Nworɛ Dwirɛhanɛniɛ 5:7 - AHYERƐLƐ KRONGRON

⁷ Ɛkye laleɛ pee a, né wɔ dwudwolɛ mbaen mbaen asone pee, nakoso suro Nyameɛ.

Nworɛ Dwirɛhanɛniɛ 5:7 Iomraidhean Croise

Anyandera 23:17

Nnɛma wɔ nye boro bɔnefoɛ, na mmom suro AWURADE daa biala.

Nworɛ Dwirɛhanɛniɛ 12:13

Edwirɛ amukoraa bɔ yate ne, sɔa yeɛ yɛbɔ ye porɛ ɔ: Suro Nyameɛ ná di ye mmeraa dwirɛ so, ofikyɛ bɔ odi kyɛ kuro sona biala ɔyɔ hɔ ɛne.

Nworɛ Dwirɛhanɛniɛ 3:14

Mese kyɛ nikyee biala bɔ Nyameɛ yɔ ne, ɔkɔtena berɛ daa. Ɛngɔhora ngɔfa bie ngɔboka so, yeɛ ɛngɔhora ngɔye bie ngofi nu. Nyameɛ yɔ ye sɔ, amaa ɔnate so sona biala asuro ye.

Nworɛ Dwirɛhanɛniɛ 3:16

Masa manwu ye wɔ wiase kyɛ, nekaa bɔ bedi dwirɛ ne, amumuyɛɛ wɔ berɛ, nekaa bɔ ɔsɛ kyɛ tenenee ba berɛ ne, bɔne yeɛ ɔwɔ berɛ ɔ.

Nworɛ Dwirɛhanɛniɛ 5:3

Kyɛbɔ adwenedwene pee ma sona kye laleɛ ne, sɔ ala yeɛ edwudwolɛ pee maa yɛnwu sona kwaseaa ɔ.

Nworɛ Dwirɛhanɛniɛ 7:18

Ɔte paa kyɛ ɛkɔsɔ foɛtulɛ bɔ oli moa ne anu, bɔ ɛngɔyakyi bɔ ɔtɔ so nyɔ ne koso anu ɔ. Ofikyɛ sona bɔ osuro Nyameɛ ne, ɔkɔhwe ye nwo kofi ye mukoraa nwo.

Nworɛ Dwirɛhanɛniɛ 8:12

Ɔwɔ nu kyɛ bɔnefoɛ ɔyɔ bɔne yɔleɛ sɔ alaa ɛyaa, ná onya ngoa tendenn de; nakoso nahorɛ nu, me de mese kyɛ bɛ bɔ besuro Nyameɛ ná bebu ye ne yeɛ okoyie bɛ yé ɔ.

Nworɛ Dwirɛhanɛniɛ 8:13

Bɔnefoɛ de, ongoyie ye yé, yeɛ ye ngoa bɔ ɔte kyɛ wawoɛ ne, ɔngɔyɛ tendenn, ɔnate kyɛ onzuro Nyameɛ.

Nworɛ Dwirɛhanɛniɛ 8:9

Manwu ɛhemɔ amukoraa, na medwene nningyein amukoraa bɔ bɛyɔ ye wiase ne anwo: Mmerɛ bie wɔ berɛ a, sona fa ye tumi sisi obiɛngo maa ɔkakyi ye so amaneɛ.

Mateo 12:36

“Na mekã mekyire ɛmɔ kyɛ, edwirɛ mbaen biala bɔ mmenia kɔhã ne, bekobu ye nwo ngondaa ndɛenbualɛ kyẽa ne.