Nworɛ Dwirɛhanɛniɛ 5:10 - AHYERƐLƐ KRONGRON

¹⁰ Sona bɔ ye nye boro sikaa ne, onya sikaa a ye nye nzɔ; yeɛ bɔ ye nye boro anwonyadeɛ ne koso, ye nye nzɔ bɔ wanya ye ɔ: Ɛhe koso te mbaen.

Nworɛ Dwirɛhanɛniɛ 5:10 Iomraidhean Croise

Edwein 52:1

Wɔ, anwoserɛniɛ, nzu ati yeɛ ɛfa bɔne bɔ edi ɔ hoahoa wɔ nwo ye? Nyameɛ nahorɛ wɔ berɛ daa.

Edwein 52:7

“Ɛ́mɔnea sona bɔ wamva Nyameɛ wanyɛ ye afealeɛ, na mmom ɔfale ye wora wurale ye anwonya worawora nu, ná ɔfale ye nwo tole ye agyapadeɛ so ne!”

Edwein 62:10

Nnɛma ɛmɔfa ɛmɔ nwo bɛto apoobɔlɛ so, yeɛ nnɛma ɛmɔ nye gye awue nwo; sɛ ɛmɔ anwonyadeɛ sone po a, nnɛma ɛmɔfa bɛ nwo bɛto so.

Nworɛ Dwirɛhanɛniɛ 1:17

Yiti mva nziele me nye so kyɛ ngɔpena nworɛ si atee, yeɛ afei kyɛ ngonwu ɛlaenbɔlɛ ne ngwaseasɛm ɔ. Na nwuni kyɛ ɛhe koso te dadwene mbaen.

Nworɛ Dwirɛhanɛniɛ 1:8

Nningyein amukoraa yie ɛfɛɛ, ɛfɛɛ bɔ sona ngora ye kã ɔ; anyeɛ nea nikyee a ɔnde ye, yeɛ asoɛ tie dwirɛ a onyi.

Nworɛ Dwirɛhanɛniɛ 2:10

Nikyee biala bɔ ɔyɛle me nye so nyemene ne, mva mɔle me nye akɔhoma. Nikyee bɔ ɔma me anigye ne, mandwe me nwo mamvi ye nwo, ofikyɛ me ɛfɛɛ adwuma mukoraa, nyane anigye mvili nu, na ɛhe te me fɛɛ amukoraa nwo akatuaa.

Nworɛ Dwirɛhanɛniɛ 2:11

Afei ndole me nye nneane me sa noa adwuma mukoraa, ɔne nningyein bɔ mafɛ mayɔ ne, na nwuni kyɛ ye mukoraa te mbaen, ɔte dadwene mbaen, na mvasoɛ biala nne so wɔ wiase.

Nworɛ Dwirɛhanɛniɛ 2:26

Ofikyɛ sona bɔ ɔsɔ Nyameɛ nye ne, ɔma ye nworɛ, nimdeɛ ne anigye; nakoso bɔnefoɛ de, Nyameɛ maa ɔpena agyapadeɛ gua berɛ ma sona bɔ ɔsɔ Nyameɛ nye ɔ: Ɛhe koso te mbaen, na ɔte dadwene mbaen.

Nworɛ Dwirɛhanɛniɛ 3:19

Ofikyɛ adasa mmaa ne ngaka b’ayieleɛ te ko. Nikyee komapɛ yeɛ ɔto bɛ ɔ. Kyɛbɔ sona owu ne, sɔ ala yeɛ kaka wu ɔ. Ngoa nwomeɛ wɔ bɛ mukoraa nu; yiti sona ndra kaka: ofikyɛ nikyee biala te mbaen.

Nworɛ Dwirɛhanɛniɛ 4:16

Mmenia pembepembe bɔ olili bɛ so ne, ɛka bɛ a ennwu ye noa. Nakoso bɛ bɔ nziɛ ye bɛwale ne de, banguro ye dwirɛ. Nahorɛ nu, ɛhe koso te mbaen, na ɔte dadwene mbaen.

Nworɛ Dwirɛhanɛniɛ 4:4

Na nwuni kyɛ, ɛfɛɛ mukoraa bɔ sona fɛ, ɔne ye sa noa adwuma mukoraa bɔ ɔyɔ ye yé ne, ɔnate ye nye bɔ ɔboro kyɛ ɔne obiɛngo bɛkɔyɛ pɛ ti ɔ: Ɛhe koso te mbaen, na ɔte dadwene mbaen.

Nworɛ Dwirɛhanɛniɛ 4:8

Sona bɔ wayɛ angonam bɔ olle ba anaa aliɛmaa ɔ, nakoso adwuma serɛ alaa yeɛ ɔkɔ so yɔ ɔ, na ye nye nzɔ ye anwonya bɔ wanya ye ɔ. Na obisa ye nwo kyɛ, “Adwuma bɔ mefɛ me nwo meyɔ, bɔ mama m’anigye abɔ me ye, nwa yeɛ mefɛ mema ye ɔ?” Ɛhe koso te mbaen ne adwuma fuin.

Nworɛ Dwirɛhanɛniɛ 5:9

Aseɛ ne aso mvasoɛ ne, ɔwɔ berɛ ma ebiala, na ɛhene bɔbɔ po, aseɛ ne aso yeɛ odidi ɔ.

Nworɛ Dwirɛhanɛniɛ 6:7

Ɛfɛɛ amukoraa bɔ sona ɔfɛ ye, ye noa aleɛ ti ɔ, nakoso odidi a ɔnde ye.

Mateo 6:19

“Nnɛma ɛmɔboaboa agyapadeɛ noa bɛma bɛ nwo wɔ aseɛ ye aso, nekaa bɔ mvrɔlɔ di ná odi naakye, ná awuefoɛ bubu kɔ nu bekowua ne.

Mateo 6:24

“Sona biala ngora nzo meneɛ nyɔ; ofikyɛ ɔba ye sɔ a, ɔkɔpɔ ko, né wahuro ko dwirɛ; anaakyɛ ɔkɔso ko nahorɛ nu, né wabu ko animtia. Ɛmɔngɔhora ngɔso Nyameɛ ne anwonyadeɛ.

Luka 12:15

Na osele bɛ kyɛ, “Ɛ́mɔnea ɛmɔ nwo yé wɔ anyeboroborolɛ nwo; ofikyɛ nna agyapadeɛ somaa bɔ sona wanya ye ɔ yeɛ otira ye ngoa nyamaa nu ɔ.”

1 Timoteo 6:10

Ofikyɛ bɔne amukoraa ndii ole sikanyeboro, bɔ ebiemɔ ali ye si bali makyebu bafi gyidie ne anwo, bɔ yiti bahwehwe aworabɔlɛ pee babrɛ bɛ nwo ɔ.