Nworɛ Dwirɛhanɛniɛ 7:12 - AHYERƐLƐ KRONGRON

¹² Ofikyɛ nworɛ ɔbɔ wɔ nwo waen kyɛbɔ sikaa ɔbɔ wɔ nwo waen ne, na nimdeɛ nwo mvasoɛ ole kyɛ, nworɛniɛ ye nworɛ maa onya ngoa.

Nworɛ Dwirɛhanɛniɛ 7:12 Iomraidhean Croise

YOB NWOMAA NE 1:10

Ye nwo waen, ye abusua nwo waen, ɔne nikyee biala bɔ ole ye ɔ nwo waen bɔ abɔ abra ayia ne, aso nna ye ti ɔ? Ayira ye sa noa adwuma so, na ye nyɛmmoa bata pee wɔ aseɛ ne aso.

Edwein 57:1

Nwu me anwumvoin, ao Nyameɛ, nwu me anwumvoin, ofikyɛ wɔ nu yeɛ me kra nwati bafea ɔ; wɔ ndaa ne abo fɔnwoo ne anu yeɛ menwati mebafea ɔ, kɔpem kyɛ asetena nu mvrama piri ne abo kɔpɛ nu kɔhɔ ɔ.

Anyandera 11:4

Ɛyaafɛlɛ piri kyẽa ne dwu a, anwonya te mbaen, nakoso bra bɔ ɔtengyɛ de, ode sona fi ewue nu.

Anyandera 14:20

Ehianiɛ mmango mɔ po bekyi ye, nakoso sikaniɛ de, ye damvo mɔ bɛsone pee.

Anyandera 2:11

adwene nu bukyelɛ kɔnea wɔ so, na ndeaseɛ kɔbɔ wɔ nwo waen;

Anyandera 2:7

Ɔfa nworɛ bɔ nu pi ɔ osie ma teneneefoɛ, ɔte akokyɛm ma bɛ bɔ bɛ bra te sannwuu ɔ;

Anyandera 3:18

Ɔte ngoa bakaa ma bɛ bɔ betira ye nu ɔ, na bɛ bɔ bɛsɔ ye nu bum ne, benya saleɛ.

Anyandera 8:35

Ofikyɛ ebiala bɔ ɔpena me ne, onya ngoa, na AWURADE do ye;

Anyandera 9:11

Ofikyɛ ɛfa me so a, ekonyi kɔhyɛ, na ngɔma wɔ ngoa kɔyɛ tendenn.

Nworɛ Dwirɛhanɛniɛ 10:19

Ɛpoentolɛ ma sona sere, nzaa ma sona nye gye, na sikaa yeɛ ɔyɔ nikyee biala ɔ.

Nworɛ Dwirɛhanɛniɛ 2:13

Na nwuni kyɛ mvasoɛ wɔ nworɛ so tra ngwaseasɛm, kyɛbɔ mvasoɛ wɔ kanea so tra awosii ne.

Nworɛ Dwirɛhanɛniɛ 7:19

Nworɛ ma nworɛniɛ nya tumi tra mbanyi buru bɔ bɛnea kuro so ɔ.

Nworɛ Dwirɛhanɛniɛ 9:16

Na ye sɔ ne ati, ngane kyɛ, “Nworɛ nwo hia tra anwoserɛ, nakoso bemmu ehianiɛ nworɛ, yeɛ ɔkã dwirɛ a bɛmva.”

Nworɛ Dwirɛhanɛniɛ 9:18

Nworɛ nwo hia tra akodeɛ, nakoso bɔnefoɛ komapɛ sɛkye paa pee.

Yesaya 30:2

Besi nu bɛkɔ Misraim bɔ bemmisa me bennwu m’adwene ɔ, kyɛ bɛkɔ Faro berɛ maa ɔbɔ bɛ nwo waen, kyɛ bɛkwaapena Misraim fɔnwoo nu bewura.

Yesaya 32:2

Bɛ nu biala kɔyɛ kyɛ afealeɛ bɔ mvrama tu a sona fea nu ɔ, nekaa bɔ mvrama piri tu a sona bɔ ye nwo waen ɔ, kyɛ aseɛ wosee so asue bɔ ɔtengyɛ ɔ, kyɛ aseɛ pralaa so nyɔbotaen piri bo fɔnwoo ne.

Yesaya 33:6

Ɔkɔyɛ wɔ mmerɛ so nyinasoɛ pindinn, ɔte ngoalelɛ, nworɛ ne nimdeɛ mmorosoɛ, na AWURADE surolɛ yeɛ ɔte ye agyapadeɛ ɔ.

Yohane 12:50

Na mese kyɛ ye ahyɛdeɛ te daa ngoa. Yiti edwirɛ bɔ mekã ne, kyɛbɔ Baba ne ahã ahyire me ne, sɔ ala yeɛ mekã ɔ.”

Yohane 17:3

Na daa ngoa ne ɛhe: kyɛ bekonwu wɔ, nahorɛ Nyameɛ komapɛ ne, ɔne bɔ asoma ye ne, Yesu Kristo ne.

Deuteronomi 32:47

Ofikyɛ ɔtte edwirɛ mbaen biala, na mmom ɔte ɛmɔ ngoa nyamaa. Na aseɛ bɔ ɛmɔkwaapɛ asue Yɔɔdan bɛfa bɛtena so ne, sɔ edwirɛ he yeɛ ɔkɔmaa ɛmɔkɔtena so bɛkɔhyɛ ɔ.”

Filipifoɛ 3:8

Amba, ɔnate m’Awurade Kristo Yesu nwo nimdeɛ mmorosoɛ ne ati, mebu nningyein amukoraa kyɛ bafi me sa. Ɔnate ye ti nningyein amukoraa afi me sa, nakoso mebu bɛ kyɛ fofoɛ so wura mbaen, amaa ɔnate so manya Kristo;

Maenbulɛfoɛ 9:15

Yeɛ ɛfone buale mmakaa nemɔ kyɛ, ‘Sɛ ɛmɔ kunu fitaa yeɛ ɛmɔpopa me ngoo bɛfa me bedi ɛmɔ so hene ne a, ye de ɛmɔbra bɛɛfea me nyaa abo fɔnwoo ne anu. Nakoso sɛ nna ɛmɔ kunu fitaa de a, ye de see ófi ɛfone nu, ná ɔɔyera Lebanon sida mmakaa nemɔ.’