Nworɛ Dwirɛhanɛniɛ 11:9 - AHYERƐLƐ KRONGRON

⁹ Aberandeɛ, ma wɔ nye gye wɔ wɔ mmerandeɛ nu, nya anigye wɔ wɔ nu wɔ wɔ mmerandeɛ nu. Yɔ bɔ wɔ nye gye ye nwo ɔ ɔne bɔ ɔte wɔ nye so akɔnnɔ ɔ, nakoso nwu ye kyɛ, Nyameɛ kobua wɔ ndɛen wɔ bɔ ɛkɔyɔ amukoraa nwo.

Nworɛ Dwirɛhanɛniɛ 11:9 Iomraidhean Croise

Gyenesise 3:6

Na braa ne nwuni kyɛ saa bedi bakaa ne mma a ɔyɛ yee, ɔyɛ nyemene, na ɔkora ma sona nwu nworɛ. Yiti ɔtele ye mma ne bie lili, ɔmane ohu ne koso bie, na ye koso olili.

Gyenesise 6:2

Nyameɛ mma nemɔ benwuni kyɛ mmenia mma mmrasua nemɔ bɛ nwo yɛ nyemene, yiti begyigyale bɛ nu biala bɔ bekuro ɔ.

1 Ahemvo 18:12

Sɛ menya mefi wɔ nwo wa mekɔ pɛ, AWURADE Sunzum kɔfa wɔ kɔhɔ nekaa bie bɔ menze ɔ. Na sɛ mekã mekyire Ahabo maa ɔba, ná sɛ wannwu wɔ a, okohu me, ɔwɔ nu kyɛ w’akoaa, ofi me ngwadaa nu yeɛ masuro AWURADE ɔ.

1 Ahemvo 18:27

Odwuli eyiagyina ne, Elia hane bɛ ayinga kyɛ, “Ɛ́mɔtea nu serɛ! Ɔte nyameɛ. Bekye ɔdwene nikyee bie anwo, anaakyɛ ebiaa wahɔ bondua anaa wahɔ atee, anaakyɛ walafe bɔ odi kyɛ betingye ye ɔ.”

1 Ahemvo 22:15

Oodwuli Nana Ahabo berɛ ne, Nana Ahabo bisale ye kyɛ, “Mikaya, yɛhɔ yɛɛho yɛle Ramote Gileade anaakyɛ yɛyakyi?” Mikaya buale kyɛ, “Kɔ na koli ngonim. Nana, AWURADE kɔfa kuro ne kowura wɔ sa.”

YOB NWOMAA NE 31:7

Sɛ mali nahorɛ atee ne anwo makyebu, sɛ mama me nye adiedie m’adwene wahɔ akɔnnɔ tɛɛ nu, sɛ me sa nwo agua fiɛ a,

Edwein 81:12

Yiti nyakyili maa bɛyɔle bɔ bɛ bɔbɔ bekuro ɔ, maa bɛyɔle bɔ bɛ bɔbɔ b’adwene ma bɛ ɔ.

Nworɛ Dwirɛhanɛniɛ 12:1

Kaye Nyameɛ bɔ ɔbɔle wɔ ne wɔ wɔ mmerandeɛ nu koraka né mmerɛ tɛɛ ne awa; anyɔ sɔ ná afoɛ nemɔ pingye a, ɛkɔhã kyɛ, “Mennya bɛ nu anigye biala”;

Nworɛ Dwirɛhanɛniɛ 12:14

Ɔnate kyɛ, Nyameɛ kobua yɔleɛ biala nwo ndɛen, bɔ yayɔ ye mvealeɛ nu boka so, kyɛ paa oo, kyɛ tɛɛ oo, okobua ye nwo ndɛen.

Nworɛ Dwirɛhanɛniɛ 2:10

Nikyee biala bɔ ɔyɛle me nye so nyemene ne, mva mɔle me nye akɔhoma. Nikyee bɔ ɔma me anigye ne, mandwe me nwo mamvi ye nwo, ofikyɛ me ɛfɛɛ adwuma mukoraa, nyane anigye mvili nu, na ɛhe te me fɛɛ amukoraa nwo akatuaa.

Nworɛ Dwirɛhanɛniɛ 3:12

Bɔ mese ole kyɛ, bɛte ase ye de, nikye paa biala nne berɛ mma bɛ ndra kyɛ bɛkɔgye bɛ nye, ná bɛkɔsɛpɛ bɛ nwo ɔ.

Nworɛ Dwirɛhanɛniɛ 3:17

Na ngane ye me ti anu kyɛ, “Nyameɛ kobua teneneefoɛ ne bɔnefoɛ ndɛen, ofikyɛ wahyehyɛ mmerɛ wato berɛ wama edwirɛ biala ne adwuma biala.”

Nworɛ Dwirɛhanɛniɛ 6:9

Bɔ ɔwɔ berɛ bɔ wɔ nye tua ye ne, ɔte paa tra bɔ w’akɔnnɔ susu kyɛ ekonya ye ɔ. Ɛhe koso te mbaen, na ɔte dadwene mbaen.

Nworɛ Dwirɛhanɛniɛ 7:14

Mmerɛ bɔ okoyie wɔ yé ne, ma wɔ nye gye, nakoso sɛ mmerɛ tɛɛ to wɔ a, fa kɔ adwenedwene nu. Nyameɛ bɔ ɔmane sɔ tebea ne wale ne, ye ala yeɛ wama ɛhe koso wawa ɔ, amaa ɔnate so kuro sona wannwu nikyee biala bɔ okosi wɔ ye si ɔ.

Yeremia 23:17

Bɛkɔ so bɛkã bekyire bɛ bɔ bebu me animtia ne kyɛ AWURADE nwa nyoo, ‘Ɛmɔkonya asomdwee’; na bɛkã bekyire ebiala bɔ odi ye ti piri ɔyɛ asoserɛ ne kyɛ, ‘Musue biala ngɔto ɛmɔ.’ ”

Yeremia 7:24

Nakoso bandie me dwirɛ, yeɛ banyɛ asoɛ bamma me. Na mmom, belili bɛ bɔbɔ bɛ ti piri bɛyɔle bɔne bɔ bekuro ɔ. Bɛkakyili bɛ si bɛmane me bɔ bannea me nyunu ɔ.

Awuye 3:27

Ɔte paa ma sona kyɛ ɔkɔfa kɔnnua ne kɔto ye kɔme nu wɔ ye mmerandeɛ nu ɔ.

Numeri 15:30

Nakoso ebiala bɔ ye nye la ye nwo ná ɔkɔyɔ bɔne ne, kyɛ ɔte maen baa oo, anaa ɛwɔfoɛ oo, wabu AWURADE animtia, na odi kyɛ bɛpɛ ye asue befi ye mmenia nu.

Numeri 15:39

Odi kyɛ ɛmɔfa sɔ nningyein ne besinzesinze ye noa, amaa sɛ ɛmɔnwu ye a, ɛmɔakaye AWURADE mmeraa dwirɛ amukoraa ná ɛmɔali so, ná ɛmɔanni ɛmɔ bɔbɔ b’akɔnnɔ ɔne nningyein bɔ ɔyɛ ɛmɔ nyemene si.

Numeri 22:32

Yeɛ AWURADE abɔfo ne bisale ye kyɛ, “Nzu ati yeɛ abɔ wɔ kaka ne pɛen nza ye? Mawa kyɛ mebaasi wɔ ate, ofikyɛ nikyee bɔ ɛyɔ ne, ɔndengyɛ wɔ me nyunu.

Mateo 5:28

Nakoso me de, mekã mekyire ɛmɔ kyɛ, ebiala bɔ ɔkɔnea brasua ná ye nwo kɔyɛ ye akɔnnɔ ne, né wafa ye dada ye wɔ ahone nu.

Luka 12:19

ná afei mahã mahyire me kra kyɛ: Ɛkra, ele nningyein paa pee bɔ bafa basie berɛ bama wɔ bɔ okoli afoɛ pee ɔ; yiti de wɔ nwome, didi ná no, ná gye wɔ nye.’

Asomafoɛ 14:16

Daa tete mmerɛ bɔ wapɛ nu ne de, ɔmane maen maen amukoraa ate maa bɛyɔle bɔ bekuro ɔ,

Asomafoɛ 24:25

Na Pɔɔlo wɔ so bɔ ɔkã tenenee ne anwohyɛsoɛ ne ndɛenbualɛ kyẽa bɔ ɔbaawa ne nwo dwirɛ nen, Felise kunu tetele ye, na osele ye kyɛ, “Kekesaala ye de, kɔ; na sɛ menya ye nwo a, ngɔmaa bɛkɔɔfrɛ wɔ bieku.”

Romanfoɛ 14:10

Na wɔ, nzu ati yeɛ ebua eliɛma ndɛen ɔ? Anaakyɛ wɔ koso, nzu ati yeɛ ebu eliɛma animtia ɔ? Ofikyɛ yɛ mukoraa yɛkogyina Nyameɛ ndɛenbualɛ bia ne nyunu.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

2 Korintofoɛ 5:10

Ofikyɛ, odi kyɛ yɛ mukoraa yɛkogyina Kristo ndɛenbualɛ bia ne nyunu. Na bɔ sona biala wayɔ ye wɔ sɔ anwoɔnaen he anu ne, kyɛ paa oo, anaa bɔne oo, okonya ye nwo akatuaa.

Deuteronomi 29:19

Na ebiala bɔ ɔkɔte apam ndaen he anu dwirɛ, ná ɔkɔdwene saleɛ kɔma ye nwo kyɛ, ‘Ɔwɔ nu kyɛ meyɛ asoserɛ de, nakoso ngonya asomdwee’ nen, (sɔ nikyee ne ma sona bɔ ɔtengyɛ ne bɔnefoɛ bewu bɛbɔ nu),

Hebrifoɛ 9:27

Na kyɛbɔ ɔsɛ kyɛ kuro sona wu komapɛ twe na ye si ye Nyameɛ bua ye ndɛen nen,

Yosua 7:21

Nwuni aguasoɛ nyemenenyemene bie bɔ bɛyɔle ye wɔ Sinari, ɛdwetɛ kilo nyɔ, ɔne sikaa kɔkorɛ bɔ nu nonɛ te kilo bue wɔ koɛ nu nzesadeɛ ne anu. Me nye yɛle bɛ nwo koakoa, na nzesale. Mafu mawura ase wɔ me tena sua ne anu, na ɛdwetɛ ne yeɛ ɔwɔ ye bo paa ɔ.”

2 Petro 3:7

Na anwuro ne aseɛ bɔ ɔwɔ berɛ ye, ɔnate ye noa dwirɛ komapɛ ne ala so yeɛ otira nu ɔ, na wasiesie ye wama see, na ɔfa nwondɛ ndɛenbualɛ ne amumuyɛɛfoɛ kyẽa ne.