Nworɛ Dwirɛhanɛniɛ 2:23 - AHYERƐLƐ KRONGRON

²³ Ofikyɛ, yealɛlilɛ wayi ye asetena nu tɛkyɛ, yeɛ ye adwuma koso te ye hawo. Odwu kɔngɔen po a, né wato ye ne adwenedwene: Ɛhe koso te mbaen.

Nworɛ Dwirɛhanɛniɛ 2:23 Iomraidhean Croise

Gyenesise 3:17

Na Nyameɛ sele Adam koso kyɛ, “Kyɛbɔ atie bɔ ɛye hane, na ali bakaa bɔ nganzole wɔ kyɛ ‘nnɛdi ye mma ne bie’ ne ati, ɔnate wɔ ti, musue aha aseɛ. Na ɛfɛɛ paa yeɛ ɛkɔfɛ koraa né adidi so w’asetena mukoraa nu ɔ.

Gyenesise 47:9

Yakob buale Faro kyɛ, “Mahyini aseɛ ye aso afoɛ ɛyaa ko ne aburasa; m’afoɛ ne anzo pee, ye somaa ndwu afoɛ bɔ me nana mɔ lili ɔ, nakoso ɛfɛɛ wɔ nu paa.”

Ɛseta 6:1

Sɔ kyẽa ne kɔngɔen, Nana Ahasuro angora da. Yiti ɔhyɛle kyɛ bɛfa abakɔsɛm nwomaa bɔ ɔte aberɛso dwirɛ ne bɛbra. Na bɛkengale behyirele ye.

YOB NWOMAA NE 14:1

“Dasaniɛ bɔ brasua awo ye ɔ, ye ngoa te tika, na amaneɛ ngome.

YOB NWOMAA NE 5:7

Na mmom, bɛwo sona bɛto amaneɛ nu, kyɛbɔ kobogya tu kɔ anwuro ne ala.

Edwein 127:2

Ɔte mbaen kyɛ ɛmɔkɔpɛ aleɛ bekodwɔso, ná ɛmɔanna ndɛ, ná ɛmɔfɛ tetanwuu bɛpena ɛmɔ noa aleɛ ɔ; ofikyɛ bɛ bɔ okuro bɛ dwirɛ ne, sɛ bɛda po a, ɔma bɛ bɔ behia ɔ.

Edwein 32:4

Ofikyɛ wɔ sa gyi me nwo eyia ne kɔngɔen; m’anwoserɛ amukoraa yiele kyɛbɔ asue wewe wɔ wawa mmerɛ ɔ. Sela

Edwein 90:15

Maa yɛ nye gye, kyɛbɔ ngyẽa bɔ afa ahwe yɛ so ne, ye somaa te ɔ, kyɛbɔ afoɛ bɔ yanwu amaneɛ ne, ye somaa te ɔ.

Nworɛ Dwirɛhanɛniɛ 1:13

Mva nziele me nye so kyɛ, nikyee biala bɔ bɛyɔ ye wɔ ewiase ne, mefa nworɛ mepɛnzɛpɛnzɛ nu mete ye bo. Ɔte adwuma serɛ paa bɔ ye yɔlɛ nyɛ fɛ, bɔ Nyameɛ afa ato adasa so kyɛ bɛyere bɛ nwo bɛyɔ ɔ.

Nworɛ Dwirɛhanɛniɛ 1:18

Ofikyɛ nworɛ pee nwunɛ ne ɛhawo pee yeɛ bɛnate ɔ, na ebiala bɔ onya nimdeɛ pee ne, ɔtwetwe amaneɛ pee brɛ ye nwo.

Nworɛ Dwirɛhanɛniɛ 2:11

Afei ndole me nye nneane me sa noa adwuma mukoraa, ɔne nningyein bɔ mafɛ mayɔ ne, na nwuni kyɛ ye mukoraa te mbaen, ɔte dadwene mbaen, na mvasoɛ biala nne so wɔ wiase.

Nworɛ Dwirɛhanɛniɛ 5:12

Sɛ paaniɛ nya aleɛ kãa di oo, anaa pee di oo, ɔdafe hatee; nakoso sikaniɛ de, ye anwonya mmorosoɛ ne mma onnya nnaa nna.

Nworɛ Dwirɛhanɛniɛ 5:17

Awosii akata ye ngyẽa mukoraa so, na ɔfa ɛyaafɛlɛ, anwonyerɛ ne aworabɔlɛ pee nu.

Nworɛ Dwirɛhanɛniɛ 8:16

Yiti mva nziele me nye so kyɛ ngɔpena nworɛ si atee, ɔne kyɛ ngonwu ɛfɛɛ adwuma bɔ ɔkɔ so wɔ aseɛ so ɔ, kyɛbɔ sona onnya nnaa nna eyia ne kɔngɔen ne;

Daniel 6:18

Yeɛ ɛhene ne sa hɔle ye ahemvie berɛ, obualale kɔngɔen ne, na wamma bamva bɔ ɔkɔfa kɔgyegye ye nye ɔ biala bammrɛ ye, na ye nye sorole.

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.