Nworɛ Dwirɛhanɛniɛ 5:8 - AHYERƐLƐ KRONGRON

⁸ Sɛ enwu kyɛ manzini bie anu besisi ehianiɛ, kyɛ bebua ndɛengyea, ɔne kyɛ bɛkatakata nahorɛ so a, nnɛma sɔ dwirɛ ne yɛ wɔ nwanwa, ofikyɛ panyi bie yeɛ ɔnea sɔ panyi ne so ɔ, na bewura mbanyi paa biemɔ abo.

Nworɛ Dwirɛhanɛniɛ 5:8 Iomraidhean Croise

2 Aberɛso Dwirɛ 26:10

Osisili abandenden mɔ wɔ ɛserɛ ne aso, na otutuli abura pee, ofikyɛ né ole nyɛmmoa pee wɔ aseɛ frɛtɛɛ ne aseɛ pralaa ne aso. Né osa ole akuafoɛ mɔ ne bɛ bɔ betwi bobe nzaa wɔ mmokaa nemɔ aso ne aseɛ bɔ ɔkye aleɛ nemɔ aso, ofikyɛ né ye nye gye kua nwo.

YOB NWOMAA NE 24:23

Ɔbɔ bɛ nwo waen ogyina bɛ si, nakoso ye nye li b’atee bɔ bɛnate so ɔ si.

Edwein 12:5

AWURADE nwa nyoo, “Ɔnate kyɛ sona bɔ olle bie ne, bɛhyɛ ye, ná bɛma sona bɔ ɔyɛ anwumvo ne odi aworabɔlɛ ne ati, ngɔkekã me nwo. Ye nwo waenbɔlɛ bɔ yeɛ ɔpena ne, ngɔfa ngɔma ye.”

Edwein 55:9

Ao AWURADE, sɛkye bɛ porɛ bɔ bɛbɔ ɔ, ma bɛ noa ɔto fofo, ofikyɛ kyɛ menwu basabasayɔlɛ ne ngondiihonɛ wɔ kuro ne anu.

Edwein 82:1

Nyameɛ atena ye bia nu wɔ nyameɛso badwa ne anu, na obua nyameɛ mɔ ndɛen kyɛ,

Edwein 83:18

Maa benwu kyɛ wɔ bɔ wɔ ngome yeɛ wɔ dumaa ole AWURADE ne, wɔ yeɛ ɛte Anwuro Anwuro hene bɔ edi aseɛ amukoraa so ɔ.

Edwein 95:3

Ofikyɛ AWURADE te Nyameɛ piri, ɔte Ɛhene piri bɔ ɔtra nyameɛ mɔ amukoraa ɔ.

Anyandera 22:16

Sona bɔ osisi ehiafoɛ fa nya ye nwo, ɔne bɔ ɔfa ye anwonya kyɛ sikafoɛ ne, ehiaa yeɛ okohia ye ɔ.

Anyandera 24:12

ná sɛ ɛkã kyɛ, “Tie, né yɛnze” a, Nyameɛ bɔ ɔse sona ti anu dwirɛ ne, aso onnwuni wɔ anaa? Ye bɔ ɔnea wɔ kra so ne, aso ɔnze anaa? Aso ongotua ebiala kerɛ kyɛbɔ ye yɔleɛ te anaa?

Anyandera 8:17

Bɛ bɔ bekuro me dwirɛ ne, mekuro bɛ dwirɛ, na bɛ bɔ bɛ nye boro bɛpena me ne, benwu me.

Nworɛ Dwirɛhanɛniɛ 3:16

Masa manwu ye wɔ wiase kyɛ, nekaa bɔ bedi dwirɛ ne, amumuyɛɛ wɔ berɛ, nekaa bɔ ɔsɛ kyɛ tenenee ba berɛ ne, bɔne yeɛ ɔwɔ berɛ ɔ.

Nworɛ Dwirɛhanɛniɛ 4:1

Nza nwuni nhyɛsoɛ amukoraa bɔ ɔkɔ so wɔ wiase ɔ. Bɛ bɔ mmenia hyɛ bɛ so ne, nea bɛ nye moen, belle aworakyekyerɛniɛ biala. Tumi wura bɛ bɔ bedi anyandim ne sa. Ao, amaneɛnwunɛfoɛ nemɔ, belle aworakyekyerɛniɛ biala!

Nworɛ Dwirɛhanɛniɛ 5:9

Aseɛ ne aso mvasoɛ ne, ɔwɔ berɛ ma ebiala, na ɛhene bɔbɔ po, aseɛ ne aso yeɛ odidi ɔ.

Nworɛ Dwirɛhanɛniɛ 7:7

Nahorɛ nu, nhyɛsoɛ ma nworɛfoɛ bɛbɔ laen, yeɛ fea-ase-ma koso ɔma sona bu ye nye gua nahorɛ so.

Nworɛ Dwirɛhanɛniɛ 8:9

Manwu ɛhemɔ amukoraa, na medwene nningyein amukoraa bɔ bɛyɔ ye wiase ne anwo: Mmerɛ bie wɔ berɛ a, sona fa ye tumi sisi obiɛngo maa ɔkakyi ye so amaneɛ.

Yesaya 10:12

Sɛ AWURADE yɔ ye adwuma mukoraa wɔ Sion bokaa so ne Yerusalem yie a, ɔkɔhwe Asiria hene so wɔ ye anwomasoɛ mvamva ne ye dwɛɛ ne anwo.

Yesaya 3:15

Ɔwale ye sɛ bɔ ɛmɔadufudufu me mmenia sɔa, bɔ ɛmɔadwiridwiri ehiafoɛ bɛ nyunu sɔa e?” AWURADE, Asafo NYAMEƐ ne, ye noa dwirɛ ɛne.

Yesaya 37:36

Na AWURADE abɔfo hɔle Asiria asikyeleɛ ne anu oohuhuni koɛhonɛfoɛ apee ɛyaa ko aburawɔtwɛ ne nnu. Na bedwɔsole ngyerɛmɔ tutututu ne, yieee, né efuin ngome yeɛ begua berɛ ɔ.

Yesaya 5:7

Hmmm, Asafo AWURADE bobe boo ne, ye ole Yisrael awuro ama, yeɛ Yudafoɛ wora bɛte ye boo bɔ ɔyɛ ye nyemene ɔ. Ahaa né ɔpena kyɛ onwu ndɛenbualɛ turoloo, nakoso onwu aminɛlilɛ, ahaa né ɔpena kyɛ onwu tenenee, nakoso awuyebɔlɛ yeɛ ɔte ɔ!

Yesaya 57:15

Ofikyɛ Anwuro Anwuroniɛ ne, bɔ ɔwɔ berɛ afebɔɔ, bɔ ye dumaa ole Krongron ne, ɔnwa nyoo: “Anwuro ne nekaa krongron berɛ yeɛ nde ɔ, na sona bɔ wanya nnuhoɛ ne anwobrɛaseɛ ne, me ne ye yeɛ yɛte ɔ, amaa ɔnate so mama anwobrɛaseɛfoɛ bɛ sunzum anya ngoa, ná mama bɛ bɔ banya nnuhoɛ ne b’ahone anya ngoa.

Hesekiel 18:18

Na ye baba de, ɔnate kyɛ wali aminɛ, wafa obiɛngo nikyee patapaa so, wayɔ bɔ ɔtte mayee wɔ ye maen nu ne ati, tie, ɔnate ye amumuyɛɛ ti okowu.

Amose 5:12

Ofikyɛ mese ɛmɔ mmeraatolɛ worawora ne, ɔne ɛmɔ bɔne mbiri mbiri ne. Ɛmɔ bɔ ɛmɔteetee teneneefoɛ, ná ɛmɔde fea-ase-ma, ná ɛmɔbua bɛ bɔ bɛyɛ anwumvo ɔ ndɛengyea wɔ nekaa bɔ bedi dwirɛ ɔ.

Amose 6:12

Aso mbɔngɔ betu amirika wɔ nyɔbotaen so anaa? Aso bɛfa nandwie befundam berɛ anaa? Nakoso ɛmɔama ndɛenbualɛ akakyi ɛborɔ, yeɛ tenenee mma bakakyi anafranaku.

Mika 2:9

Me maen mmrasua nemɔ, ɛmɔatu bɛ bafi b’awuro nyemenenyemene nemɔ anu, na ɛmɔale m’animnyam bafi bɛ mma mɔ sa nu afebɔɔ.

Sakaria 8:6

Asafo AWURADE nwa nyoo: Maen he anu mmenia bɔ baha ne, sɛ ɔyɛ bɛ nye so nwanwa wɔ mmerɛ he anu a, aso me koso ɔkɔyɛ me nye so nwanwa anaa? Asafo AWURADE noa dwirɛ ɛne.

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Luka 1:32

Ɔkɔyɛ sona titire, na bɛkɔfrɛ ye Anwuro Anwuroniɛ n’Awa; na Awurade Nyameɛ kɔfa ye nana Dawide ahennie bia ne kɔma ye,

Luka 1:35

Na abɔfo ne buale ye kyɛ, “Sunzum Krongron ne kɔwa wɔ so, na Anwuro Anwuroniɛ ne, ye tumi komundu wɔ so; yiti baa krongron bɔ ɛkɔwo ye ne, bɛkɔfrɛ ye Nyameɛ Awa.

Luka 1:76

Na wɔ, akwadaa he, bɛkɔfrɛ wɔ Anwuro Anwuroniɛ ne, ye ngɔmhyɛlɛniɛ; ɔnate kyɛ ekoli Awurade nyunu moa ekosiesie ye atee nu,

Asomafoɛ 12:23

Na aworafire nu, Awurade abɔfo ɔɔbɔle ye tole ase, ofikyɛ wamva animnyam wamma Nyameɛ; ɔlɔle nnɔboakoma na owuli.

Romanfoɛ 11:33

O! Nyameɛ anwonya ne ye nworɛ ne ye nimdeɛ nu pi! Nwa yeɛ ɔkɔhora kohyirehyire ye porɛ bɔ wabɔ nu ɔ? Nwa yeɛ ɔse ye atee bɔ ɔfa so yɔ ye nningyein, anaa nwa yeɛ ɔkɔte ye bo koyie ɔ?

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.

1 Petro 4:12

Aliɛmaa mɔ, amaneɛ yeayea bɔ ɔtoto ɛmɔ bɔ bɛfa beso ɛmɔ bɛnea ne, nnɛmɔma ɔyɛ ɛmɔ nwanwa, kyɛ ebiaa ɔte nikyee foforɛ bie yeɛ ɔtoto ɛmɔ ɔ.

1 Yohane 3:13

Aliɛmaa mɔ, sɛ ewiase pɔ ɛmɔ a, nnɛmɔma ɔyɛ ɛmɔ nwanwa.