Nworɛ Dwirɛhanɛniɛ 2:18 - AHYERƐLƐ KRONGRON

¹⁸ Amba, adwuma worawora bɔ mafɛ me nwo mayɔ ye wɔ wiase ne, ɔyɛle me tɛ, ofikyɛ, nwuni kyɛ mebaayakyi ye berɛ mema me koliagyaa.

Nworɛ Dwirɛhanɛniɛ 2:18 Iomraidhean Croise

Edwein 17:14

Ao AWURADE, fa wɔ tumi ne pepɛ de me fi adasa mmaa sa nu; adasa mmaa bɔ b’akatuaa wɔ wiase wa ala ne, de me fi bɛ sa nu. Akatuaa bɔ ahyehyɛ ato berɛ ama bɛ ne, fa tua bɛ so kerɛ piri paa; ma bɛ mma mɔ benya akatuaa ne mmorosoɛ, ná bɛ́fa bie bɛ́yakyi bɛ nnomaa mɔ.

Edwein 39:6

Amba, ebiala nate berɛ kyɛ wawoɛ bie. Amba, sona ha ye nwo mbaen, sona pena agyapadeɛ pee, nakoso ɔnze sona bɔ okooli ye sa ɔ.

Edwein 49:10

Ye nye tua kyɛ nworɛfoɛ bewu; yeɛ ngwaseafoɛ ne gyiminiwaafoɛ koso bewu, na bɛyakyi b’agyapadeɛ berɛ maa okodi mmeni foforɛ sa nu.

Nworɛ Dwirɛhanɛniɛ 1:13

Mva nziele me nye so kyɛ, nikyee biala bɔ bɛyɔ ye wɔ ewiase ne, mefa nworɛ mepɛnzɛpɛnzɛ nu mete ye bo. Ɔte adwuma serɛ paa bɔ ye yɔlɛ nyɛ fɛ, bɔ Nyameɛ afa ato adasa so kyɛ bɛyere bɛ nwo bɛyɔ ɔ.

Nworɛ Dwirɛhanɛniɛ 1:3

Ɛfɛɛ worawora bɔ sona fɛ wɔ ewiase ye, nzikyɛ mvasoɛ yeɛ onya fi nu ɔ?

Nworɛ Dwirɛhanɛniɛ 2:11

Afei ndole me nye nneane me sa noa adwuma mukoraa, ɔne nningyein bɔ mafɛ mayɔ ne, na nwuni kyɛ ye mukoraa te mbaen, ɔte dadwene mbaen, na mvasoɛ biala nne so wɔ wiase.

Nworɛ Dwirɛhanɛniɛ 2:21

Ofikyɛ, ɔtɔ mmerɛ bie a, ebie bɔ wafa ye nworɛ ne ye nimdeɛ ne ye adwene wapena agyapadeɛ ne, odi kyɛ ɔyakyi ye berɛ ma sona bɔ wamvɛ ye nwo ɔ bafa: Ɛhe koso te mbaen, na ɔte edwirɛ yealɛ piri paa.

Nworɛ Dwirɛhanɛniɛ 2:26

Ofikyɛ sona bɔ ɔsɔ Nyameɛ nye ne, ɔma ye nworɛ, nimdeɛ ne anigye; nakoso bɔnefoɛ de, Nyameɛ maa ɔpena agyapadeɛ gua berɛ ma sona bɔ ɔsɔ Nyameɛ nye ɔ: Ɛhe koso te mbaen, na ɔte dadwene mbaen.

Nworɛ Dwirɛhanɛniɛ 3:22

Yiti nwuni kyɛ, nikye paa biala nne berɛ ndra kyɛ sona kɔfa bɔ wafɛ wanya ye ɔ ɔkɔgye ye nye ɔ; ofikyɛ ye bue nu deɛ ɛne. Ofi wa kɔ a, nwa yeɛ ɔkɔhora kɔɔfa ye kɔwa maa ɔkɔnea bɔ okosi ye si ɔ?

Nworɛ Dwirɛhanɛniɛ 4:3

Nakoso sona bɔ bennya bɛwwole ye, bɔ onnya nnwuni bɔne yɔleɛ bɔ ɔkɔ so wɔ wiase ne de, ye ti te paa tra bɛ munyɔ.

Nworɛ Dwirɛhanɛniɛ 5:18

Tie, bɔ manwu ye kyɛ ɔte paa ɛhe: Ngoa tikaape bɔ Nyameɛ afa ama sona ne, ɔte paa kyɛ sona kodidi, ɔkɔno, ná ɔkɔfa bɔ wafɛ wanya ye amukoraa wɔ wiase ɔkɔgye ye nye ɔ, ofikyɛ ye bue nu deɛ ɛne.

Nworɛ Dwirɛhanɛniɛ 9:9

Wɔ ngoa amukoraa bɔ ɔte mbaen bɔ Nyameɛ afa ama wɔ wɔ wiase ne, ɛne ɛye bɔ ekuro yeɛ ɔ ɛmɔtena anigye so, ofikyɛ ɛfɛɛ bɔ ɛfɛ wiase ne, wɔ bue nu deɛ bɔ anya ye hɔ ɛne.

Luka 12:20

Nakoso Nyameɛ sele ye kyɛ, ‘Kwaseambane! Kɔngɔen ye ala ngole wɔ kra ngofi wɔ sa nu; na nningyein bɔ apena agua berɛ ne, nwa yeɛ bɛkɔyɛ ye deɛ ɔ?’

1 Korintofoɛ 3:10

Ɔnate kyɛ Nyameɛ ama me adom ne ati, ndole fapem kyɛ suasilɛniɛ nimdeɛniɛ, na sona foforɛ koso ɔ́to bie toa so. Na ebiala bɔ ɔto bie toa so ne, ɔnea kyɛ ɔkɔto ye yé ɔ.