Nworɛ Dwirɛhanɛniɛ 3:20 - AHYERƐLƐ KRONGRON

²⁰ Nningyein mukoraa bɛkɔ neka horɛ, nningyein mukoraa befi nnɛterɛ nu, na nningyein mukoraa besa bɛkɔ nnɛterɛ nu.

Nworɛ Dwirɛhanɛniɛ 3:20 Iomraidhean Croise

Gyenesise 25:17

Yismael afoɛ bɔ olili amukoraa te ɛyaa ko ne aburasa ne nzoo. Owuli, na ɔtoale ye mbanyi mɔ.

Gyenesise 25:8

Abraham yɛle aworowaa posoposo, ɔyɛle panyi paa, na owuli ye mbanyi nu asomdwee nu. Na ɔtoale ye mbanyi mɔ.

Gyenesise 3:19

Mvifire kosongyi wɔ ti anwo koraka né anya aleɛ ali, kɔpem kyɛ ekosa kɔhɔ nnɛterɛ nu ɔ; ofikyɛ nnɛterɛ nu yeɛ nyele wɔ mvili ɔ, ɛte nnɛterɛ, na nnɛterɛ nu ala yeɛ ekosa kɔhɔ ɔ.”

YOB NWOMAA NE 14:10

Nakoso dasaniɛ de, owu a, ɔda berɛ bɔ ɔngekã ye nwo ɔ, sɛ sona ka nu a, né ɔwɔ nisua?

YOB NWOMAA NE 14:14

Sɛ dasaniɛ wu a, ɔkɔtena ngoa nu bieku anaa? Koɛ noa bɔ ngyi wɔ m’asetena nu ye, ngɔnwondɛ, kɔpem kyɛ ngɔpɔno ngole me nwome ɔ.

YOB NWOMAA NE 17:13

Sɛ me nye la so kyɛ ɛborɔ kɔyɛ m’awuro, sɛ meto me mba wɔ awosii nu,

YOB NWOMAA NE 30:24

“Sona bɔ ɔyɛ anwumvo ne, sɛ osũ pena mmokalɛ wɔ ye amaneɛnwunɛ nu a, onni kyɛ ebiala bɔ ye atianuserɛ.

YOB NWOMAA NE 34:15

ahaa abɔdeɛ mukoraa bɔ bɛte ase ne, bekowu bɛkɔbɔ nu, na adasa mukoraa bekosa bɛkɔhɔ nnɛterɛ nu.

YOB NWOMAA NE 7:9

Na kyɛbɔ munungum se kɔ ná otu mini ne, sɔ ala yeɛ ebiala bɔ ɔkɔ ɛborɔ dɔ ne, onza mma ko ɔ.

Edwein 103:14

Ofikyɛ ye yeɛ ɔse kyɛbɔ osi bɔle yɛ ɔ, na ɔkaye kyɛ yɛte mvuture.

Edwein 104:29

Sɛ ɛye wɔ nye fea bɛ a, bɛ kunu te bɛ, sɛ etua bɛ nwomeɛ a, bewuwu, na besa bɛkɔ bɛ mvuture nu.

Edwein 49:14

Bɛte kyɛ mmoaen, na bɛ mukoraa bewu. Ewue yeɛ odi bɛ nyunu fa bɛ kɔ ɔ; teneneefoɛ koli bɛ so tumi ngyerɛmɔ, na b’anwonyemene kɔsɛkye wɔ ewue kumaa nu; na ɛborɔ yeɛ ɔkɔyɛ b’awuro ɔ.

Nworɛ Dwirɛhanɛniɛ 12:7

koraka né nnɛterɛ asa ahɔ nnɛterɛ nu kyɛbɔ né ɔte daa ne ala, koraka né nwomeɛ wasa wahɔ Nyameɛ bɔ ɔfa mane ne berɛ.

Nworɛ Dwirɛhanɛniɛ 3:21

Sona sunzum, sɛ ɔfo kɔ anwuro oo, anaakyɛ kaka sunzum, sɛ odwu kɔ aseɛ bo dɔ oo, nwa yeɛ ɔse ɔ?

Nworɛ Dwirɛhanɛniɛ 6:6

Sɛ sɔ sona ne di afoɛ apee nyɔ po, ná wannya anigye paa biala a, aso nna neka horɛ yeɛ bɛ mukoraa bɛkɔ ɔ?

Nworɛ Dwirɛhanɛniɛ 7:2

Ɔte paa kyɛ ɛkɔhɔ awuro bɔ bɛyɛ sɛen wɔ nu tra kyɛ ɛkɔhɔ awuro bɔ bato poen bedidi wɔ nu ɔ nu; ofikyɛ sona biala ye ayieleɛ ɛne, na ateasefoɛ fa sɔ dwirɛ ne sie bɛ ti anu.

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Daniel 12:2

Na bɛ bɔ balela wɔ aseɛnwo nnɛterɛ nu ne, bɛ nu pee kotingye, ebiemɔ kɔhɔ daa ngoa nu, yeɛ ebiemɔ wora bɛkɔhɔ animguaseɛ ne nyanzoen bɔ olle ayieleɛ ɔ nu.

Numeri 27:13

Sɛ ɛnea yie a, ɛkɔtoa wɔ mbanyi mɔ kyɛbɔ eliɛma Aarɔn toale bɛ ne.