Nworɛ Dwirɛhanɛniɛ 5:17 - AHYERƐLƐ KRONGRON

¹⁷ Awosii akata ye ngyẽa mukoraa so, na ɔfa ɛyaafɛlɛ, anwonyerɛ ne aworabɔlɛ pee nu.

Nworɛ Dwirɛhanɛniɛ 5:17 Iomraidhean Croise

Gyenesise 3:17

Na Nyameɛ sele Adam koso kyɛ, “Kyɛbɔ atie bɔ ɛye hane, na ali bakaa bɔ nganzole wɔ kyɛ ‘nnɛdi ye mma ne bie’ ne ati, ɔnate wɔ ti, musue aha aseɛ. Na ɛfɛɛ paa yeɛ ɛkɔfɛ koraa né adidi so w’asetena mukoraa nu ɔ.

1 Ahemvo 17:12

Nakoso braa ne buale kyɛ, “Kyɛ AWURADE wɔ Nyameɛ te ase ye, nnne aleɛ biala wɔ berɛ, sana esam me sa bum ko bɔ ɔwɔ kukue nu, yeɛ ngoo kaaba bie bɔ ɔwɔ towaa nu ɔ. Mebaapena eyein kãa mefa mekɔ awuro mekɔyɛ aleɛ maa me ne mma yɛdi. Sɛ yɛdi yɛyie a, ɛhɔen yeɛ okohu yɛ maa yɛkowu ɔ.”

2 Ahemvo 1:2

Ahasia ahemvie bɔ ɔwɔ Samaria ne, né Ahasia wafi ye aborɔsaen ne mboma nu wate watɔ. Opurale, yiti otuli ɛbɔfoɛ mɔ kyɛ, “Ɛmɔhɔ Ekron bosoen Baal Sebubo so na ɛmɔɔbisa sɛ me puralɛ bɔ mapura ye ngɔte apɔ a?”

2 Ahemvo 1:6

Bebuale ye kyɛ, “Biaa bie ooyiale yɛ, na osele yɛ kyɛ, ‘Ɛ́mɔsa bɛhɔ Nana Ahasia bɔ ɔsomane ɛmɔ ne berɛ beese ye kyɛ, AWURADE nwa: Aso Nyameɛ biala ɔnne Yisrael bɔ yiti yeɛ ɛsoma maa bɛkɔ Ekron bosoen Baal Sebubo so abisa ye? Ye sɔ ti, bɛen bɔ anwonyerɛ ahã wɔ ato so ye, engofi so ngodwɔso, na mmom ewue yeɛ ekowu ɔ.’ ”

2 Ahemvo 5:27

Ɔnate ye sɔ ti, Naaman kwata anwonyerɛ ne kɔte kɔha wɔ ne wɔ boso ama so afebɔɔ.” Yiti Gehasi fili Elisa nyunu berɛ hɔle bɔ né kwata anwonyerɛ ayɛ ye ma ye nwo ayɛ horaenn kyɛ asukɔtwea ɔ.

YOB NWOMAA NE 21:25

Yeɛ ebie wora, ye kra di aworabɔlɛ kɔ ewue nu, bɔ onnya asetena nu anigye ɔ.

Edwein 102:9

Ofikyɛ medi nzoen kyɛ aleɛ, na mefa me nye moen mefra me nzue,

Edwein 127:2

Ɔte mbaen kyɛ ɛmɔkɔpɛ aleɛ bekodwɔso, ná ɛmɔanna ndɛ, ná ɛmɔfɛ tetanwuu bɛpena ɛmɔ noa aleɛ ɔ; ofikyɛ bɛ bɔ okuro bɛ dwirɛ ne, sɛ bɛda po a, ɔma bɛ bɔ behia ɔ.

Edwein 39:6

Amba, ebiala nate berɛ kyɛ wawoɛ bie. Amba, sona ha ye nwo mbaen, sona pena agyapadeɛ pee, nakoso ɔnze sona bɔ okooli ye sa ɔ.

Edwein 78:33

Yiti ɔpɛle bɛ ngoa so kyɛ nwomeɛ, bɔ b’afoɛ bɔ wahã ne ɔɔyɛle ahunundetelɛ ɔ.

Nworɛ Dwirɛhanɛniɛ 2:10

Nikyee biala bɔ ɔyɛle me nye so nyemene ne, mva mɔle me nye akɔhoma. Nikyee bɔ ɔma me anigye ne, mandwe me nwo mamvi ye nwo, ofikyɛ me ɛfɛɛ adwuma mukoraa, nyane anigye mvili nu, na ɛhe te me fɛɛ amukoraa nwo akatuaa.

Nworɛ Dwirɛhanɛniɛ 2:23

Ofikyɛ, yealɛlilɛ wayi ye asetena nu tɛkyɛ, yeɛ ye adwuma koso te ye hawo. Odwu kɔngɔen po a, né wato ye ne adwenedwene: Ɛhe koso te mbaen.

Nworɛ Dwirɛhanɛniɛ 2:24

Nikye paa biala nne berɛ mma sona ndra kyɛ okodidi, ɔkɔno ná ɔkɔfa bɔ wafɛ wanya ye ɔ ɔkɔgye ye nye ɔ. Na ɛhe koso, nwuni kyɛ Nyameɛ yeɛ ɔfa ma ɔ;

Nworɛ Dwirɛhanɛniɛ 7:14

Mmerɛ bɔ okoyie wɔ yé ne, ma wɔ nye gye, nakoso sɛ mmerɛ tɛɛ to wɔ a, fa kɔ adwenedwene nu. Nyameɛ bɔ ɔmane sɔ tebea ne wale ne, ye ala yeɛ wama ɛhe koso wawa ɔ, amaa ɔnate so kuro sona wannwu nikyee biala bɔ okosi wɔ ye si ɔ.

Asomafoɛ 12:23

Na aworafire nu, Awurade abɔfo ɔɔbɔle ye tole ase, ofikyɛ wamva animnyam wamma Nyameɛ; ɔlɔle nnɔboakoma na owuli.