Nworɛ Dwirɛhanɛniɛ 6:8 - AHYERƐLƐ KRONGRON

⁸ Nzikyɛ yeɛ nworɛfoɛ bɛfa bɛtra ngwaseafoɛ ɔ? Yeɛ ehianiɛ bɔ ye koso ɔse asetena bɔ odi kyɛ ɔne ateasefoɛ bɛtena ne, nzikyɛ mvasoɛ yeɛ onya ye ɔ?

Nworɛ Dwirɛhanɛniɛ 6:8 Iomraidhean Croise

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

Edwein 101:2

Atee bɔ ɔte pɛpɛɛpɛ ne, so yeɛ ngɔfa ɔ. Ao, kyinzu yeɛ ɛkɔwa me nwo wa ɔ? Ngɔfa ahone bɔ nu te ɔ ngɔnate m’awuro berɛ.

Edwein 116:9

Ngɔnate AWURADE nyunu wɔ ateasefoɛ aseɛ ye aso.

Anyandera 19:1

Ehianiɛ bɔ ye bra te sannwuu ne, ɔte paa tra sona bɔ ɔte nnakannaka ne kwaseaa ɔ.

Nworɛ Dwirɛhanɛniɛ 5:11

Mmerɛ bɔ sona anwonyadeɛ ɔkɔ so yɛ pee ne, né bɛ bɔ bedi ne koso bayɛ pee. Yiti anwonyadeɛ mene ne, nzikyɛ mvasoɛ yeɛ onya ɔ? Sana ye nye bɔ ɔfa nwu ye angome.

Nworɛ Dwirɛhanɛniɛ 6:9

Bɔ ɔwɔ berɛ bɔ wɔ nye tua ye ne, ɔte paa tra bɔ w’akɔnnɔ susu kyɛ ekonya ye ɔ. Ɛhe koso te mbaen, na ɔte dadwene mbaen.

Luka 1:6

Né bɛ munyɔ bɛtengyɛ wɔ Nyameɛ nyunu, na belili Awurade mmeraa dwirɛ ne ye ahyɛdeɛ so pɛpɛɛpɛ.

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.