Nworɛ Dwirɛhanɛniɛ 2:24 - AHYERƐLƐ KRONGRON

²⁴ Nikye paa biala nne berɛ mma sona ndra kyɛ okodidi, ɔkɔno ná ɔkɔfa bɔ wafɛ wanya ye ɔ ɔkɔgye ye nye ɔ. Na ɛhe koso, nwuni kyɛ Nyameɛ yeɛ ɔfa ma ɔ;

Nworɛ Dwirɛhanɛniɛ 2:24 Iomraidhean Croise

1 Ahemvo 4:20

Né Yudafoɛ ne Yisraelfoɛ bɛ somaa te kyɛ mboanoa anweaa; na né benya bɔ bedi ɔ ne bɔ bɛno ɔ ma bɛ nye gye.

Nehemia 8:10

Yeɛ osele bɛ kyɛ, “Ɛmɔhɔ beeli naen bɔ walɔ ɔ, ná ɛmɔno nzaa bɔ ɔyɛ fɛɛ ɔ. Bɛ bɔ belle bie ne, ɛmɔɔma bɛ bie, ofikyɛ ɛnɛ kyẽa ye, ɔte krongron ma y’AWURADE. Nnɛmɔma ɛmɔ wora bɔ, ofikyɛ AWURADE nu anigye yeɛ ɔte ɛmɔ anwoserɛ ɔ.”

Nworɛ Dwirɛhanɛniɛ 2:10

Nikyee biala bɔ ɔyɛle me nye so nyemene ne, mva mɔle me nye akɔhoma. Nikyee bɔ ɔma me anigye ne, mandwe me nwo mamvi ye nwo, ofikyɛ me ɛfɛɛ adwuma mukoraa, nyane anigye mvili nu, na ɛhe te me fɛɛ amukoraa nwo akatuaa.

Nworɛ Dwirɛhanɛniɛ 2:25

ofikyɛ sɛ ɔnne nu a, ahaa nwa yeɛ ɔkɔhora kodidi, anaa nwa yeɛ ɔkɔhora konya anigye ɔ?

Nworɛ Dwirɛhanɛniɛ 2:3

Mvale adwene kyɛ ngɔfa nzaa ngɔgye me nye, wɔ aberɛ bɔ mepena nworɛ si atee ɔ, yeɛ afei kyɛ ngɔyɔ ngwaseade ɔ, kɔpem kyɛ ngonwu bɔ ɔte paa ma adasa kyɛ bɛkɔyɔ ye wɔ ewiase, wɔ bɛ ngoa tikaape ye anu ɔ.

Nworɛ Dwirɛhanɛniɛ 3:22

Yiti nwuni kyɛ, nikye paa biala nne berɛ ndra kyɛ sona kɔfa bɔ wafɛ wanya ye ɔ ɔkɔgye ye nye ɔ; ofikyɛ ye bue nu deɛ ɛne. Ofi wa kɔ a, nwa yeɛ ɔkɔhora kɔɔfa ye kɔwa maa ɔkɔnea bɔ okosi ye si ɔ?

Nworɛ Dwirɛhanɛniɛ 5:17

Awosii akata ye ngyẽa mukoraa so, na ɔfa ɛyaafɛlɛ, anwonyerɛ ne aworabɔlɛ pee nu.

Nworɛ Dwirɛhanɛniɛ 6:12

Kuro sona ngoa tikaape bɔ ɔte mbaen, bɔ ɔsẽ kɔ kyɛ wawoɛ ne, nwa yeɛ ɔse bɔ ɔte paa ma kuro sona wɔ nu ɔ? Bɔ okosi sona ye wue asi wɔ wiase ne, nwa yeɛ ɔkɔhora kɔla ye ali kohyire ye ɔ?

Nworɛ Dwirɛhanɛniɛ 6:2

Nyameɛ ma ebie sikaa, anwonya ne animnyam, bɔ nikyee fee biala nne berɛ bɔ ye kra pena a ongonya ɔ; nakoso Nyameɛ ɔmma ye anwoserɛ mma ɔmva sɔ nningyein ne ngye ye nye, na ɛwɔfoɛ mmom yeɛ ɔbadi ɔ. Ɛhe te mbaen, na ɔte edwirɛ yealɛ paa.

Nworɛ Dwirɛhanɛniɛ 8:15

Yiti me de, menwu ye kyɛ anigye te paa, ofikyɛ nikye paa biala nne berɛ mma sona wɔ wiase ndra kyɛ okodidi, ɔkɔno, ná ɔkɔgye ye nye ɔ. Ye ngoa bɔ Nyameɛ afa ama ye wɔ wiase ne, ɛfɛɛ bɔ ɔfɛ wɔ nu ne, bɔ odi kyɛ ɔfa bata ye nwo hɔ ɛne.

Yesaya 56:12

“Bɛkã kyɛ, ‘Ɛmɔbra, mekwaafa nzaa meba, ɛ́mɔma yɛ́no nzaa serɛ yɛ́bo, na ɛhema koso ɔkɔyɛ kyɛ ɛnɛ ala, na ɔkɔtra so po!’ ”

Malaki 2:2

Sɛ ɛmɔanyɛ sotie, yeɛ sɛ ɛmɔamva banzie ɛmɔ ahone nu kyɛ ɛmɔkɔfa animnyam bɛkɔma me dumaa a, ngɔprapra musue ngogua ɛmɔ so, na ngɔnoma ɛmɔ saleɛ ne, Asafo AWURADE noa dwirɛ ɛne; yoo, manoma bɛ dada, ofikyɛ ɛmɔmva benzie ɛmɔ ahone nu.

Asomafoɛ 14:17

nakoso wanyakyi ye nwo adanzeɛlilɛ, ofikyɛ ɔyɛle paa, na ɔmane yɛ nzue fili nyameɛso, ɔne mmerɛ bɔ aleɛ ba ɔ, ɔmane ɛmɔ aleɛ, na ɔmaa yɛnya aleɛ ne anigye ma yɛ kunu dwo yɛ fɔnn.”

1 Korintofoɛ 15:32

Na sɛ anwoɔnaen nu mvasoɛ ti yeɛ me ne ngekaboa yɛhone Ɛfeso de a, né mvasoɛ beni yeɛ ngonya ɔ? Yiti sɛ awufoɛ ngodwɔso de a, nzaade “ɛmɔma yɛdidi na yɛno, ofikyɛ ɛhema né yawu.”

Deuteronomi 12:12

Na ɛmɔkoli ahurusi wɔ AWURADE ɛmɔ Nyameɛ nyunu, ɛmɔ ne ɛmɔ mma mmienzua ne mmrasua, ɛmɔ ngoaa ne afaneɛ mɔ, ɔne Lewifoɛ bɔ bɛte ɛmɔ kuro, ofikyɛ bɛ de belle kyɛfa anaa agyapadeɛ biala kyɛbɔ ɛmɔ de ɛmɔanya ye ne.

Deuteronomi 12:18

Na mmom, di ye AWURADE wɔ Nyameɛ nyunu, nekaa bɔ AWURADE wɔ Nyameɛ kɔneanea nu kɔye kosie berɛ ne: ɛne wɔ mma mmienzua ne mmrasua, wɔ ngoaa ne w’afaneɛ mɔ, ɔne Lewifoɛ bɔ bɛte wɔ kuro ɔ. Na ɔsɛ kyɛ edi ahurusi wɔ AWURADE wɔ Nyameɛ nyunu wɔ w’adwuma biala bɔ ɛkɔyɔ ɔ nu.

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.