Nworɛ Dwirɛhanɛniɛ 3:5 - AHYERƐLƐ KRONGRON

⁵ mmerɛ bɔ begyi nyɔboɛ begua ɔ le ye mmerɛ, yeɛ nyɔboɛ noa boaboalɛ le ye mmerɛ; awaawaatuuyɛlɛ le ye mmerɛ, yeɛ mmerɛ bɔ bɛnyɛ awaawaatuu ɔ le ye mmerɛ;

Nworɛ Dwirɛhanɛniɛ 3:5 Iomraidhean Croise

2 Ahemvo 3:25

Bɛsɛkyele nguro nemɔ anu nningyein pasaa, na aseɛ bɔ ɔkye aleɛ biala koso bɛ nu biala gyili nyɔboɛ tole so, kɔpem kyɛ nyɔboɛ katale aseɛ ne aso amukoraa ɔ. Mbombonzue biala, nekaa bɔ ye nzue ne ofi opu ɔba ne, betuale ye, na bakaa bɔ bedi ye mma biala koso, bebu bɛtole ase. Kire Haresete angome yeɛ ɔte kuro bɔ bammubu ye nyɔboɛ fasue ɔ, kɔpem kyɛ koɛhonɛfoɛ bɔ bɛto nyɔboɛ ne, bɛɛpɛle ye nwo beyiale bɛfale koɛ bɛtetale ye ɔ.

Ɛksadɔso 19:15

Na osele mmenia ne kyɛ, “Ɛ́mɔboaboa bɛ nwo bésie ɛhema si, nnɛma ɛmɔfa bɛ nwo bɛka brasua.”

Nworɛ Dwirɛhanɛniɛ 3:4

esuɛ le ye mmerɛ, yeɛ ɛserelɛ le ye mmerɛ, awuyebɔlɛ le ye mmerɛ, yeɛ abiliegolɛ le ye mmerɛ;

Nworɛ Dwirɛhanɛniɛ 3:6

nikyee penalɛ le ye mmerɛ, yeɛ nikyee minilɛ le ye mmerɛ; nikyee fa sielɛ le ye mmerɛ, yeɛ ye gyigualɛ le ye mmerɛ,

Yoel 2:16

ɛ́mɔboaboa maen ne anoa, ɛ́mɔte mmenia nemɔ anwo, ɛ́mɔboaboa mbanyi nemɔ noa, ɛ́mɔboaboa ngwadaa nemɔ noa, yeɛ bɛ bɔ betua nyɔfone noa ne koso. Odi kyɛ atɔmvorɛ biaa ofi ye pia nu ba, ná atɔmvorɛ braa koso ofi ye pumbu nu ba.

1 Korintofoɛ 7:5

Nnɛma ɛmɔtua ɛmɔ nwo nnaa, sana ɛmɔ munyɔ ɛmɔapene so kyɛ ɛmɔtu mmerɛ kãa bie besie berɛ ma mbaeɛbɔlɛ; na ɛhe asi ye, ɛmɔasa bayia nu bieku, ná abɔnzam amva ɛmɔ anwohyɛsoɛ nu mmerɛyɛlɛ so wanzo ɛmɔ wannea.

Yosua 10:27

Na eyia kwaatɔ ne, Yosua maa bɛyele bɛ befili mmakaa ne aso bɛwale ase, na beegyili bɛ beguale nyɔboɛ bɔ wasi sua bɔ bɛɛfeale nu ne anu. Bɛfale nyɔbotaen betuale nyɔboɛ bɔ wasi sua ne noa, na nyɔboɛ ne tɛ wɔ berɛ maa waadwu ɛnɛ.