Nworɛ Dwirɛhanɛniɛ 5:16 - AHYERƐLƐ KRONGRON

¹⁶ Ɛhe koso te edwirɛ yealɛ paa: kyɛbɔ osi wale ne, sɔ ala yeɛ ɔkɔhɔ ye ɔ. Na ɛfɛɛ mbaen bɔ wafɛ ne, nzikyɛ mvasoɛ yeɛ onyane ye ɔ?

Nworɛ Dwirɛhanɛniɛ 5:16 Iomraidhean Croise

Anyandera 11:29

Ebiala bɔ ɔha ye abusua ne, agyapadeɛ biala kɔbɔ ye, na kwaseaa kɔyɛ nworɛniɛ akoaa.

Nworɛ Dwirɛhanɛniɛ 1:3

Ɛfɛɛ worawora bɔ sona fɛ wɔ ewiase ye, nzikyɛ mvasoɛ yeɛ onya fi nu ɔ?

Nworɛ Dwirɛhanɛniɛ 2:11

Afei ndole me nye nneane me sa noa adwuma mukoraa, ɔne nningyein bɔ mafɛ mayɔ ne, na nwuni kyɛ ye mukoraa te mbaen, ɔte dadwene mbaen, na mvasoɛ biala nne so wɔ wiase.

Nworɛ Dwirɛhanɛniɛ 3:9

Nzikyɛ mvasoɛ koraa yeɛ adwumayɔlɛniɛ onya fi ye fɛɛ nu ɔ?

Nworɛ Dwirɛhanɛniɛ 5:13

Edwirɛ yealɛ paa bie wɔ berɛ bɔ manwu ye wɔ wiase ɔ. Ye ole kyɛ, sona fa ye anwonya sie toonn maa ɔkakyi ye so musue,

Yesaya 26:18

Yɛnwonzɛle, yɛ ko hale yɛ, nakoso bɔ yɛwole ye ne, ɔte kyɛ mvrama: yangora yamva ngoalelɛ yamma aseɛ so, ná waayɛ kyɛ po yɛngɔma ewiase mmenia bengonya ngoa ɔ.

Yeremia 2:8

Asɔfo nemɔ bammisa kyɛ, ‘AWURADE wɔ nisua?’ Yeɛ bɛ bɔ bekyirekyire mmeraa ne anu ne, bɛnze me; bɛ neafoɛ nemɔ, bɛyɔle bɔne betiale me; bosoen Baal yeɛ ngɔmhyɛlɛfoɛ bɛfale ye bɛhyɛle ngɔm ɔ, na belili nningyein bɔ mvasoɛ nne so ɔ si.

Hosea 8:7

Ofikyɛ bedua mvrama, na mvrama bɔ ɔpɛ ye nwo ɔ yeɛ bɛkɔpɛ ɔ. Aburoo ne wambɛnzɛ, na ɔngɔfa mmaa. Sɛ ɔfa mmaa po a, ɛwɔfoɛ mɔ yeɛ bekoli ɔ.

Marko 8:36

Na sɛ sona nya ewiase amukoraa ná ɔhwere ye kra a, nzikyɛ mvasoɛ yeɛ okonya ɔ?

Yohane 6:27

Nnɛma ɛmɔyɔ aleɛ bɔ ɔsɛkye ɔ nwo adwuma, na mmom ɛ́mɔyɔ aleɛ bɔ ɔtena berɛ kɔ daa ngoa nu, bɔ Sona Awa ne kɔfa kɔma ɛmɔ ne nwo adwuma; ofikyɛ ye yeɛ Baba Nyameɛ wale ye wato nu wama ye tumi ɔ.”

1 Korintofoɛ 16:16

Yiti ɛ́mɔbrɛ ɛmɔ nwo ase bɛma sɔ mmenia ne, ɔne ebiala bɔ ɔne yɛ di sɔ dwumadie ne ɔ.

1 Samuel 12:21

Yeɛ nningyein mbaen mbaen bɔ mvasoɛ nne so, anaa bɛngora benne ngoa ne, nnɛma ɛmɔdi makyebu bekodi bɛ si, ofikyɛ bɛte mbaen.