Nworɛ Dwirɛhanɛniɛ 3:2 - AHYERƐLƐ KRONGRON

² Aworɛ le ye mmerɛ, yeɛ ewue le ye mmerɛ; nningyein lualɛ le ye mmerɛ, yeɛ bɔ balua ne, ye tulɛ le ye mmerɛ;

Nworɛ Dwirɛhanɛniɛ 3:2 Iomraidhean Croise

Gyenesise 17:21

Nakoso m’apam ne de, Yisake bɔ afoɛ bieku bekye sɔa ala né ɛne Sara bawo ye ne, yeɛ me ne ye yɛkɔyɛ ɔ.”

Gyenesise 47:29

Na mmerɛ bɔ Yisrael wue pingyele ne, ɔfrɛle ɔwa Yosef sele ye kyɛ, “Sɛ anya alo me a, ye de fa wɔ sa bawura me sɔ abo, na hyɛ ɛbɔ kitii kyɛ ekoli nahorɛ kɔma me: Sɛ mewu a, nnɛsie me wɔ Misraim.

1 Ahemvo 13:2

Nyameɛ sona ne teane nu fale AWURADE dwirɛ dwudwo tiale Betel afɔleɛ bokyea ne kyɛ, “Afɔleɛ bokyea, afɔleɛ bokyea, AWURADE nwa nyoo, ‘Bɛkɔwo baa bienzua bie wɔ Dawide awuro ama nu bɔ bɛfrɛ ye Yosia ɔ. Na asɔneyɛɛ so asɔfo mɔ bɔ bɛfa ɛyɛɛ bɛbɔ afɔleɛ wɔ wɔ so ne, wɔ so yeɛ Yosia kɔfa bɛ kɔbɔ afɔleɛ ɔ. Na ɔkɔyera kuro sona mmowue wɔ wɔ so.’ ”

2 Ahemvo 4:16

Na Elisa sele kyɛ, “Afoɛ bieku bekye sua, ɛkɔfa ɛwa kɔto wɔ gya so.” Yeɛ braa ne buale kyɛ, “Daabi, me mene, Nyameɛ sona, nnɛlakalaka w’afaneɛ.”

YOB NWOMAA NE 14:14

Sɛ dasaniɛ wu a, ɔkɔtena ngoa nu bieku anaa? Koɛ noa bɔ ngyi wɔ m’asetena nu ye, ngɔnwondɛ, kɔpem kyɛ ngɔpɔno ngole me nwome ɔ.

YOB NWOMAA NE 14:5

Ɔnate kyɛ, ye ngoa bɔ okonya ye ne, ahyehyɛ ye tendenn ato berɛ, ɔne bosome somaa bɔ okonya ye ɔ ato berɛ, yeɛ apɛ ɛwɛen ato berɛ bɔ ɔngɔhora ye tra ɔ ne ati,

YOB NWOMAA NE 7:1

“Aseɛ ye aso bɔ dasaniɛ te ye, aso nna nzɔhwɛ serɛserɛ noa yeɛ ogyi ɔ? Ye ngyẽa ne, aso onzoma paaniɛ ngyẽa.

Edwein 113:9

Ɔmaa mmotaen brasua ɔbɔ taen, maa ɔyɛ brataen bɔ ye nye agye ɔ. Ɛ́mɔye AWURADE ayɛ!

Edwein 52:5

Nakoso Nyameɛ kobubu wɔ kogua berɛ afebɔɔ; ɔkɔpra wɔ boso kɔhwe wɔ kofi wɔ tena sua nu; okotu wɔ bo kofi teasefoɛ aseɛ so. Sela

Anyandera 24:27

Siesie w’adwuma wɔ nekaa bie, duadua wɔ fieso nningyein yie, ná afei asi w’awuro.

Yesaya 28:24

Aso daa biala yeɛ kuaniɛ ofundam aseɛ dua nningyein ɔ? Aso daa biala yeɛ otutu ye aseɛ ne ofurofuro nu ɔ?

Yesaya 38:1

Sɔ mmerɛ ne anu, anwonyerɛ bɔle Hesekia bɔ né ɔla awusu ɔ. Na ngɔmhyɛlɛniɛ Yesaya bɔ ye baba ole Amoso ne, ɔwale Hesekia berɛ oosele ye kyɛ, “AWURADE nwa nyoo: Toto wɔ si yé, ofikyɛ ɛbaawu, na ɛngɔte apɔ.”

Yesaya 38:5

“Kɔhã kyire Hesekia kyɛ, AWURADE, wɔ nana Dawide ye Nyameɛ ne, ɔnwa nyoo: Matie wɔ mbaeɛ ne, na manwu ɛmoen bɔ ɛporo ne. Tie, ngɔto wɔ ngoa nu afoɛ buru ne nnu.

Yesaya 54:1

“To dwein, wɔ, mmotaen bɔ anwo ɔ, ma wɔ komvi so to ahurusi dwein, wɔ bɔ ennwuni aworɛ yealɛ le ɔ! Ofikyɛ brasua bɔ bɛpole ye ne, ye mma kɔyɛ pee kɔtra brasua bɔ ogya biaa ne,” AWURADE noa dwirɛ ɛne.

Yeremia 1:10

Tie, ɛnɛ kyẽa ye, mama wɔ tumi wɔ maen maen ne ahennie mɔ so, kyɛ etutu bɛ bo ná edwiri bɛ gua ase, kyɛ ɛsɛkye bɛ ná ɛhã bɛ gua, kyɛ esi ná elua.”

Yeremia 45:4

Kã kyire ye kyɛ, AWURADE nwa nyoo: Tie, bɔ masi ne, ngobubu ye, yeɛ bɔ malua ne, ngotutu ye bo. Na ngɔyɛ ɛhe wɔ aseɛ ye amukoraa so.

Mateo 13:41

Sona Awa ne kɔsoma ye abɔfo mɔ, na bɛkɔboaboa bɔ ɔte sundidua amukoraa ne bɔnefoɛ amukoraa bekofi ye ahennie ne anu;

Mateo 15:13

Na obuale kyɛ, “Bakaa biala bɔ nna me Baba bɔ ɔwɔ nyameɛso ne yeɛ oluale nen, bekotutu ye bo.

Luka 1:13

Nakoso abɔfo ne sele ye kyɛ, “Sakaria, nnɛsuro, ofikyɛ Nyameɛ ate wɔ mbaeɛ ne, na ɛye Elisabɛte kɔwo baa bienzua kɔma wɔ, na ɛkɔto ye dumaa Yohane.

Luka 1:20

Na tie, anne me dwirɛ bɔ ɔkɔwa nu wɔ ye mmerɛ nu ne anni, yiti ɛkɔtɔ mumu, ɛngɔhora dwudwo maa okodwu kyẽa bɔ ɛhemɔ kɔwa nu ɔ.”

Luka 1:36

Na tie, wɔ busuaniɛ Elisabɛte bɔ bɛnwa ɔte mmotaen ne, ɔnwonzɛ baa bienzua ɛsraen nzia ɛhe; ye bɔ wayɛ aworowaa posoposo ne;

Yohane 16:21

Sɛ aworɛ kã brasua a, onwu yealɛ, ɔnate kyɛ ye mmerɛ adwu; nakoso sɛ ɔwo baa ne pɛ a, ɔngaye yealɛ ne ko, ɔnate anigye bɔ wanya ye kyɛ wawo sona wawa wiase ne ati.

Yohane 7:30

Na ahaa bɛpena ye bɛkye ye; nakoso ebiala amva ye sa wanga ye, ofikyɛ né ye mmerɛ ne onnya oddwuli.

Asomafoɛ 7:17

“Mmerɛ bɔ Nyameɛ anohoba bɔ ɔbɔle Abraham pingyele nen, né yɛ mmenia bɔ bɛwɔ Misraim ne asone pee,

Asomafoɛ 7:20

Sɔ mmerɛ ne yeɛ bɛwole Mose ɔ. na né ye nwo yɛ nyeme, na Nyameɛ hurole ye dwirɛ. Na bɛneane ye bosome nza wɔ ye baba awuro.

Galatiafoɛ 4:4

Nakoso mmerɛ bɔ Nyameɛ ahyehyɛ ato berɛ ne dwuli ne, ɔsomane Ɔwa ne maa ɔwale. Brasua yeɛ ɔwole ye ɔ, na bɛwole ye bewurale mmeraa ne abo,

Deuteronomi 34:5

Afei AWURADE somvoɛ Mose wuli dɔ wɔ Moabo aseɛ so, kyɛbɔ AWURADE noa dwirɛ te ne.

Hebrifoɛ 9:27

Na kyɛbɔ ɔsɛ kyɛ kuro sona wu komapɛ twe na ye si ye Nyameɛ bua ye ndɛen nen,

1 Samuel 2:5

Bɛ bɔ né bɛ ko ayi ne, afei de bekoli paa koraka né banya aleɛ bali, nakoso bɛ bɔ né ɛhɔen apɛ bɛ ne, afei de aleɛ abu bɛ so. Mmotaen braa wawo nzoo, nakoso braa bɔ ye mma pee ne, afei de waha ye ngome.