Nworɛ Dwirɛhanɛniɛ 6:7 - AHYERƐLƐ KRONGRON

⁷ Ɛfɛɛ amukoraa bɔ sona ɔfɛ ye, ye noa aleɛ ti ɔ, nakoso odidi a ɔnde ye.

Nworɛ Dwirɛhanɛniɛ 6:7 Iomraidhean Croise

Anyandera 16:26

Bɔ adwumayɔlɛniɛ ɔpena ne ati, ɔmaa ɔyɔ adwuma, bɔ okoli ɔ yeɛ opiapia ye ɔ.

Nworɛ Dwirɛhanɛniɛ 1:8

Nningyein amukoraa yie ɛfɛɛ, ɛfɛɛ bɔ sona ngora ye kã ɔ; anyeɛ nea nikyee a ɔnde ye, yeɛ asoɛ tie dwirɛ a onyi.

Nworɛ Dwirɛhanɛniɛ 5:10

Sona bɔ ye nye boro sikaa ne, onya sikaa a ye nye nzɔ; yeɛ bɔ ye nye boro anwonyadeɛ ne koso, ye nye nzɔ bɔ wanya ye ɔ: Ɛhe koso te mbaen.

Nworɛ Dwirɛhanɛniɛ 5:9

Aseɛ ne aso mvasoɛ ne, ɔwɔ berɛ ma ebiala, na ɛhene bɔbɔ po, aseɛ ne aso yeɛ odidi ɔ.

Nworɛ Dwirɛhanɛniɛ 6:3

Sɛ sona wo mmaa ɛyaa ko ná onyi di afoɛ pee a, ɔmva ye nwo afoɛ worawora bɔ wali ɔ, sɛ wamva asetena nu nningyein paa wangye ye nye, anaakyɛ banzie ye a, ye de menwa, baa bɔ bapɔ ye ɔ po ɔte paa tra ye.

Nworɛ Dwirɛhanɛniɛ 6:8

Nzikyɛ yeɛ nworɛfoɛ bɛfa bɛtra ngwaseafoɛ ɔ? Yeɛ ehianiɛ bɔ ye koso ɔse asetena bɔ odi kyɛ ɔne ateasefoɛ bɛtena ne, nzikyɛ mvasoɛ yeɛ onya ye ɔ?

Mateo 6:25

“Yiti mekã mekyire ɛmɔ kyɛ, nnɛmɔma ɛmɔ asetena nu adwenedwene tɔ ɛmɔ so, kyɛ nzu yeɛ ɛmɔkoli ɔ; anaakyɛ nzu yeɛ ɛmɔkɔno ɔ, anaakyɛ ɛmɔ nipadua nwo, kyɛ nzu yeɛ ɛmɔkɔhera ɔ. Aso ngoa nwo nhia ndra aleɛ? Aso nipadua nwo nhia ndra ɛtena anaa?

Luka 12:19

ná afei mahã mahyire me kra kyɛ: Ɛkra, ele nningyein paa pee bɔ bafa basie berɛ bama wɔ bɔ okoli afoɛ pee ɔ; yiti de wɔ nwome, didi ná no, ná gye wɔ nye.’

Yohane 6:27

Nnɛma ɛmɔyɔ aleɛ bɔ ɔsɛkye ɔ nwo adwuma, na mmom ɛ́mɔyɔ aleɛ bɔ ɔtena berɛ kɔ daa ngoa nu, bɔ Sona Awa ne kɔfa kɔma ɛmɔ ne nwo adwuma; ofikyɛ ye yeɛ Baba Nyameɛ wale ye wato nu wama ye tumi ɔ.”