Nworɛ Dwirɛhanɛniɛ 4:8 - AHYERƐLƐ KRONGRON

⁸ Sona bɔ wayɛ angonam bɔ olle ba anaa aliɛmaa ɔ, nakoso adwuma serɛ alaa yeɛ ɔkɔ so yɔ ɔ, na ye nye nzɔ ye anwonya bɔ wanya ye ɔ. Na obisa ye nwo kyɛ, “Adwuma bɔ mefɛ me nwo meyɔ, bɔ mama m’anigye abɔ me ye, nwa yeɛ mefɛ mema ye ɔ?” Ɛhe koso te mbaen ne adwuma fuin.

Nworɛ Dwirɛhanɛniɛ 4:8 Iomraidhean Croise

Gyenesise 2:18

Na AWURADE Nyameɛ sele kyɛ, “Ɔtte mayee kyɛ sona ne ngome kɔtena ɔ; ngɔyɛ bokafoɛ bɔ ɔfata ye ɔ ngɔma ye.”

Edwein 39:6

Amba, ebiala nate berɛ kyɛ wawoɛ bie. Amba, sona ha ye nwo mbaen, sona pena agyapadeɛ pee, nakoso ɔnze sona bɔ okooli ye sa ɔ.

Edwein 39:7

Na afei AWURADE, nzikyɛ yeɛ mva me nye ndo so ɔ? Wɔ yeɛ me nye la wɔ so ɔ.

Anyandera 27:20

Kyɛbɔ ɛborɔ ne Abadɔn bɛ ko nyi le ne, sɔ ala yeɛ kuro sona nye ɔneanea a ɔmvɛ ɔ.

Nworɛ Dwirɛhanɛniɛ 1:13

Mva nziele me nye so kyɛ, nikyee biala bɔ bɛyɔ ye wɔ ewiase ne, mefa nworɛ mepɛnzɛpɛnzɛ nu mete ye bo. Ɔte adwuma serɛ paa bɔ ye yɔlɛ nyɛ fɛ, bɔ Nyameɛ afa ato adasa so kyɛ bɛyere bɛ nwo bɛyɔ ɔ.

Nworɛ Dwirɛhanɛniɛ 1:8

Nningyein amukoraa yie ɛfɛɛ, ɛfɛɛ bɔ sona ngora ye kã ɔ; anyeɛ nea nikyee a ɔnde ye, yeɛ asoɛ tie dwirɛ a onyi.

Nworɛ Dwirɛhanɛniɛ 2:21

Ofikyɛ, ɔtɔ mmerɛ bie a, ebie bɔ wafa ye nworɛ ne ye nimdeɛ ne ye adwene wapena agyapadeɛ ne, odi kyɛ ɔyakyi ye berɛ ma sona bɔ wamvɛ ye nwo ɔ bafa: Ɛhe koso te mbaen, na ɔte edwirɛ yealɛ piri paa.

Nworɛ Dwirɛhanɛniɛ 2:23

Ofikyɛ, yealɛlilɛ wayi ye asetena nu tɛkyɛ, yeɛ ye adwuma koso te ye hawo. Odwu kɔngɔen po a, né wato ye ne adwenedwene: Ɛhe koso te mbaen.

Nworɛ Dwirɛhanɛniɛ 4:7

Nza nwuni nikyee bieku bɔ ɔte mbaen wɔ wiase ɔ:

Nworɛ Dwirɛhanɛniɛ 5:10

Sona bɔ ye nye boro sikaa ne, onya sikaa a ye nye nzɔ; yeɛ bɔ ye nye boro anwonyadeɛ ne koso, ye nye nzɔ bɔ wanya ye ɔ: Ɛhe koso te mbaen.

Nworɛ Dwirɛhanɛniɛ 5:9

Aseɛ ne aso mvasoɛ ne, ɔwɔ berɛ ma ebiala, na ɛhene bɔbɔ po, aseɛ ne aso yeɛ odidi ɔ.

Yesaya 5:8

Bɛ yaakɔ! Bɛ bɔ basesa sua mɔ babɔ so, bɔ basesa eboo mɔ babɔ so, kɔpem kyɛ bɛkɔkandam ye mukoraa so, kɔpem kyɛ bɛ ngome bɛkɔha wɔ aseɛ ne aso ɔ.

Yesaya 55:2

Nzu ati yeɛ ɛmɔfa sikaa bɛtɔ nikyee bɔ nna aleɛ ahɔ ɔ, ɔne kyɛ ɛmɔsɛkye ɛmɔ anwoserɛ wɔ nikyee bɔ ɔmma ɛmɔ ko nyi nwo ɔ? Ɛ́mɔtie me yé, ná ɛ́mɔli bɔ ɔte paa ɔ, ná ɛ́mɔma ɛmɔ kra nye gye aleɛ sɔkyee nwo.

Mateo 11:28

“Ɛmɔ amukoraa bɔ ɛmɔayɔ adwuma bafɛ ná bafa adesoa nonɛnonɛ basoa ɛmɔ ne, ɛmɔbra me berɛ, na ngɔmaa ɛmɔkole ɛmɔ nwome.

Luka 12:20

Nakoso Nyameɛ sele ye kyɛ, ‘Kwaseambane! Kɔngɔen ye ala ngole wɔ kra ngofi wɔ sa nu; na nningyein bɔ apena agua berɛ ne, nwa yeɛ bɛkɔyɛ ye deɛ ɔ?’

1 Yohane 2:16

Ofikyɛ bɔ ɔwɔ wiase amukoraa: anwoɔnaen akɔnnɔ, anyeboroborolɛ, asetena nu anwohoahoa offi Baba ne berɛ, na mmom ofi wiase.