Nworɛ Dwirɛhanɛniɛ 2:17 - AHYERƐLƐ KRONGRON

¹⁷ Yiti asetena yɛle me tɛ, ofikyɛ nikyee biala bɔ ɔkɔ so wɔ wiase ne, ɔte ɛhawo ma me; ye mukoraa te mbaen, na ɔte dadwene mbaen.

Nworɛ Dwirɛhanɛniɛ 2:17 Iomraidhean Croise

1 Ahemvo 19:4

Nakoso Elia bɔbɔ de, ɔpɛle atee bɔ bɛfa ɛlɛho yeɛ bɛpɛ ɔ hɔle ɛserɛ so, na ɔɔtenane tanure bie abo. Ɔyɛle ye adwene kyɛ owuli po ahaa okuro. Ɔhane kyɛ, “Afei de wayɛ yé, ao AWURADE, ku me pɛen ko, na nnde paa mendra me nana mɔ.”

YOB NWOMAA NE 14:13

Oo, me ngome a, ahaa afa me afea wɔ ɛborɔ, ahaa afa me asie kɔpem kyɛ w’ahone kɔtɔ nzue nu ɔ, ahaa ahyɛ mmerɛ bɔ medi ye wɔ ɛborɔ dɔ ɔ, ná akaye me.

Edwein 89:47

Kaye kyɛbɔ me ngoa si te tikaape ɔ, kyɛbɔ ɛbɔle adasa mmaa mane nningyein bɔ ɔte mbaen ɔ!

Nworɛ Dwirɛhanɛniɛ 1:14

Manwu nikyee biala bɔ bɛyɔ ye wiase ɔ, na tie, ye mukoraa te mbaen, na ɔte dadwene mbaen.

Nworɛ Dwirɛhanɛniɛ 1:17

Yiti mva nziele me nye so kyɛ ngɔpena nworɛ si atee, yeɛ afei kyɛ ngonwu ɛlaenbɔlɛ ne ngwaseasɛm ɔ. Na nwuni kyɛ ɛhe koso te dadwene mbaen.

Nworɛ Dwirɛhanɛniɛ 2:11

Afei ndole me nye nneane me sa noa adwuma mukoraa, ɔne nningyein bɔ mafɛ mayɔ ne, na nwuni kyɛ ye mukoraa te mbaen, ɔte dadwene mbaen, na mvasoɛ biala nne so wɔ wiase.

Nworɛ Dwirɛhanɛniɛ 2:22

Kuro sona ɛfɛɛ amukoraa ne adwenedwene bɔ ɔla ye so wɔ wiase ne, nzikyɛ mvasoɛ koraa yeɛ onya fi nu ɔ?

Nworɛ Dwirɛhanɛniɛ 3:16

Masa manwu ye wɔ wiase kyɛ, nekaa bɔ bedi dwirɛ ne, amumuyɛɛ wɔ berɛ, nekaa bɔ ɔsɛ kyɛ tenenee ba berɛ ne, bɔne yeɛ ɔwɔ berɛ ɔ.

Nworɛ Dwirɛhanɛniɛ 4:2

Na nyane adwene kyɛ, awufoɛ bɔ bawuwu ne po, bɛ ti te paa tra ateasefoɛ bɔ bɛtɛ te ase ne.

Nworɛ Dwirɛhanɛniɛ 4:3

Nakoso sona bɔ bennya bɛwwole ye, bɔ onnya nnwuni bɔne yɔleɛ bɔ ɔkɔ so wɔ wiase ne de, ye ti te paa tra bɛ munyɔ.

Nworɛ Dwirɛhanɛniɛ 6:9

Bɔ ɔwɔ berɛ bɔ wɔ nye tua ye ne, ɔte paa tra bɔ w’akɔnnɔ susu kyɛ ekonya ye ɔ. Ɛhe koso te mbaen, na ɔte dadwene mbaen.

Hesekiel 3:14

Sunzum ne mane me so fale me hɔle, na ngɔle ye yealɛlilɛ nu, ɔne sunzum nu anyeborolɛ so, na né AWURADE tumi ne wɔ me so paa.

Yona 4:3

Na afei, ao AWURADE, mesrɛ wɔ, de me ngoa fi me sa nu, ofikyɛ ɔte paa ma me kyɛ ngowu tra kyɛ ngɔtena ngoa nu ɔ.”

Yona 4:8

Na eyia pukyele ne, Nyameɛ somane eyia afiteleɛ mvrama hyerɛhyerɛ bie; eyia ne bɔle Yona ti afia maa ɔyɛle mmerɛ, bɔ ɔhale ye ngome a ahaa né wawu ɔ. Na ɔhane kyɛ, “Ɔte paa ma me kyɛ ngowu tra kyɛ ngɔtena ngoa nu ɔ.”

Habakuku 1:3

Nzu ati yeɛ ɛmaa me nye nwu amumuyɛɛ, ná ɛma me nye nwu nhyɛsoɛ e? Basabasayɔlɛ ne nhyɛsoɛ yeɛ me nye tua ɔ; apereapereɛ ne ngondii badwɔso.

Numeri 11:15

Sɛ sɔ yeɛ ɛfa di me de a, ye de ku me pɛen ko. Nakoso sɛ anya alo me de a, nnɛma aworabɔlɛ to me.”