Nworɛ Dwirɛhanɛniɛ 5:5 - AHYERƐLƐ KRONGRON

⁵ Ɔte paa kyɛ ɛngɔhyɛ bɔ tra kyɛ ɛkɔhyɛ bɔ ná anni so ɔ.

Nworɛ Dwirɛhanɛniɛ 5:5 Iomraidhean Croise

Anyandera 20:25

Ɔte musue ma sona kyɛ ɔkɔpere ye nwo kɔhã kyɛ, “Ɛhe te krongron,” ná koso ɔbɔ anohoba yie a, afei ɔhyɛ ye bo ɔdwenedwene ɔ.

Lewitikɔso 5:4

Anaa sɛ ebie bukye ye noa, ná ɔpere ye nwo hyɛ bɔ nikyee bie anwo a, kyɛ paa oo, anaa tɛɛ oo, ndaen biala bɔ sona perepere ye nwo ɔta ne, sɛ ɔnze po a, sɛ onya nwu ye a, okoli nu biala nwo fɔ.

Yona 2:9

Nakoso ngɔfa asennaa komviɛ ngɔbɔ afɔleɛ ngɔma wɔ. Ngotua m’aboadeɛ bɔ maboa ne. AWURADE berɛ yeɛ ngoalelɛ fi ɔ!”

Malaki 2:7

Ofikyɛ, bɔ odi kyɛ ofite ɔsɔfo noa ole nimdeɛ, na ye noa dwirɛ nu yeɛ odi kyɛ mmenia bɛpena mmeraa ne ɔ, ofikyɛ ɔte Asafo AWURADE bɔfoɛ.

Asomafoɛ 5:4

Mmerɛ bɔ né ennya ɛttɔnene ye nen, aso né ɔtte wɔ deɛ? Na ɛtɔnene ye yiele ne koso, esikaa ne aso ɔtte wɔ deɛ? Na ɔwale ye sɛ bɔ afa sɔ adwene he ɔ? Nna kuro sona, na Nyameɛ mmom yeɛ ali ye ndurum ɔ.”

Deuteronomi 23:21

“Sɛ ɛhyɛ AWURADE wɔ Nyameɛ bɔ a, nnɛtwetwe wɔ bo ase wɔ ye tualɛ nu; ofikyɛ ɔyɛ sɛɛ ala a AWURADE wɔ Nyameɛ kobisa kofi wɔ berɛ, na ɔkɔkakyi wɔ so bɔne.

Deuteronomi 23:22

Nakoso sɛ anhyɛ bɔ biala de a, ye de ɔngɔkakyi wɔ so bɔne.

Maenbulɛfoɛ 11:35

Yɛfeta nwuni ye pɛ, osunzuale ye bɔbɔ ye ndaadeɛ nu, na osele kyɛ, Yieee, mma, ate m’ahone! Afa edwirɛ awura me paa! Ofikyɛ mahyɛ AWURADE bɔ, na mengɔhora mengɔhwe mengosa.”