Nworɛ Dwirɛhanɛniɛ 3:3 - AHYERƐLƐ KRONGRON

³ ehunɛ le ye mmerɛ, yeɛ anwonyerɛsalɛ le ye mmerɛ; nikyee sɛkyelɛ le ye mmerɛ, yeɛ ye siesielɛ le ye mmerɛ;

Nworɛ Dwirɛhanɛniɛ 3:3 Iomraidhean Croise

Gyenesise 9:6

Sona biala bɔ ɔkɔha obiɛngo mogya kogua ne, ye wora sona yeɛ ɔkɔha ye mogya kogua ɔ, ofikyɛ Nyameɛ sɛso yeɛ ɔyɔle sona ɔ.

Yesaya 44:26

Me yeɛ mema me somvoɛ ye noa dwirɛ osi pi, ná mema me bɔfoɛ mɔ bɛ ngɔmhyɛlɛ ɔba nu ɔ. Me yeɛ mekã mekyire Yerusalem kyɛ, ‘Mmenia kɔtena wɔ nu,’ yeɛ mekã mekyire Yuda nguro kyɛ, ‘Bɛkɔkyekye wɔ bieku, na ngosa ngɔkyekye wɔ kurofoen nemɔ bieku.’

Yesaya 6:10

Ma maen he b’adwene ɔla, ma bɛ so anu yɛ se, ná ma bɛ nye si; wamma ye sɔ a, bɛkɔfa bɛ nye bekonwu nikye, bɛkɔfa bɛ so bɛkɔte dwirɛ, bɛkɔfa b’adwene bɛkɔte dwirɛ bo, ná basakyera maa masa bɛ anwonyerɛ.”

Yeremia 1:10

Tie, ɛnɛ kyẽa ye, mama wɔ tumi wɔ maen maen ne ahennie mɔ so, kyɛ etutu bɛ bo ná edwiri bɛ gua ase, kyɛ ɛsɛkye bɛ ná ɛhã bɛ gua, kyɛ esi ná elua.”

Yeremia 31:28

Na ɔkɔwa kyɛ, kyɛbɔ nneane bɛ so kyɛ ngotutu bɛ bo, ngobubu nu, ngodwiri ngogua, ngɔsɛkye, ná mama musue ato bɛ ne, sɔ ala yeɛ ngɔnea bɛ so ngosi ná malua ɔ, AWURADE noa dwirɛ ɛne.

Yeremia 33:6

Tie, ngɔma kuro he anwo kɔsande ye ná wate apɔ, na ngɔsa bɛ anwonyerɛ. Na ngɔla asomdwee ne nahorɛlilɛ mmorosoɛ ali ngohyire bɛ.

Yeremia 45:4

Kã kyire ye kyɛ, AWURADE nwa nyoo: Tie, bɔ masi ne, ngobubu ye, yeɛ bɔ malua ne, ngotutu ye bo. Na ngɔyɛ ɛhe wɔ aseɛ ye amukoraa so.

Hesekiel 13:14

Fasue bɔ ɛmɔafa ewure bahã ye nwo ne, ngodwiri ye ngogua ase maa ye fapem ne nwo kɔla berɛ. Okobubu kogua maa ɛmɔkowuwu wɔ nu, na ɛmɔkonwu kyɛ me ole AWURADE.

Hagae 1:2

“Asafo AWURADE nwa nyoo: Maen he nwa: Mmerɛ bɔ odi kyɛ yɛsa yɛsi AWURADE awuro ne, onnya oddwuli.”

Hagae 1:4

“Ɛmɔ de, aso mmerɛ adwu kyɛ ɛmɔtenatena ɛmɔ awuro mɔ bɔ bafa nikyee badwura ye kunu ɔ nu, wɔ aberɛ bɔ awuro he de wabubu wagua ɔ?

Sakaria 1:12

Yeɛ AWURADE abɔfo ne bisale kyɛ, ‘O Asafo AWURADE, Yerusalem ne Yuda nguro bɔ w’ahone ahu bɛ so afoɛ aburasoo ɛhe ne, ɔkwaadwu kyinzu yeɛ engonwu bɛ anwumvoin ɔ?’

Deuteronomi 32:39

“Afei de, ɛ́mɔnwu ye kyɛ ME OLE YE, na nyameɛ biala nne berɛ bɔ ɔboka me so ɔ. Me yeɛ meku, ná mesa mema ngoa ɔ; me yeɛ mepura, ná mesa mesa anwonyerɛ ɔ; na sɛ me sa sɔ ebie nu a, ebiala nne berɛ bɔ ɔkɔhora kole ye ɔ.

1 Samuel 2:25

Sɛ ebie yɔ bɔne tia obiɛngo a, ebie kɔpa kyerɛ kɔma ye wɔ Nyameɛ nyunu, nakoso sɛ ebie yɔ bɔne tia Nyameɛ a, nwa yeɛ ɔkɔpa kyerɛ kɔma ye ɔ?” Nakoso bandie bɛ se dwirɛ, ofikyɛ né AWURADE ayɛ kyɛ okohu bɛ.

1 Samuel 2:6

AWURADE yeɛ oku, ná osa ma ngoa ɔ; ye yeɛ ɔmaa bɛkɔ ɛborɔ, ná osa maa bedwɔso befi dɔ bɛba ɔ.