Nworɛ Dwirɛhanɛniɛ 12:4 - AHYERƐLƐ KRONGRON

⁴ kyẽa bɔ bɛkɔtoto mmorɔnoɛ mɔ so anoa nemɔ anu, bɔ bɛngɔte aburoo silɛ nga ɔ, bɔ anomaa suɛ maa ekotingye kofi nnaa nu ɔ, bɔ edweintolɛfoɛ amukoraa bɛ bo kɔpɛ ɔ;

Nworɛ Dwirɛhanɛniɛ 12:4 Iomraidhean Croise

2 Samuel 19:35

Kekesaala ye, mali afoɛ aburawɔtwɛ. Nikyee bɔ ɔyɛ nyemene ne, ɔne bɔ ɔnyɛ nyemene ne, mennwu nu nzonzoleɛ ko. Aleɛ ne anonneɛ mɔ nyɛ me fɛ ko. Yeɛ sɛ mmenia bɛto dwein a, mende ye yé. Yiti Nana, me mene, nzu ati yeɛ ɔsɛ kyɛ wɔ somvoɛ meyɛ wɔ so tɔsom ɔ?

YOB NWOMAA NE 41:14

Nwa yeɛ ɔkɔhora kobukye ye awogyee nu ɔ? Ye gye bɔ ogua ye noa nu amukoraa ɔyɛ suro.

Yesaya 47:2

Fa nyɔboɛ mɔ bɔ beti so ɔ ná ti atokoɔ, ye wɔ ngatanyunu ne, dwa wɔ tena aguasoɛ ne gua berɛ, ma wɔ sɔ nwo gua berɛ, pɛ asue nemɔ.

Yeremia 25:10

Asa koso, ngotu ɛhemɔ bo ngofi bɛ berɛ: anigye dwein nwo nga, ahurusililɛ nwo nga, atɔmvorɛ biaa nwo nga, atɔmvorɛ braa nwo nga, nyɔkoa nga, yeɛ kaneatalɛ.

Nyekyire 18:22

Na bɛngɔte sangoobɔlɛfoɛ, edweintolɛfoɛ, aweɛnhulɛfoɛ ne totorobɛndohulɛfoɛ nga wɔ wɔ nu ko, bengonwu adwiililɛ nu dwumvoɛ biala wɔ wɔ nu ko, yeɛ bɛngɔte nyɔboɛ bɔ bɛfa beti aburoo ɔ nga wɔ wɔ nu ko;