛ wiase ne, wɔ bue nu deɛ bɔ anya ye hɔ ɛne.

Yesaya 65:20

Adɔma bɔ bɛwo ye a ɔngyɛ né wawu ne, ebie ngosi ko wɔ kuro ne anu, yeɛ aworowaa bɔ wanyie ye afoɛ mukoraa di ne koso, sɔ ala; ofikyɛ bɔ okoli afoɛ ɛyaa koraka né wawu ne, bekobu ye akwadaa, yeɛ bɔnefoɛ bɔ okoli afoɛ ɛyaa koraka né wawu ne, bekobu ye kyɛ banoma ye.

Yohane 16:2

Bekotu ɛmɔ bekofi nyianu sua mɔ nu. Ye po mmerɛ bie ɔ́ba, bɔ ebiala bɔ okohũ ɛmɔ ne, ɔkɔdwene kyɛ ɔyɔ sɔ fa so Nyameɛ.

Asomafoɛ 7:52

Nyameɛ ngɔmhyɛlɛniɛ nemɔ anu beni yeɛ ɛmɔ nana mɔ bandane ye nye ɔ? Na behuni bɛ bɔ belili moa bɛbɔle Teneneneniɛ ne walɛ ne nwo dawure ne, ye bɔ afei de ɛmɔaye ye bama bahu ye ne,