Nworɛ Dwirɛhanɛniɛ 3:19 - AHYERƐLƐ KRONGRON

¹⁹ Ofikyɛ adasa mmaa ne ngaka b’ayieleɛ te ko. Nikyee komapɛ yeɛ ɔto bɛ ɔ. Kyɛbɔ sona owu ne, sɔ ala yeɛ kaka wu ɔ. Ngoa nwomeɛ wɔ bɛ mukoraa nu; yiti sona ndra kaka: ofikyɛ nikyee biala te mbaen.

Nworɛ Dwirɛhanɛniɛ 3:19 Iomraidhean Croise

2 Samuel 14:14

Ewue de, yɛ mukoraa yɛkowu. Yɛte kyɛ nzue bɔ bahwie bagua ase, bɔ bɛsesa a ɔnyɛ yé ɔ. Nyameɛ de, ɔnga mogya ngua, na mmom ebiala bɔ ɔne ye b’afia atete ne, ole nhyehyɛleɛ bɔ ɔnate so osa twe ye bata ye nwo ɔ.

Edwein 104:29

Sɛ ɛye wɔ nye fea bɛ a, bɛ kunu te bɛ, sɛ etua bɛ nwomeɛ a, bewuwu, na besa bɛkɔ bɛ mvuture nu.

Edwein 49:12

Dasaniɛ ngɔhora ngɔtena ye anwonya nu afebɔɔ, owu kyɛ ngaka ne ala.

Edwein 49:13

Bɛ bɔ bede bɛ nwo bedi ne, sɔ yeɛ b’ayieleɛ te ɔ, bɛ bɔ bɛfa bɛ nwo bɛto b’anwonya so ne, b’ayieleɛ ɛne. Sela

Edwein 49:20

Dasaniɛ ngɔhora ngɔtena ye anwonya nu afebɔɔ, owu kyɛ ngaka ne ala.

Nworɛ Dwirɛhanɛniɛ 1:14

Manwu nikyee biala bɔ bɛyɔ ye wiase ɔ, na tie, ye mukoraa te mbaen, na ɔte dadwene mbaen.

Nworɛ Dwirɛhanɛniɛ 1:17

Yiti mva nziele me nye so kyɛ ngɔpena nworɛ si atee, yeɛ afei kyɛ ngonwu ɛlaenbɔlɛ ne ngwaseasɛm ɔ. Na nwuni kyɛ ɛhe koso te dadwene mbaen.

Nworɛ Dwirɛhanɛniɛ 2:14

Nworɛniɛ se nekaa bɔ ɔkɔ ɔ, nakoso kwaseaa de, awosii nu yeɛ ɔnate ɔ. Nakoso nwuni kyɛ ayieleɛ komapɛ ne ala yeɛ oyie bɛ mukoraa ɔ.

Nworɛ Dwirɛhanɛniɛ 2:16

Ofikyɛ nworɛfoɛ oo, ngwaseafoɛ oo, bɛ nwo ngayeɛ ngɔtena berɛ afebɔɔ. Ɔnate kyɛ mmerɛ bie baawa bɔ mmenia wora kofi bɛ mukoraa ɔ. Hmmm! Nworɛniɛ wu, kyɛbɔ kwaseaa koso wu ne ala.

Nworɛ Dwirɛhanɛniɛ 7:2

Ɔte paa kyɛ ɛkɔhɔ awuro bɔ bɛyɛ sɛen wɔ nu tra kyɛ ɛkɔhɔ awuro bɔ bato poen bedidi wɔ nu ɔ nu; ofikyɛ sona biala ye ayieleɛ ɛne, na ateasefoɛ fa sɔ dwirɛ ne sie bɛ ti anu.

Nworɛ Dwirɛhanɛniɛ 9:12

Sona biala nze ye mmerɛ deɛ. Na kyɛbɔ bɛfa asawu atianuserɛserɛ bɛkye egyein, ná besua ngaen bɛkye nnomaa ne, sɔ ala yeɛ mmerɛ tɛɛ te ngaen bɔ ɔkye adasa mvum nu ɔ.

Nworɛ Dwirɛhanɛniɛ 9:2

ofikyɛ ayieleɛ komapɛ ne ala yeɛ ɔla berɛ ma bɛ mukoraa ɔ: teneneeniɛ ne bɔnefoɛ, sona paa ne sona bɔ ɔtte mayee ɔ, sona bɔ ye nwo te ne bɔ ye nwo nde ɔ, bɔ ɔbɔ afɔleɛ ne bɔ ɔmmɔ afɔleɛ ɔ. Sona paa ne amumuyɛɛniɛ b’ayieleɛ te ko, yeɛ bɔ ɔta ndaen ne bɔ osuro ndaentalɛ koso b’ayieleɛ te ko.

Numeri 16:29

Sɛ mmenia hemɔ bewu bɛ bɔbɔ b’ɛdangama wue, anaa sɛ bɔ ɔto kuro sona biala yeɛ ɔto bɛ a, ye de nna AWURADE yeɛ wasoma me ɔ.