Nworɛ Dwirɛhanɛniɛ 5:4 - AHYERƐLƐ KRONGRON

⁴ Sɛ ɛhyɛ Nyameɛ bɔ a, nnɛtwetwe wɔ gya ase wɔ ye tualɛ nwo, ofikyɛ ɔngyegye ngwaseafoɛ so. Tua bɔ ahyɛ ye nwo bɔ ne.

Nworɛ Dwirɛhanɛniɛ 5:4 Iomraidhean Croise

Gyenesise 28:20

Yeɛ Yakob hyɛle Nyameɛ bɔ kyɛ, “Sɛ Nyameɛ kogyina me si, na ɔkɔnea me so wɔ m’ateetulɛ ye anu, na ɔkɔma me aleɛ maa ngoli ɔne ɛtena maa ngɔhera,

Gyenesise 35:1

Nyameɛ sele Yakob kyɛ, “Dwɔso kɔ Betel kɔtena dɔ; na si afɔleɛ bokyea ma Nyameɛ bɔ ɔyele ye nwo ali hyirele wɔ wɔ mmerɛ bɔ ɔnate eliɛma Yisɔ ti ɛnwatili ne.”

Gyenesise 35:3

Ɛ́mɔma yɛdwɔso yɛhɔ Betel, maa ngonzi afɔleɛ bokyea berɛ ma Nyameɛ bɔ otiele me wɔ mmerɛ bɔ me nwo hyerele me ne, na wagyina me si nekaa biala bɔ mahɔ ne.”

Edwein 116:14

Ngotua m’aboadeɛ ngɔma AWURADE, wɔ ye mmenia amukoraa bɛ nyunu.

Edwein 119:106

Mata ndaen, na ngoli so, kyɛ ngoli wɔ tenenee nhyehyɛleɛ ne aso.

Edwein 22:25

Wɔ yeɛ ɛmaa mekora meye wɔ ayɛ wɔ badwa kandinga nu ɔ, na bɛ bɔ besuro wɔ ne, bɛ nyunu yeɛ ngotua m’aboadeɛ ɔ.

Edwein 50:14

Fa asennaa yɛ afɔleɛ bɔ ma AWURADE, ná tua w’aboadeɛ ma Anwuro Anwuroniɛ ne.

Edwein 76:11

Odi kyɛ ɛmɔhyehyɛ AWURADE ɛmɔ Nyameɛ bɔ, na ɛmɔtua, bɛ bɔ bapɛ ye nwo bayia ne amukoraa, odi kyɛ ebiala ɔfa akyɛdeɛ ɔbrɛ ye bɔ ye nwo yɛ suro ne.

Anyandera 20:25

Ɔte musue ma sona kyɛ ɔkɔpere ye nwo kɔhã kyɛ, “Ɛhe te krongron,” ná koso ɔbɔ anohoba yie a, afei ɔhyɛ ye bo ɔdwenedwene ɔ.

Yesaya 19:21

AWURADE kɔye ye nwo ali kohyire Misraim; Misraimfoɛ konwu AWURADE sɔ kyẽa ne, bɛkɔbɔ afɔleɛ ne naen yeralɛ afɔleɛ bɛkɔfa bɛkɔsɔne ye, bɛkɔhyɛ AWURADE bɔ, na bekoli so.

Yona 2:9

Nakoso ngɔfa asennaa komviɛ ngɔbɔ afɔleɛ ngɔma wɔ. Ngotua m’aboadeɛ bɔ maboa ne. AWURADE berɛ yeɛ ngoalelɛ fi ɔ!”

Malaki 1:10

O, ɛmɔ nu nwa yeɛ ɔkɔɔtoto anoa nemɔ anu ɔ, amaa ɔnate so ɛmɔangɔ anzɔ m’afɔleɛ bokyea ne aso see mbaen. Me kunu ndwo wɔ ɛmɔ nwo, yeɛ mengole ɛmɔ sa nu afɔleɛ ne, Asafo AWURADE noa dwirɛ ɛne.

Numeri 30:2

Sɛ bienzua bie hyɛ AWURADE bɔ, anaakyɛ sɛ ɔta ndaen fa foa edwirɛ bie aso a, onni kyɛ obu edwirɛ bɔ waha ne aso. Odi kyɛ ɔyɔ bɔ wato ye noa nu tui waha ne biala.

Mateo 5:33

“Ɛmɔate ye bieku kyɛ bɛhã behyirele tetefoɛ nemɔ kyɛ, ‘Nnɛta ndaen mbaen, na mmom fa bɔ aboa Awurade ne ma ye!’

Hebrifoɛ 10:6

Wɔ nye angye naen yeralɛ afɔleɛ ne bɔne nwo afɔleɛ nwo.

Maenbulɛfoɛ 11:35

Yɛfeta nwuni ye pɛ, osunzuale ye bɔbɔ ye ndaadeɛ nu, na osele kyɛ, Yieee, mma, ate m’ahone! Afa edwirɛ awura me paa! Ofikyɛ mahyɛ AWURADE bɔ, na mengɔhora mengɔhwe mengosa.”