Nworɛ Dwirɛhanɛniɛ 5:1 - AHYERƐLƐ KRONGRON

¹ Sɛ ɛkɔ Nyameɛ awuro a, nea wɔ nwo yé wɔ bɔ ɛkɔyɔ ɔ nwo. Ɛkɔ berɛ kotie ye a, ɔte paa tra afɔleɛ bɔ ngwaseafoɛ bɛbɔ ɔ. Ofikyɛ bɛ de, bɛnze kyɛ bɔne yeɛ bɛyɔ ɔ.

Nworɛ Dwirɛhanɛniɛ 5:1 Iomraidhean Croise

2 Aberɛso Dwirɛ 26:16

Nakoso mmerɛ bɔ Yusia nyane tumi ne, ɔyɛle anwomasoɛ, na ɔnate so ye ayieleɛ wanyie ye yé. Ɔyɔle bɔne tiale AWURADE ye Nyameɛ, ofikyɛ ye bɔbɔ ɔhɔle AWURADE asɔneyɛɛ sua ne anu ɔɔyerale ɛyɛɛ wɔ ɛyɛɛ afɔleɛ bokyea ne aso.

YOB NWOMAA NE 11:2

“Edwudwolɛ worawora ne, aso onni kyɛ mebua ye nwo bie anaa? Sɛ sona dwudwo worawora a, né okyire kyɛ odi be anaa?

YOB NWOMAA NE 22:12

“Aso nna nyameɛso anwuro anwuro yeɛ Nyameɛ wɔ ɔ? To wɔ nye nea anwuro anwuro nzramaa mɔ, ná nwu kyɛbɔ besi bɛwɔ dededede ɔ!

Edwein 89:7

Ɔte Nyameɛ bɔ besuro ye wɔ krongronfoɛ badwa nu ɔ, ɔte piri, na ye nwo yɛ suro tra bɛ bɔ bapɛ ye nwo bayia amukoraa.

Ɛksadɔso 3:5

Na AWURADE hane kyɛ, “Nnɛpingye wa! Puropuro wɔ gya nu mbaboa ne, ofikyɛ nekaa bɔ egyi ne te aseɛ krongron.”

Ɛksadɔso 30:18

“Fa kɔɔbere yɔ ayaa bɔ bekonwunzi bɛ nwo wɔ nu ɔ, ná fa kɔɔbere yɔ ye nyinasoɛ ne. Fa sie ɛtena sua atenaleɛ nu berɛ ɔne afɔleɛ bokyea ne b’afia, ná fa nzue gua nu.

Anyandera 10:19

Mvomsoɛ mba edwudwolɛ worawora nu, nakoso sona bɔ ondwudwo pee ne, ɔte nworɛniɛ.

Anyandera 15:8

Bɔnefoɛ afɔleɛ te AWURADE akyiwadeɛ, nakoso teneneefoɛ mbaeɛ de, ɔte ye nikyee bɔ ye nye gye ye nwo ɔ.

Anyandera 21:27

Bɔnefoɛ afɔleɛ te akyiwadeɛ, na sɛ ɔfa adwene tɛɛ ɔbɔ afɔleɛ ne po de a, ye de né wasram so!

Yesaya 66:3

“Sona bɔ oku nandwie ne, ɔte kyɛ bɔ oku mmenia ɔ ala, bɔ ɔfa boaen bɔ afɔleɛ ne, ɔte kyɛ bɔ obu kyea kɔme anu ɔ, bɔ ɔbɔ aburoo afɔleɛ ne, ɔte kyɛ bɔ ɔfa prako mogya bɔ afɔleɛ ɔ, bɔ ɔyera ɛyɛɛ ne, ɔte kyɛ sona bɔ ɔsɔ amoen ɔ. Bɛ de, bali bɛ bɔbɔ bɛ ti piri, na b’akyiwadeɛ nemɔ yeɛ bɛ kra nye gye ye nwo ɔ.

Lewitikɔso 10:3

Na Mose sele Aarɔn kyɛ, “Bɔ AWURADE aha hɔ ɛhe: ‘Ɔnate bɛ bɔ bepingye me ne aso, ngɔmaa bekonwu me kyɛ nde krongron, na bɛkɔhyɛ me animnyam wɔ mmenia ne amukoraati nyunu.’ ” Na Aarɔn yɛle konn.

Asomafoɛ 10:33

Ɛhe ati berɛ ne ala nzomane kyɛ bɛɛfa wɔ bɛbra, na wɔ koso ayɔ nikyee kyɛ awa ɔ. Yiti kekesaala ye, yɛ mukoraa yayia Nyameɛ nyunu wɔ wa, kyɛ yɛbaatie nikyee biala bɔ Awurade ahyɛ wɔ kyɛ ɛha hyire yɛ ɔ.”

Asomafoɛ 17:11

Na sɔ Yudafoɛ nemɔ, né b’adwene nu api tra bɛ bɔ bɛwɔ Tɛsalonika ne, ɔnate kyɛ bɛyele bɛ kunu betiele edwirɛ ne; na daa biala bɛneaneane Ahyerɛlɛ ne anu kyɛ, aso edwirɛ ne, ye ala ɛne a.

1 Korintofoɛ 11:22

Nzu ɔ! Ɛmɔlle awuro mɔ bɔ ɛmɔdidi nu ná ɛmɔno wɔ nu hɔ ɔ? Anaakyɛ Nyameɛ asɔre ne yeɛ ɛmɔbu ye animtia ná ɛmɔsa begua ehiafoɛ nyunu ase ɔ? Nzikyɛ koraa yeɛ nga ngyire ɛmɔ ɔ? Ngamvo ɛmɔ wɔ ɛhe anwo anaa? Daabi! Mengɔkamvo ɛmɔ.

Hebrifoɛ 10:26

Na sɛ yɛnya yɛnya nahorɛ ne nwo nimdeɛ, na ye si ye yɛ nye la ye nwo yɛkɔ so yɛyɔ bɔne de a, ye de bɔnefakyɛ afɔleɛ biala nne berɛ ko;

Yakobo 1:19

Aliɛmaa adɔfo mɔ, ɛ́mɔtie ɛhe yé. Ɔsɛ kyɛ sona biala yɛ ndɛ tie, nnɛmaa ɔpe ndɛen dwudwo, nnɛmaa ɔpe ndɛen fɛ yaa;

Yosua 5:15

Na AWURADE lɔen so safohene ne buale Yosua kyɛ, “Puropuro wɔ gya nu mbaboa ne, ofikyɛ nekaa bɔ egyi ne te krongron.” Na Yosua yɔle sɔ.