Nworɛ Dwirɛhanɛniɛ 12:8 - AHYERƐLƐ KRONGRON

⁸ “Mbaen nu mbaen.” Nworɛ Dwirɛhanɛniɛ ne nwa nyoo, “Ye mukoraa te mbaen!”

Nworɛ Dwirɛhanɛniɛ 12:8 Iomraidhean Croise

Edwein 62:9

Adasa mmaa te mvrama, yeɛ kuro mmenia te nnakannaka nikye; sɛ bɛkari bɛ wɔ tonyi so a, bɛ nu nyɛ no, sɛ ɛfa bɛ munyɔ bɔ nu a, bɛ nu yɛ nyera tra mvrama.

Nworɛ Dwirɛhanɛniɛ 1:1

Dawide awa Nworɛ Dwirɛhanɛniɛ, bɔ odi hene wɔ Yerusalem ne, ye noa dwirɛ ɛhe.

Nworɛ Dwirɛhanɛniɛ 1:12

Me, Nworɛ Dwirɛhanɛniɛ, né nde Yisrael so hene wɔ Yerusalem.

Nworɛ Dwirɛhanɛniɛ 1:14

Manwu nikyee biala bɔ bɛyɔ ye wiase ɔ, na tie, ye mukoraa te mbaen, na ɔte dadwene mbaen.

Nworɛ Dwirɛhanɛniɛ 1:17

Yiti mva nziele me nye so kyɛ ngɔpena nworɛ si atee, yeɛ afei kyɛ ngonwu ɛlaenbɔlɛ ne ngwaseasɛm ɔ. Na nwuni kyɛ ɛhe koso te dadwene mbaen.

Nworɛ Dwirɛhanɛniɛ 1:2

“Mbaen nu mbaen.” Nworɛ Dwirɛhanɛniɛ ne nwa nyoo: Mbaen nu mbaen! Ye mukoraa te mbaen!

Nworɛ Dwirɛhanɛniɛ 2:17

Yiti asetena yɛle me tɛ, ofikyɛ nikyee biala bɔ ɔkɔ so wɔ wiase ne, ɔte ɛhawo ma me; ye mukoraa te mbaen, na ɔte dadwene mbaen.

Nworɛ Dwirɛhanɛniɛ 4:4

Na nwuni kyɛ, ɛfɛɛ mukoraa bɔ sona fɛ, ɔne ye sa noa adwuma mukoraa bɔ ɔyɔ ye yé ne, ɔnate ye nye bɔ ɔboro kyɛ ɔne obiɛngo bɛkɔyɛ pɛ ti ɔ: Ɛhe koso te mbaen, na ɔte dadwene mbaen.

Nworɛ Dwirɛhanɛniɛ 6:12

Kuro sona ngoa tikaape bɔ ɔte mbaen, bɔ ɔsẽ kɔ kyɛ wawoɛ ne, nwa yeɛ ɔse bɔ ɔte paa ma kuro sona wɔ nu ɔ? Bɔ okosi sona ye wue asi wɔ wiase ne, nwa yeɛ ɔkɔhora kɔla ye ali kohyire ye ɔ?

Nworɛ Dwirɛhanɛniɛ 8:8

Sona biala nne berɛ bɔ ole nwomeɛ so tumi, bɔ ɔkora si nwomeɛ ate maa ɔtena ye nu ɔ, anaa ole ye wue kyẽa so tumi ɔ? Ɛsrɛ atee wɔ koɛ nu a, engonya ye, yeɛ amumuyɛɛyɔlɛ mbepɛ nne bɛ bɔ bɛyɔ amumuyɛɛ ɔ.