Nworɛ Dwirɛhanɛniɛ 6:6 - AHYERƐLƐ KRONGRON

⁶ Sɛ sɔ sona ne di afoɛ apee nyɔ po, ná wannya anigye paa biala a, aso nna neka horɛ yeɛ bɛ mukoraa bɛkɔ ɔ?

Nworɛ Dwirɛhanɛniɛ 6:6 Iomraidhean Croise

Gyenesise 5:5

Yiti Adam afoɛ bɔ olili amukoraa te ɛyaa ngona ne aburasa, na owuli.

YOB NWOMAA NE 1:21

Na ɔhane kyɛ, “Mvi me ni akunu méba ne, né me nwo la so, na ye sɔ ala yeɛ ngosa ngɔfa ngɔhɔ ɔ. AWURADE yeɛ ɔfa mane me ɔ, yeɛ AWURADE asa ale ɔ. Animnyam hã AWURADE dumaa.”

YOB NWOMAA NE 30:23

Amba, mese kyɛ ɛkɔfa me kɔhɔ ewue nu, awuro bɔ ebiala bɔ ɔte ase ne, ɔkɔhɔ nu bie ne anu.

YOB NWOMAA NE 7:7

“Kaye kyɛ me ngoa te mvrama, me nye ngɔgye ko.

Edwein 34:12

Ɛmɔ nu nwa yeɛ ɔpena ngoa, ngoa tendenn bɔ nningyein kɔhɔ so yé kɔma ye ɔ?

Nworɛ Dwirɛhanɛniɛ 12:7

koraka né nnɛterɛ asa ahɔ nnɛterɛ nu kyɛbɔ né ɔte daa ne ala, koraka né nwomeɛ wasa wahɔ Nyameɛ bɔ ɔfa mane ne berɛ.

Nworɛ Dwirɛhanɛniɛ 2:14

Nworɛniɛ se nekaa bɔ ɔkɔ ɔ, nakoso kwaseaa de, awosii nu yeɛ ɔnate ɔ. Nakoso nwuni kyɛ ayieleɛ komapɛ ne ala yeɛ oyie bɛ mukoraa ɔ.

Nworɛ Dwirɛhanɛniɛ 3:20

Nningyein mukoraa bɛkɔ neka horɛ, nningyein mukoraa befi nnɛterɛ nu, na nningyein mukoraa besa bɛkɔ nnɛterɛ nu.

Nworɛ Dwirɛhanɛniɛ 6:3

Sɛ sona wo mmaa ɛyaa ko ná onyi di afoɛ pee a, ɔmva ye nwo afoɛ worawora bɔ wali ɔ, sɛ wamva asetena nu nningyein paa wangye ye nye, anaakyɛ banzie ye a, ye de menwa, baa bɔ bapɔ ye ɔ po ɔte paa tra ye.

Nworɛ Dwirɛhanɛniɛ 6:5

Asa koso, wannwu eyia, yeɛ ɔnze nikye fee, nakoso onya ye nwome ode tra sɔ sona ne.

Nworɛ Dwirɛhanɛniɛ 7:2

Ɔte paa kyɛ ɛkɔhɔ awuro bɔ bɛyɛ sɛen wɔ nu tra kyɛ ɛkɔhɔ awuro bɔ bato poen bedidi wɔ nu ɔ nu; ofikyɛ sona biala ye ayieleɛ ɛne, na ateasefoɛ fa sɔ dwirɛ ne sie bɛ ti anu.

Nworɛ Dwirɛhanɛniɛ 9:2

ofikyɛ ayieleɛ komapɛ ne ala yeɛ ɔla berɛ ma bɛ mukoraa ɔ: teneneeniɛ ne bɔnefoɛ, sona paa ne sona bɔ ɔtte mayee ɔ, sona bɔ ye nwo te ne bɔ ye nwo nde ɔ, bɔ ɔbɔ afɔleɛ ne bɔ ɔmmɔ afɔleɛ ɔ. Sona paa ne amumuyɛɛniɛ b’ayieleɛ te ko, yeɛ bɔ ɔta ndaen ne bɔ osuro ndaentalɛ koso b’ayieleɛ te ko.

Yesaya 65:20

Adɔma bɔ bɛwo ye a ɔngyɛ né wawu ne, ebie ngosi ko wɔ kuro ne anu, yeɛ aworowaa bɔ wanyie ye afoɛ mukoraa di ne koso, sɔ ala; ofikyɛ bɔ okoli afoɛ ɛyaa koraka né wawu ne, bekobu ye akwadaa, yeɛ bɔnefoɛ bɔ okoli afoɛ ɛyaa koraka né wawu ne, bekobu ye kyɛ banoma ye.

Yesaya 65:22

Bengosi sua ngɔma sona foforɛ ngɔtena nu ko, yeɛ bengolua ngɔma sona foforɛ ngoli nu aleɛ. Na kyɛbɔ bakaa si nyi kyɛ ne, sɔ ala yeɛ me maen kɔyɛ ɔ, na me mmenia bɔ mapa nu maye bɛ ne, bekodidi bɛ sa noa adwuma nwo bɛkɔhyɛ.

Yeremia 17:6

Ɔkɔyɛ kyɛ ɛserɛ so bakaa, na mmerɛ paa ba a, ongonwu ye; ɔkɔtena ɛserɛ so aseɛ katerepee so, ngyee aseɛ bɔ sona biala ɔtte so ɔ so.

Hebrifoɛ 9:27

Na kyɛbɔ ɔsɛ kyɛ kuro sona wu komapɛ twe na ye si ye Nyameɛ bua ye ndɛen nen,