Nworɛ Dwirɛhanɛniɛ 2:16 - AHYERƐLƐ KRONGRON

¹⁶ Ofikyɛ nworɛfoɛ oo, ngwaseafoɛ oo, bɛ nwo ngayeɛ ngɔtena berɛ afebɔɔ. Ɔnate kyɛ mmerɛ bie baawa bɔ mmenia wora kofi bɛ mukoraa ɔ. Hmmm! Nworɛniɛ wu, kyɛbɔ kwaseaa koso wu ne ala.

Nworɛ Dwirɛhanɛniɛ 2:16 Iomraidhean Croise

2 Samuel 3:33

Nana Dawide suni Abenɛ kyɛ, “Ao, aso ngwaseaa wue yeɛ odi kyɛ Abenɛ wu ɔ?

Edwein 103:16

Nakoso sɛ mvrama bɔ ye a, né waporo, na ye boso nekaa bɔ otua ne, ɔnze ye ko.

Edwein 49:10

Ye nye tua kyɛ nworɛfoɛ bewu; yeɛ ngwaseafoɛ ne gyiminiwaafoɛ koso bewu, na bɛyakyi b’agyapadeɛ berɛ maa okodi mmeni foforɛ sa nu.

Edwein 88:12

Aso benwu w’anwanwadeɛ wɔ awosii ne anu, anaa benwu wɔ ngoalelɛ mmokalɛ ne wɔ aseɛ bɔ bɛngaye mmenia wɔ so ne aso?

Ɛksadɔso 1:6

Afei Yosef wuli, na oliɛma nemɔ amukoraa ne sɔ aworɛ ndoatoasoɛ ne amukoraa bewuli.

Ɛksadɔso 1:8

Na ɛhene foforɛ bie bɔ né ɔnze Yosef oolili Misraim bia ne.

Anyandera 14:8

Badwemma ye nworɛ ne, ɔmaa ɔdwene bɔ ɔyɔ ɔ nwo, nakoso ngwaseafoɛ bɛ gyiminɛ te nnakannaka.

Nworɛ Dwirɛhanɛniɛ 1:11

Daa tete nningyein ne, bɛ nwo ngayeɛ biala nne berɛ, yeɛ nningyein bɔ kyẽa bie bɛbaawa ne koso, bengonya ngayeɛ wɔ bɛ bɔ bɛkɔwa nziɛ nemɔ bɛ berɛ.

Nworɛ Dwirɛhanɛniɛ 2:14

Nworɛniɛ se nekaa bɔ ɔkɔ ɔ, nakoso kwaseaa de, awosii nu yeɛ ɔnate ɔ. Nakoso nwuni kyɛ ayieleɛ komapɛ ne ala yeɛ oyie bɛ mukoraa ɔ.

Nworɛ Dwirɛhanɛniɛ 2:15

Na afei nzele me nwo kyɛ, “Ayieleɛ bɔ okoyie kwaseaa ne, me koso ebie ala yeɛ okoyie me ɔ. Sɛ ɔte sɔ de a, né nzu ati yeɛ manwu nworɛ matra bɛ ɔ?” Na mmuale me nwo kyɛ, ɛhe koso te mbaen.

Nworɛ Dwirɛhanɛniɛ 6:8

Nzikyɛ yeɛ nworɛfoɛ bɛfa bɛtra ngwaseafoɛ ɔ? Yeɛ ehianiɛ bɔ ye koso ɔse asetena bɔ odi kyɛ ɔne ateasefoɛ bɛtena ne, nzikyɛ mvasoɛ yeɛ onya ye ɔ?

Nworɛ Dwirɛhanɛniɛ 7:2

Ɔte paa kyɛ ɛkɔhɔ awuro bɔ bɛyɛ sɛen wɔ nu tra kyɛ ɛkɔhɔ awuro bɔ bato poen bedidi wɔ nu ɔ nu; ofikyɛ sona biala ye ayieleɛ ɛne, na ateasefoɛ fa sɔ dwirɛ ne sie bɛ ti anu.

Nworɛ Dwirɛhanɛniɛ 8:10

Afei nwuni amumuyɛɛfoɛ bɔ besiele bɛ ɔ. Mmerɛ bɔ bɛte ase ne, né bedi nekaa krongron berɛ akɔneaba. Na kuro bɔ né bɛyɔ amumuyɛɛ wɔ so ne, mmenia wora fili bɛ yɔleɛ ne. Ɛhe koso te mbaen.

Nworɛ Dwirɛhanɛniɛ 9:15

Né biaa ehianiɛ nworɛniɛ bie wɔ kuro ne anu, na ɔfale ye nworɛ pepɛ lele kuro ne. Nakoso ebiala ngaye sɔ ehianiɛ ne.

Nworɛ Dwirɛhanɛniɛ 9:5

Ofikyɛ ateasefoɛ bɛse kyɛ bekowu, nakoso awufoɛ de, bɛnze huu; belle akatuaa biala ko, na bɛ nwo ngayeɛ atu amini.

Malaki 3:16

Yeɛ bɛ bɔ besuro AWURADE ne, bedwudwo behyirehyirele bɛ nwo. AWURADE yɛle asoɛ tiele, na ɔtele; na bɛ bɔ besuro AWURADE ná bedi ye dumaa ni ne, bɛhyerɛle bɛ dumaa wɔ ngayeɛ nwomaa nu wɔ AWURADE nyunu.

Hebrifoɛ 9:27

Na kyɛbɔ ɔsɛ kyɛ kuro sona wu komapɛ twe na ye si ye Nyameɛ bua ye ndɛen nen,