Nworɛ Dwirɛhanɛniɛ 2:10 - AHYERƐLƐ KRONGRON

¹⁰ Nikyee biala bɔ ɔyɛle me nye so nyemene ne, mva mɔle me nye akɔhoma. Nikyee bɔ ɔma me anigye ne, mandwe me nwo mamvi ye nwo, ofikyɛ me ɛfɛɛ adwuma mukoraa, nyane anigye mvili nu, na ɛhe te me fɛɛ amukoraa nwo akatuaa.

Nworɛ Dwirɛhanɛniɛ 2:10 Iomraidhean Croise

Gyenesise 3:6

Na braa ne nwuni kyɛ saa bedi bakaa ne mma a ɔyɛ yee, ɔyɛ nyemene, na ɔkora ma sona nwu nworɛ. Yiti ɔtele ye mma ne bie lili, ɔmane ohu ne koso bie, na ye koso olili.

Gyenesise 6:2

Nyameɛ mma nemɔ benwuni kyɛ mmenia mma mmrasua nemɔ bɛ nwo yɛ nyemene, yiti begyigyale bɛ nu biala bɔ bekuro ɔ.

YOB NWOMAA NE 31:1

“Me ne me nye yayɛ apam, nzu ati yeɛ brasua bɔ onnwuni biaa le ne, odi kyɛ menea ye wɔ ehurolɛ atee so ɔ.

Edwein 119:37

Nningyein bɔ mvasoɛ nne so ne, ye me nye fi bɛ nealɛ so, maa nya ngoa wɔ w’atee ne aso.

Edwein 128:2

Ofikyɛ ekoli wɔ bɔbɔ wɔ sa noa adwuma nwo mvasoɛ; wɔ nye kɔgye, na okoyie wɔ yé.

Anyandera 23:5

Kyɛ ɛbɔ wɔ nye perɛ ne, né watu wamini, ofikyɛ anwonya le ndaa, na otu kyɛ kɔleɛ ɔkɔ anwuro anwuro.

Nworɛ Dwirɛhanɛniɛ 11:9

Aberandeɛ, ma wɔ nye gye wɔ wɔ mmerandeɛ nu, nya anigye wɔ wɔ nu wɔ wɔ mmerandeɛ nu. Yɔ bɔ wɔ nye gye ye nwo ɔ ɔne bɔ ɔte wɔ nye so akɔnnɔ ɔ, nakoso nwu ye kyɛ, Nyameɛ kobua wɔ ndɛen wɔ bɔ ɛkɔyɔ amukoraa nwo.

Nworɛ Dwirɛhanɛniɛ 2:1

Ngane ye me ti anu kyɛ, “Bɔ sɔ bra ne bie, gye wɔ nye nea kyɛbɔ anigye si te ɔ.” Na ɛhe koso, ɔte mbaen.

Nworɛ Dwirɛhanɛniɛ 2:22

Kuro sona ɛfɛɛ amukoraa ne adwenedwene bɔ ɔla ye so wɔ wiase ne, nzikyɛ mvasoɛ koraa yeɛ onya fi nu ɔ?

Nworɛ Dwirɛhanɛniɛ 2:24

Nikye paa biala nne berɛ mma sona ndra kyɛ okodidi, ɔkɔno ná ɔkɔfa bɔ wafɛ wanya ye ɔ ɔkɔgye ye nye ɔ. Na ɛhe koso, nwuni kyɛ Nyameɛ yeɛ ɔfa ma ɔ;

Nworɛ Dwirɛhanɛniɛ 3:22

Yiti nwuni kyɛ, nikye paa biala nne berɛ ndra kyɛ sona kɔfa bɔ wafɛ wanya ye ɔ ɔkɔgye ye nye ɔ; ofikyɛ ye bue nu deɛ ɛne. Ofi wa kɔ a, nwa yeɛ ɔkɔhora kɔɔfa ye kɔwa maa ɔkɔnea bɔ okosi ye si ɔ?

Nworɛ Dwirɛhanɛniɛ 5:10

Sona bɔ ye nye boro sikaa ne, onya sikaa a ye nye nzɔ; yeɛ bɔ ye nye boro anwonyadeɛ ne koso, ye nye nzɔ bɔ wanya ye ɔ: Ɛhe koso te mbaen.

Nworɛ Dwirɛhanɛniɛ 5:17

Awosii akata ye ngyẽa mukoraa so, na ɔfa ɛyaafɛlɛ, anwonyerɛ ne aworabɔlɛ pee nu.

Nworɛ Dwirɛhanɛniɛ 5:18

Tie, bɔ manwu ye kyɛ ɔte paa ɛhe: Ngoa tikaape bɔ Nyameɛ afa ama sona ne, ɔte paa kyɛ sona kodidi, ɔkɔno, ná ɔkɔfa bɔ wafɛ wanya ye amukoraa wɔ wiase ɔkɔgye ye nye ɔ, ofikyɛ ye bue nu deɛ ɛne.

Nworɛ Dwirɛhanɛniɛ 6:2

Nyameɛ ma ebie sikaa, anwonya ne animnyam, bɔ nikyee fee biala nne berɛ bɔ ye kra pena a ongonya ɔ; nakoso Nyameɛ ɔmma ye anwoserɛ mma ɔmva sɔ nningyein ne ngye ye nye, na ɛwɔfoɛ mmom yeɛ ɔbadi ɔ. Ɛhe te mbaen, na ɔte edwirɛ yealɛ paa.

Nworɛ Dwirɛhanɛniɛ 6:9

Bɔ ɔwɔ berɛ bɔ wɔ nye tua ye ne, ɔte paa tra bɔ w’akɔnnɔ susu kyɛ ekonya ye ɔ. Ɛhe koso te mbaen, na ɔte dadwene mbaen.

Nworɛ Dwirɛhanɛniɛ 8:15

Yiti me de, menwu ye kyɛ anigye te paa, ofikyɛ nikye paa biala nne berɛ mma sona wɔ wiase ndra kyɛ okodidi, ɔkɔno, ná ɔkɔgye ye nye ɔ. Ye ngoa bɔ Nyameɛ afa ama ye wɔ wiase ne, ɛfɛɛ bɔ ɔfɛ wɔ nu ne, bɔ odi kyɛ ɔfa bata ye nwo hɔ ɛne.

Nworɛ Dwirɛhanɛniɛ 9:6

Ɔdɔ bɔ benyane ye oo, ɛpɔen bɔ bɛpɔle oo, b’anyeboro oo, watu wamini dadadada, na nikyee biala bɔ ɔkɔ so wɔ wiase ne, belle kyɛfa biala wɔ nu ko.

Nworɛ Dwirɛhanɛniɛ 9:9

Wɔ ngoa amukoraa bɔ ɔte mbaen bɔ Nyameɛ afa ama wɔ wɔ wiase ne, ɛne ɛye bɔ ekuro yeɛ ɔ ɛmɔtena anigye so, ofikyɛ ɛfɛɛ bɔ ɛfɛ wiase ne, wɔ bue nu deɛ bɔ anya ye hɔ ɛne.

1 Yohane 2:16

Ofikyɛ bɔ ɔwɔ wiase amukoraa: anwoɔnaen akɔnnɔ, anyeboroborolɛ, asetena nu anwohoahoa offi Baba ne berɛ, na mmom ofi wiase.

Maenbulɛfoɛ 14:2

Yiti osa wale awuro ne, ɔfa tole ye baba ne ye maame nyunu kyɛ, “Manwu Filistiniɛ brasua bie wɔ Timina, yiti ɛmɔɔgya ye bɛma me.”