Nworɛ Dwirɛhanɛniɛ 2:8 - AHYERƐLƐ KRONGRON

⁸ Asa koso, mmoaboale ɛdwetɛ ne sikaa kɔkorɛ pee noa mvale, yeɛ nyane agudeɛ mvili ahemvo mɔ ne mbɔtam mbɔtam mɔ berɛ. Nyane edweintolɛfoɛ mmienzua ne mmrasua, bɔ bienzua kohia biala, ɔne sómaa pee.

Nworɛ Dwirɛhanɛniɛ 2:8 Iomraidhean Croise

2 Samuel 19:35

Kekesaala ye, mali afoɛ aburawɔtwɛ. Nikyee bɔ ɔyɛ nyemene ne, ɔne bɔ ɔnyɛ nyemene ne, mennwu nu nzonzoleɛ ko. Aleɛ ne anonneɛ mɔ nyɛ me fɛ ko. Yeɛ sɛ mmenia bɛto dwein a, mende ye yé. Yiti Nana, me mene, nzu ati yeɛ ɔsɛ kyɛ wɔ somvoɛ meyɛ wɔ so tɔsom ɔ?

1 Ahemvo 10:10

Yeɛ Hyeba hemmaa mane Nana Solomon esikaa kɔkorɛ kilo apee nna, ayirefona ahoroɔ pee ɔne nyɔboɛ bɔ ye nyɔboɛ yɛ se ɔ pee. Ayirefona ahoroɔ bɔ Hyeba hemmaa fa mane Solomon ne, ebiala amva bɔ ye somaa te sɔ ɔ wammrɛ Nana Solomon ko le.

1 Ahemvo 10:14

Afoɛ biala, esikaa kɔkorɛ bɔ bɛfa bɛbrɛ Nana Solomon ne, nu nonɛ te kilo apee aburanyɔ ne nza,

1 Ahemvo 10:21

Nana Solomon kulie bɔ ɔno nu amukoraa, bɛfale esikaa kɔkorɛ yeɛ bɛyɔle ɔ. Na sua bɔ bɛfrɛ ye Lebanon Ɛhɔayeɛ ne anu nningyein amukoraa, bɛfale esikaa kɔkorɛ paa yeɛ bɛyɔle ɔ. Nu ko po nne berɛ bɔ bɛfale ɛdwetɛ yeɛ bɛyɔle ɔ, ofikyɛ Solomon aberɛ so, né bemmu ɛdwetɛ nikyee titire biala.

1 Ahemvo 11:3

Solomon gyale mmraa ɛyaa nzoo, yeɛ né ye sómaa mɔ te ɛyaa nza. Ɔye nemɔ mane ye adwene kakyili fili AWURADE nwo.

1 Ahemvo 14:27

Yiti nziɛ ye, Nana Rehoboam yɔle kɔɔbere akokyɛm mɔ fa sili bɛ gya nu, na ɔfa wurale awɛmvoɛ mbanyi bɔ ne bɛwɛne ahemvie berɛ anoa nemɔ sa.

1 Ahemvo 9:14

Nakoso né Hiram asoma maa bafa esikaa kɔkorɛ kilo apee nna baama Nana Solomon.

1 Ahemvo 9:28

Bɛhane ɛlɛen nemɔ bɛhɔle Ofire bɛɛtɔle esikaa kɔkorɛ kilo apee buru ne nna bɛbrɛle Nana Solomon.

1 Aberɛso Dwirɛ 25:1

Dawide ne safohene nemɔ, betuli mmenia befili Asafe abusua nu, Heman abusua nu ne Yedutun abusua nu besiele berɛ kyɛ bɛbɔ sangoo, adengum ne firikyiwa bɛfa bɛhyɛ ngɔm. Mmenia bɔ bɛyɛle adwuma ne ɛhe, yeɛ b’adwuma bɔ bɛyɔle ɛhe:

1 Aberɛso Dwirɛ 25:6

Edwein bɔ né bɛbɔ firikyiwa, sangoo ne adengum bɛto ye wɔ AWURADE awuro bɛfa bɛyɔ Nyameɛ awuro berɛ ɛsɔnenɛ adwuma ne, né bɛ baba nemɔ yeɛ bɛlela bɛ mukoraa bɛ noa ɔ. Asafe, Yedutun ne Heman de, né ɛhene bɔbɔ yeɛ ɔnea bɛ so ɔ.

2 Aberɛso Dwirɛ 9:11

Nana Solomon fale asamvona ne bie yɔle AWURADE awuro berɛ ne ahemvie berɛ atweleɛ nemɔ. Ɔfale bie koso yɔle sangoo ne adengum mane edweintolɛfoɛ nemɔ. Sɔ nningyein nemɔ, né bennwuni bɛ sɛso le wɔ Yuda aseɛ so.

Ɛsra 2:65

asora bɛ ngoaa ne b’afaneɛ mɔ bɔ bɛ somaa te apee nzoo ɛyaa nza aburasa ne nzoo. Né besa bele mmienzua edweintolɛfoɛ ne mmrasua edweintolɛfoɛ ɛyaa nyɔ.

Nworɛ Dwirɛhanɛniɛ 1:2

“Mbaen nu mbaen.” Nworɛ Dwirɛhanɛniɛ ne nwa nyoo: Mbaen nu mbaen! Ye mukoraa te mbaen!

Daniel 3:15

Afei de, sɛ ɛmɔaboaboa ɛmɔ nwo kyɛ sɛ ɛmɔte awɛen, dodobɛen, sangoo, bɛnda, atɛndɛbɛn, kyenneɛ ne sangoo ahoroɔ nga a, ɛmɔkobutu berɛ bɛkɔsɔne amoen bɔ magyina ne a, ye de ɛmɔ nwo sonn. Nakoso sɛ ɛmɔanzɔne ye de a, ye de bekofindi ɛmɔ bekogua see bɔ ogye wuronyiwuronyi wɔ foonoo nu ne anu; na nyameɛ beni yeɛ ɔkɔhora kɔpepɛ kole ɛmɔ kofi me sa nu ɔ?”

Daniel 3:5

Sɛ ɛmɔte awɛen, dodobɛen, sangoo, bɛnda, atɛndɛbɛn, kyenneɛ ne sangoo ahoroɔ nga a, odi kyɛ ɛmɔbutu berɛ bɛsɔne amoen bɔ Nana Nebukadenesa wagyina ne.

Daniel 3:7

Yiti mmerɛ bɔ mmenia ne amukoraa bɛtele awɛen, dodobɛen, sangoo, bɛnda, atɛndɛbɛn, kyenneɛ ne sangoo ahoroɔ nga nen, maen ne amukoraa, maen maen amukoraa ne edwudwolɛ ahoroɔ amukoraa bebutubutuli berɛ bɛsɔnene sikaa kɔkorɛ amoen bɔ Nana Nebukadenesa wagyina ne.

Amose 6:5

ɛmɔ bɔ ɛmɔto dwein basabasa bɛfa besuro sangoo so, ná ɛmɔyɔ edweintolɛ nningyein bɔ ɔte kyɛ Dawide deɛ ne ɔ;