Nworɛ Dwirɛhanɛniɛ 12:10 - AHYERƐLƐ KRONGRON

¹⁰ Nworɛ Dwirɛhanɛniɛ ne, ɔbɔle mmɔden kyɛ ɔkɔpena edwirɛ mɔ bɔ bɛtɔ asoɛ nu ɔ, na edwirɛ bɔ wahyerɛ wato berɛ ne, ɔte nahorɛ ne turoloo.

Nworɛ Dwirɛhanɛniɛ 12:10 Iomraidhean Croise

Anyandera 10:32

Teneneeniɛ ye noa se edwirɛ bɔ bɛkã a ɔtɔ asoɛ nu ɔ, nakoso bɔnefoɛ noa de, ɔkã nnakannaka dwirɛ.

Anyandera 15:23

Sona ma edwirɛ nwo mmuayɛɛ nyemene so a, ɔma ye nye gye, yeɛ sɛ ɔkã edwirɛ paa wɔ mmerɛ bɔ odi kyɛ ɔkã ɔ nu a, ɔte paa paa!

Anyandera 15:26

Bɔnefoɛ bɛ porɛ bɔ bɛbɔ ne, ɔte AWURADE akyiwadeɛ, nakoso anwoteefoɛ de, bɛ dwirɛ nwo te.

Nworɛ Dwirɛhanɛniɛ 1:1

Dawide awa Nworɛ Dwirɛhanɛniɛ, bɔ odi hene wɔ Yerusalem ne, ye noa dwirɛ ɛhe.

Nworɛ Dwirɛhanɛniɛ 1:12

Me, Nworɛ Dwirɛhanɛniɛ, né nde Yisrael so hene wɔ Yerusalem.

Yohane 3:11

Nahorɛ nu paa, mekã mekyire wɔ kyɛ: Bɔ yɛse yeɛ yɛkã ɔ, na bɔ yanwu ye yeɛ yɛdi ye nwo adanzeɛ ɔ; nakoso ɛmɔnne yɛ adanzeɛ ne benni.

Kolosefoɛ 1:5

ɔnate anyelasoɛ bɔ ɔwɔ berɛ ma ɛmɔ wɔ nyameɛso. Na ɛhe yeɛ ɛmɔate ye dada wɔ nahorɛ dwirɛ bɔ ye ole nzɛmba ne,

1 Timoteo 1:15

Ɛhe te nahorɛ dwirɛ bɔ ɔsɛ kyɛ bede bɛto nu bɔkɔɔ ɔ, kyɛ Kristo Yesu wale wiase oolele bɔnefoɛ bɔ nde bɛ hene ne ngoa.