Nworɛ Dwirɛhanɛniɛ 3:13 - AHYERƐLƐ KRONGRON

¹³ Asa koso, sɛ sona biala didi, ɔno, ná ɔfa bɔ wafɛ wanya ye ɔ ɔgye ye nye a, né Nyameɛ akyɛdeɛ ɛne.

Nworɛ Dwirɛhanɛniɛ 3:13 Iomraidhean Croise

Edwein 128:2

Ofikyɛ ekoli wɔ bɔbɔ wɔ sa noa adwuma nwo mvasoɛ; wɔ nye kɔgye, na okoyie wɔ yé.

Edwein 34:12

Ɛmɔ nu nwa yeɛ ɔpena ngoa, ngoa tendenn bɔ nningyein kɔhɔ so yé kɔma ye ɔ?

Nworɛ Dwirɛhanɛniɛ 2:24

Nikye paa biala nne berɛ mma sona ndra kyɛ okodidi, ɔkɔno ná ɔkɔfa bɔ wafɛ wanya ye ɔ ɔkɔgye ye nye ɔ. Na ɛhe koso, nwuni kyɛ Nyameɛ yeɛ ɔfa ma ɔ;

Nworɛ Dwirɛhanɛniɛ 2:3

Mvale adwene kyɛ ngɔfa nzaa ngɔgye me nye, wɔ aberɛ bɔ mepena nworɛ si atee ɔ, yeɛ afei kyɛ ngɔyɔ ngwaseade ɔ, kɔpem kyɛ ngonwu bɔ ɔte paa ma adasa kyɛ bɛkɔyɔ ye wɔ ewiase, wɔ bɛ ngoa tikaape ye anu ɔ.

Nworɛ Dwirɛhanɛniɛ 6:2

Nyameɛ ma ebie sikaa, anwonya ne animnyam, bɔ nikyee fee biala nne berɛ bɔ ye kra pena a ongonya ɔ; nakoso Nyameɛ ɔmma ye anwoserɛ mma ɔmva sɔ nningyein ne ngye ye nye, na ɛwɔfoɛ mmom yeɛ ɔbadi ɔ. Ɛhe te mbaen, na ɔte edwirɛ yealɛ paa.

Nworɛ Dwirɛhanɛniɛ 8:15

Yiti me de, menwu ye kyɛ anigye te paa, ofikyɛ nikye paa biala nne berɛ mma sona wɔ wiase ndra kyɛ okodidi, ɔkɔno, ná ɔkɔgye ye nye ɔ. Ye ngoa bɔ Nyameɛ afa ama ye wɔ wiase ne, ɛfɛɛ bɔ ɔfɛ wɔ nu ne, bɔ odi kyɛ ɔfa bata ye nwo hɔ ɛne.

Nworɛ Dwirɛhanɛniɛ 9:7

Yiti kɔ so, di w’aleɛ wɔ anigye nu, ná fa anwosɛpɛ no wɔ nzaa, ofikyɛ bɔ ɛyɔ ne, Nyameɛ ale ato nu dadadada.

Deuteronomi 12:7

Ɛmɔ ne ɛmɔ awuro ama bekodidi berɛ wɔ AWURADE ɛmɔ Nyameɛ nyunu, na ɔnate ɛmɔ adwuma mukoraati bɔ AWURADE ɛmɔ Nyameɛ wayira ɛmɔ ye nwo ne ati, ɛmɔkoli ahurusi.

Deuteronomi 26:11

Na ɔnate nningyein paa mukoraati bɔ AWURADE wɔ Nyameɛ wafa wama wɔ ne w’awuro ama ne ati, ɔsɛ kyɛ ɛne Lewifoɛ ne ɛwɔfoɛ bɔ bɛwɔ wɔ berɛ ne bedi ahurusi.