Nworɛ Dwirɛhanɛniɛ 4:14 - AHYERƐLƐ KRONGRON

¹⁴ Ebie fi kuku nu badi hene, ɔwɔ nu kyɛ bɛwole ye bɛtole ehiaa nu wɔ ye maen nu.

Nworɛ Dwirɛhanɛniɛ 4:14 Iomraidhean Croise

Gyenesise 41:14

Yiti Faro somane maa bɛɛfrɛle Yosef bɛmane ye. Bɛyele ye befili kumaa nu kuku nu berɛ ndɛndɛ. Na Yosef poane ye kanza na ɔsesane ye ndaadeɛ yiele ne, ɔwale oogyinane Faro nyunu.

2 Ahemvo 24:12

Na Yuda hene Yehoakyin bɔbɔ ɔfale ye nwo wurale Babilɔn hene sa ole tole nu kyɛ wali ngoguo ɔne oni, ye somvoɛ mɔ, ye safohene mɔ yeɛ ye ahemvie mbanyi mɔ yeɛ bɛyɔle sɔ ɔ. Babilɔn hene lili hene ne, ye afoɛ bɔ ɔtɔ so mmɔtwɛ ne anu yeɛ ɔhyele ye nnure ɔ.

2 Ahemvo 24:6

Afei Yehoakim toale ye mbanyi mɔ, na ɔwa bienzua Yehoakyin lili ye bia.

2 Ahemvo 25:7

Behuhuni Sedekia mma mmienzua bɔ ye bɔbɔ ye nye tua ɔ, na betutuli Sedekia nye. Beguale ye ngɔnzɔngɔnzɔ bɛfale ye bɛhɔle Babilɔn.

YOB NWOMAA NE 5:11

ɔma anwobrɛaseɛfoɛ so, na ɔma bɛ bɔ bedi aworabɔlɛ so ɔkɔ anigye nu.

Nworɛ Dwirɛhanɛniɛ 4:15

Na aberandeɛ bɔ osili sɔ hene ne gya nu ne, nwuni ateasefoɛ amukoraa bɔ bɛnate wiase kyɛ baali ye si.

Awuye 4:20

Yɛ ngoa nwomeɛ, bɔ yeɛ ole bɔ AWURADE apopa ye ngoo ne, bɛhyele ye wɔ bɛ kumaa nemɔ anu. Ye yeɛ yɛhã yɛfale ye nwo kyɛ, “Ye fɔnwoo ne abo, yeɛ yɛkɔtena wɔ Amaenmaensofoɛ nemɔ anu ɔ.”

Daniel 4:31

Na Nana Nebukadenesa noa ambe, yeɛ edwudwolɛ bie fili nyameɛso sele kyɛ, “Wɔ, ɛhene Nebukadenesa, wɔ yeɛ bɛ́kã edwirɛ he bekyire wɔ ɔ, kyɛ: Ahennie ne, wafi wɔ sa!

1 Samuel 2:8

Ɔma ehianiɛ so fi asefuo nu, na ɔma sona bɔ ɔyɛ anwumvo ɔ so fi fofoɛ so, maa ɔtena atitirefoɛ nu, na ɔmaa onya animnyam bia tena so. Ofikyɛ aseɛ nyinasoɛ nemɔ, AWURADE deɛ ɔ, na nyinasoɛ nemɔ so yeɛ wafa ewiase wasie ɔ.