Nworɛ Dwirɛhanɛniɛ 6:9 - AHYERƐLƐ KRONGRON

⁹ Bɔ ɔwɔ berɛ bɔ wɔ nye tua ye ne, ɔte paa tra bɔ w’akɔnnɔ susu kyɛ ekonya ye ɔ. Ɛhe koso te mbaen, na ɔte dadwene mbaen.

Nworɛ Dwirɛhanɛniɛ 6:9 Iomraidhean Croise

YOB NWOMAA NE 31:7

Sɛ mali nahorɛ atee ne anwo makyebu, sɛ mama me nye adiedie m’adwene wahɔ akɔnnɔ tɛɛ nu, sɛ me sa nwo agua fiɛ a,

Nworɛ Dwirɛhanɛniɛ 1:14

Manwu nikyee biala bɔ bɛyɔ ye wiase ɔ, na tie, ye mukoraa te mbaen, na ɔte dadwene mbaen.

Nworɛ Dwirɛhanɛniɛ 1:17

Yiti mva nziele me nye so kyɛ ngɔpena nworɛ si atee, yeɛ afei kyɛ ngonwu ɛlaenbɔlɛ ne ngwaseasɛm ɔ. Na nwuni kyɛ ɛhe koso te dadwene mbaen.

Nworɛ Dwirɛhanɛniɛ 1:2

“Mbaen nu mbaen.” Nworɛ Dwirɛhanɛniɛ ne nwa nyoo: Mbaen nu mbaen! Ye mukoraa te mbaen!

Nworɛ Dwirɛhanɛniɛ 11:9

Aberandeɛ, ma wɔ nye gye wɔ wɔ mmerandeɛ nu, nya anigye wɔ wɔ nu wɔ wɔ mmerandeɛ nu. Yɔ bɔ wɔ nye gye ye nwo ɔ ɔne bɔ ɔte wɔ nye so akɔnnɔ ɔ, nakoso nwu ye kyɛ, Nyameɛ kobua wɔ ndɛen wɔ bɔ ɛkɔyɔ amukoraa nwo.

Nworɛ Dwirɛhanɛniɛ 2:11

Afei ndole me nye nneane me sa noa adwuma mukoraa, ɔne nningyein bɔ mafɛ mayɔ ne, na nwuni kyɛ ye mukoraa te mbaen, ɔte dadwene mbaen, na mvasoɛ biala nne so wɔ wiase.

Nworɛ Dwirɛhanɛniɛ 4:4

Na nwuni kyɛ, ɛfɛɛ mukoraa bɔ sona fɛ, ɔne ye sa noa adwuma mukoraa bɔ ɔyɔ ye yé ne, ɔnate ye nye bɔ ɔboro kyɛ ɔne obiɛngo bɛkɔyɛ pɛ ti ɔ: Ɛhe koso te mbaen, na ɔte dadwene mbaen.

Nworɛ Dwirɛhanɛniɛ 5:18

Tie, bɔ manwu ye kyɛ ɔte paa ɛhe: Ngoa tikaape bɔ Nyameɛ afa ama sona ne, ɔte paa kyɛ sona kodidi, ɔkɔno, ná ɔkɔfa bɔ wafɛ wanya ye amukoraa wɔ wiase ɔkɔgye ye nye ɔ, ofikyɛ ye bue nu deɛ ɛne.

Nworɛ Dwirɛhanɛniɛ 6:2

Nyameɛ ma ebie sikaa, anwonya ne animnyam, bɔ nikyee fee biala nne berɛ bɔ ye kra pena a ongonya ɔ; nakoso Nyameɛ ɔmma ye anwoserɛ mma ɔmva sɔ nningyein ne ngye ye nye, na ɛwɔfoɛ mmom yeɛ ɔbadi ɔ. Ɛhe te mbaen, na ɔte edwirɛ yealɛ paa.

Yeremia 2:20

Ofikyɛ ofi tete yeɛ mmubuli wɔ kɔnnua nu, yeɛ mmubuli wɔ panwu nu ɔ, na ɛhane kyɛ, “Mengɔso wɔ!” Nahorɛ nu, ɛkotole mmosoen ɛbɔle adwaman wɔ bokaa tendenn biala so ne bakaa monɛ biala abo.