Nworɛ Dwirɛhanɛniɛ 2:14 - AHYERƐLƐ KRONGRON

¹⁴ Nworɛniɛ se nekaa bɔ ɔkɔ ɔ, nakoso kwaseaa de, awosii nu yeɛ ɔnate ɔ. Nakoso nwuni kyɛ ayieleɛ komapɛ ne ala yeɛ oyie bɛ mukoraa ɔ.

Nworɛ Dwirɛhanɛniɛ 2:14 Iomraidhean Croise

Edwein 19:10

Nhyehyɛleɛ ne di mu tra esikaa kɔkorɛ, ɔtra esikaa kɔkorɛ paa po. Ɔte menemene tra woɛ, na ɔtra woɛ bɔ ofi nzasameɛ nu ɔpepe ɔ.

Edwein 49:10

Ye nye tua kyɛ nworɛfoɛ bewu; yeɛ ngwaseafoɛ ne gyiminiwaafoɛ koso bewu, na bɛyakyi b’agyapadeɛ berɛ maa okodi mmeni foforɛ sa nu.

Edwein 49:11

Ɔwɔ nu kyɛ bɛfale bɛ dumaa bɛtole b’aseɛ so de, nakoso b’asieleɛ yeɛ ɔte b’awuro afebɔɔ ɔ, na ɔte bɛ daberɛ aworɛ ndoatoasoɛ amukoraa nu.

Anyandera 14:8

Badwemma ye nworɛ ne, ɔmaa ɔdwene bɔ ɔyɔ ɔ nwo, nakoso ngwaseafoɛ bɛ gyiminɛ te nnakannaka.

Anyandera 17:24

Badwemma sona fa nworɛ sie ye nye so, nakoso kwaseaa de, ye adwene la nekaa bie dededede.

Nworɛ Dwirɛhanɛniɛ 2:16

Ofikyɛ nworɛfoɛ oo, ngwaseafoɛ oo, bɛ nwo ngayeɛ ngɔtena berɛ afebɔɔ. Ɔnate kyɛ mmerɛ bie baawa bɔ mmenia wora kofi bɛ mukoraa ɔ. Hmmm! Nworɛniɛ wu, kyɛbɔ kwaseaa koso wu ne ala.

Nworɛ Dwirɛhanɛniɛ 3:19

Ofikyɛ adasa mmaa ne ngaka b’ayieleɛ te ko. Nikyee komapɛ yeɛ ɔto bɛ ɔ. Kyɛbɔ sona owu ne, sɔ ala yeɛ kaka wu ɔ. Ngoa nwomeɛ wɔ bɛ mukoraa nu; yiti sona ndra kaka: ofikyɛ nikyee biala te mbaen.

Nworɛ Dwirɛhanɛniɛ 6:6

Sɛ sɔ sona ne di afoɛ apee nyɔ po, ná wannya anigye paa biala a, aso nna neka horɛ yeɛ bɛ mukoraa bɛkɔ ɔ?

Nworɛ Dwirɛhanɛniɛ 6:8

Nzikyɛ yeɛ nworɛfoɛ bɛfa bɛtra ngwaseafoɛ ɔ? Yeɛ ehianiɛ bɔ ye koso ɔse asetena bɔ odi kyɛ ɔne ateasefoɛ bɛtena ne, nzikyɛ mvasoɛ yeɛ onya ye ɔ?

Nworɛ Dwirɛhanɛniɛ 7:2

Ɔte paa kyɛ ɛkɔhɔ awuro bɔ bɛyɛ sɛen wɔ nu tra kyɛ ɛkɔhɔ awuro bɔ bato poen bedidi wɔ nu ɔ nu; ofikyɛ sona biala ye ayieleɛ ɛne, na ateasefoɛ fa sɔ dwirɛ ne sie bɛ ti anu.

Nworɛ Dwirɛhanɛniɛ 8:1

Nwa yeɛ ɔte kyɛ nworɛniɛ ne ɔ? Nwa yeɛ ɔse edwirɛ bo kyire ɔ: Sona nworɛ ma ye nyunu yɛ gyenegyene, na ye nyunu kusuu ne sesã.

Nworɛ Dwirɛhanɛniɛ 9:11

Nza nwuni kyɛ ewiase wa, nna bɛ bɔ bɛ nwo yɛ nyera ɔ yeɛ bedi amirikatulɛ nu ngonim ɔ; nna anwoserɛfoɛ yeɛ bedi koɛ nu ngonim ɔ; nna nworɛfoɛ yeɛ benya bɛ noa aleɛ ɔ, nna badwemma mɔ yeɛ benya bɛ nwo ɔ; yeɛ nna nimdeɛfoɛ yeɛ benya animnyam ɔ; nakoso mmerɛ ne mmerɛ tɛɛ la berɛ ma bɛ mukoraa.

Nworɛ Dwirɛhanɛniɛ 9:16

Na ye sɔ ne ati, ngane kyɛ, “Nworɛ nwo hia tra anwoserɛ, nakoso bemmu ehianiɛ nworɛ, yeɛ ɔkã dwirɛ a bɛmva.”

1 Yohane 2:11

Nakoso ebiala bɔ ɔpɔ oliɛma ne te awosii nu, ɔnate awosii nu, na ɔnze nekaa bɔ ɔkɔ ɔ, ofikyɛ awosii ne ama ye nye asi.