Nworɛ Dwirɛhanɛniɛ 3:11 - AHYERƐLƐ KRONGRON

¹¹ Wayɔ nikyee biala nyemenenyemene wɔ ye mmerɛ nu. Wafa mmerɛ bɔ olle ayieleɛ nwo adwene wawura kuro sona adwene nu, nakoso sona ngora nnwu bɔ Nyameɛ ayɔ ɔ, ofi ye bohyɛlɛ bɔ ɔkwaadwu ayieleɛ ɔ.

Nworɛ Dwirɛhanɛniɛ 3:11 Iomraidhean Croise

Gyenesise 1:31

Nyameɛ nwuni kyɛ nningyein bɔ wayɔ ne amukoraa te paa paa. Aleɛ sane, na aleɛ hyene: kyẽa bɔ ɔtɔ so nzia ɛne.

YOB NWOMAA NE 11:7

“Nyameɛ mvealeɛ nu dwirɛ ne, ɛkɔhora kɔte ye bo? Tuminiɛ ne, ɛkɔhora kɔte ye bo koyie bɔkɔɔ?

YOB NWOMAA NE 37:23

Tuminiɛ ne, nekaa bɔ ɔwɔ ne, yɛngɔhora ngonwu ye, ye tumi ne ye nahorɛlilɛ te piri, na ye tenenee totohyia ne ati, ommua ndɛengyea.

YOB NWOMAA NE 5:9

Ye yeɛ ɔyɔ nningyein mbiri mbiri bɔ ɔbo sona ndeaseɛ so ɔ, anwanwadeɛ nningyein bɔ bɛka a bennwu ye noa ɔ.

Edwein 104:24

Ao, AWURADE wɔ sa noa nnwumaa sone paa! Ɛfale nworɛ tole ye nwo yeɛ ɛbɔle bɛ mukoraa ɔ; w’abɔdeɛ mɔ bayi aseɛ so tɛkyɛ.

Anyandera 16:4

AWURADE le botaeɛ bɔ yiti yeɛ wayɔ nikyee biala ɔ, bɔnefoɛ mɔ po, amaneɛnwunɛ kyẽa ne la berɛ ma bɛ.

Nworɛ Dwirɛhanɛniɛ 1:13

Mva nziele me nye so kyɛ, nikyee biala bɔ bɛyɔ ye wɔ ewiase ne, mefa nworɛ mepɛnzɛpɛnzɛ nu mete ye bo. Ɔte adwuma serɛ paa bɔ ye yɔlɛ nyɛ fɛ, bɔ Nyameɛ afa ato adasa so kyɛ bɛyere bɛ nwo bɛyɔ ɔ.

Nworɛ Dwirɛhanɛniɛ 11:5

Kyɛbɔ ɛnze mvrama atee, anaa kyɛbɔ mmowue si nyi wɔ pemvoɛ kunu ne, sɔ ala yeɛ Nyameɛ bɔ ɔyɔ nikyee biala ne, ɛnze atee bɔ ɔpe so yɔ ye adwuma ɔ.

Nworɛ Dwirɛhanɛniɛ 7:13

Bɔ Nyameɛ ayɔ ne, fa kɔ adwenedwene nu: Nikyee bɔ wakondo nu ne, nwa yeɛ ɔkɔhora ye tengyɛ ɔ?

Nworɛ Dwirɛhanɛniɛ 7:23

Mafa nworɛ mapɛnzɛpɛnzɛ ɛhemɔ amukoraa nu manea; na ngane kyɛ, “Ngonwu nworɛ,” nakoso ɔne m’afia atee wale.

Nworɛ Dwirɛhanɛniɛ 7:29

Tie, ɛhe angome yeɛ manwu ye ɔ: Nyameɛ bɔle kuro sona ferengyemm, nakoso kuro sona ama nningyein pee bo telɛ ali ye ti.

Nworɛ Dwirɛhanɛniɛ 8:17

na nwuni Nyameɛ adwuma bɔ ɔyɔ amukoraa, kyɛ sona biala ngɔte bɔ ɔkɔ so wɔ wiase ɔ bo. Sona kɔfɛ ye nwo kyɛ ɔkɔfeefee nu, nakoso ɔngɔte ye bo. Nworɛfoɛ nwa nzɛ bɛse, nakoso bɛngɔhora bengonwu ye.

Mateo 11:27

Me Baba afa nningyein amukoraa awura me sa; na ebiala nze Baa ne, sana Baba ne; yeɛ ebiala nze Baba ne, sana Baa ne ne ebiala bɔ Baa ne kuro kyɛ ɔda ye adi kyire ye ɔ.

Mateo 13:22

Na mmakaammaa bɔ beguale mmowue nu ne, ogyi berɛ ma ebiala bɔ ɔte edwirɛ ne, nakoso ewiase asetena nu adwenedwene ne anwonyadeɛ nnakannaka bemiamia edwirɛ ne, na onzu mmaa.

Marko 7:37

Ɛhe yɛle bɛ nwanwa maa ɔbole so, na bɛhane kyɛ, “Wayɔ nikyee mukoraa yé; ɔma asotiniwaafoɛ po bɛte dwudwolɛ, na ɔma emumu mɔ bedwudwo.”

Romanfoɛ 1:28

Bɛpole kyɛ bekonwu Nyameɛ nwo nimdeɛ, yiti Nyameɛ pole bɛ bɔbɔ b’adwene fiɛ ne mane bɛ, maa bɛyɔle nningyein bɔ ɔmvata ɔ.

Romanfoɛ 11:33

O! Nyameɛ anwonya ne ye nworɛ ne ye nimdeɛ nu pi! Nwa yeɛ ɔkɔhora kohyirehyire ye porɛ bɔ wabɔ nu ɔ? Nwa yeɛ ɔse ye atee bɔ ɔfa so yɔ ye nningyein, anaa nwa yeɛ ɔkɔte ye bo koyie ɔ?

Deuteronomi 32:4

Nyɔbotaen ne, ye adwuma te pɛpɛɛpɛ, na ye atee mukoraa tengyɛ. Ɔte nahorɛ Nyameɛ, bɔ nnakannaka nne ye nu ɔ, ɔte pɛpɛɛpɛ, na ɔtengyɛ.