Nworɛ Dwirɛhanɛniɛ 6:12 - AHYERƐLƐ KRONGRON

¹² Kuro sona ngoa tikaape bɔ ɔte mbaen, bɔ ɔsẽ kɔ kyɛ wawoɛ ne, nwa yeɛ ɔse bɔ ɔte paa ma kuro sona wɔ nu ɔ? Bɔ okosi sona ye wue asi wɔ wiase ne, nwa yeɛ ɔkɔhora kɔla ye ali kohyire ye ɔ?

Nworɛ Dwirɛhanɛniɛ 6:12 Iomraidhean Croise

1 Aberɛso Dwirɛ 29:15

Wɔ nyunu, yɛte ɛwɔfoɛ ne amanvrafoɛ, kyɛ yɛ nana mɔ amukoraa ala. Yɛ ngyẽa bɔ yɛdi ye aseɛ ye aso ne, ɔpɛ nu kɔ kyɛ wawoɛ, na yɛngɔhyɛ ná yatu yamini.

YOB NWOMAA NE 14:2

Opukye kyɛ bakaa nyerɛen, na ɔkese, ɔpɛ nu kɔ kyɛ wawoɛ, na ɔngyɛ né watu wamini.

YOB NWOMAA NE 14:21

Sɛ ye mma mɔ benya animnyam po a, ɔnze, yeɛ sɛ mmenia gua bɛ nyunu ase koso a, onnwu ye.

YOB NWOMAA NE 8:9

Yɛ de, anomasi wa ala yeɛ bɛwo yɛ ɔ, na yɛnze huu, ofikyɛ aseɛ ye aso, yɛ ngoa otu mini te kyɛ wawoɛ.

Edwein 102:11

Me ngyẽa ba ayieleɛ kyɛ nɔsoa wawoɛ; na mekese kyɛ ndire.

Edwein 109:23

Me boso kyikyi kyɛ nɔsoa wawoɛ, na mvrama bɔ me kɔ kyɛ abɛbɛ.

Edwein 144:4

Sona te kyɛ nwomeɛ; ye ngyẽa te kyɛ wawoɛ bɔ ɔpɛ nu kɔ ɔ.

Edwein 16:5

AWURADE te m’agyapadeɛ bɔ mafa ɔ, ɔne me ngrabea; wɔ sa nu yeɛ me nwo amukoraa wura ɔ.

Edwein 17:15

Na me de, ɔnate kyɛ metengyɛ ne ati, ngonwu wɔ nyunu; sɛ medafe metingye a, m’ahone kɔtɔ me kunu, kyɛ manwu wɔ nyunu ɔ.

Edwein 4:6

Mmeni pee yeɛ bebisa kyɛ, “Nwa yeɛ ɔkɔmaa yɛkonwu yɛ bɔ ɔte paa ɔ?” Ao AWURADE, ma w’adom ne ɔta wɔ yɛ so!”

Edwein 47:4

Ɔye y’agyapadeɛ sie berɛ ma yɛ, Yakob bɔ okuro ye dwirɛ ne, agyapadeɛ ne te ye animnyam. Sela

Edwein 89:47

Kaye kyɛbɔ me ngoa si te tikaape ɔ, kyɛbɔ ɛbɔle adasa mmaa mane nningyein bɔ ɔte mbaen ɔ!

Nworɛ Dwirɛhanɛniɛ 10:14

Kwaseaa dwudwo pee bɔ ye noa mbe ɔ, nakoso sona nze bɔ ɔbaasi ɔ, bɔ kyẽa bie okosi wɔ ye si ne, nwa yeɛ ɔkɔhora kɔla ye ali kohyire ye ɔ?

Nworɛ Dwirɛhanɛniɛ 12:13

Edwirɛ amukoraa bɔ yate ne, sɔa yeɛ yɛbɔ ye porɛ ɔ: Suro Nyameɛ ná di ye mmeraa dwirɛ so, ofikyɛ bɔ odi kyɛ kuro sona biala ɔyɔ hɔ ɛne.

Nworɛ Dwirɛhanɛniɛ 2:24

Nikye paa biala nne berɛ mma sona ndra kyɛ okodidi, ɔkɔno ná ɔkɔfa bɔ wafɛ wanya ye ɔ ɔkɔgye ye nye ɔ. Na ɛhe koso, nwuni kyɛ Nyameɛ yeɛ ɔfa ma ɔ;

Nworɛ Dwirɛhanɛniɛ 2:3

Mvale adwene kyɛ ngɔfa nzaa ngɔgye me nye, wɔ aberɛ bɔ mepena nworɛ si atee ɔ, yeɛ afei kyɛ ngɔyɔ ngwaseade ɔ, kɔpem kyɛ ngonwu bɔ ɔte paa ma adasa kyɛ bɛkɔyɔ ye wɔ ewiase, wɔ bɛ ngoa tikaape ye anu ɔ.

Nworɛ Dwirɛhanɛniɛ 3:22

Yiti nwuni kyɛ, nikye paa biala nne berɛ ndra kyɛ sona kɔfa bɔ wafɛ wanya ye ɔ ɔkɔgye ye nye ɔ; ofikyɛ ye bue nu deɛ ɛne. Ofi wa kɔ a, nwa yeɛ ɔkɔhora kɔɔfa ye kɔwa maa ɔkɔnea bɔ okosi ye si ɔ?

Nworɛ Dwirɛhanɛniɛ 6:11

Edwudwo pee a, wɔ dwudwolɛ ne yɛ mbaen; mvasoɛ beni yeɛ sona nya ɔ?

Nworɛ Dwirɛhanɛniɛ 7:15

M’asetena mbaen ye anu, manwu nikyee biala: Teneneeniɛ bɔ owu wɔ ye tenenee nu, yeɛ bɔnefoɛ koso bɔ onya ngoa tendenn wɔ ye bɔne nu ɔ.

Nworɛ Dwirɛhanɛniɛ 8:13

Bɔnefoɛ de, ongoyie ye yé, yeɛ ye ngoa bɔ ɔte kyɛ wawoɛ ne, ɔngɔyɛ tendenn, ɔnate kyɛ onzuro Nyameɛ.

Nworɛ Dwirɛhanɛniɛ 8:7

Ɔnze edwirɛ bɔ okosi ɔ, ofikyɛ atee bɔ ɔkɔfa so kosi ne, nwa yeɛ ɔkɔhora kɔla ye ali kohyire ye ɔ?

Nworɛ Dwirɛhanɛniɛ 9:6

Ɔdɔ bɔ benyane ye oo, ɛpɔen bɔ bɛpɔle oo, b’anyeboro oo, watu wamini dadadada, na nikyee biala bɔ ɔkɔ so wɔ wiase ne, belle kyɛfa biala wɔ nu ko.

Nworɛ Dwirɛhanɛniɛ 9:9

Wɔ ngoa amukoraa bɔ ɔte mbaen bɔ Nyameɛ afa ama wɔ wɔ wiase ne, ɛne ɛye bɔ ekuro yeɛ ɔ ɛmɔtena anigye so, ofikyɛ ɛfɛɛ bɔ ɛfɛ wiase ne, wɔ bue nu deɛ bɔ anya ye hɔ ɛne.

Mika 6:8

Ao kuro sona, wala bɔ ɔte paa ɔ ali wahyire wɔ, nzikyɛ yeɛ AWURADE pena fi wɔ berɛ ɔ? Bɔ ɔpena ala ole kyɛ ɛkɔyɔ bɔ ɔtengyɛ, ekonwu anwumvoin, ɔne kyɛ ɛne wɔ Nyameɛ bɛkɔnate anwobrɛaseɛ nu ɔ.

Yakobo 4:14

Nakoso ɛmɔnze bɔ okosi ɛhema ɔ. Ɛmɔ ngoa te nzu? Ofikyɛ ɔte etutue bɔ ɔba mmerɛ kãa bie, ná afei watu wamini ɔ.