Nworɛ Dwirɛhanɛniɛ 11:8 - AHYERƐLƐ KRONGRON

⁸ Yiti sɛ sona di afoɛ pee a, odi kyɛ ɔma ye nye gye wɔ ye mukoraa nu. Nakoso odi kyɛ osa kaye kyɛ, awosii ngyẽa bɔ bɛbaawa ne, ɔsone pee. Bɔ ɔkɔwa ne amukoraa te mbaen.

Nworɛ Dwirɛhanɛniɛ 11:8 Iomraidhean Croise

YOB NWOMAA NE 10:21

koraka né mahɔ nekaa bɔ mengosa ngɔwa ko ɔ, koraka né mahɔ awosii tunn ne awosii kabii maen ne anu,

YOB NWOMAA NE 10:22

awosii tunn ne basabasa maen ne, bɔ berɛ kanea te kyɛ awosii ne.”

YOB NWOMAA NE 14:10

Nakoso dasaniɛ de, owu a, ɔda berɛ bɔ ɔngekã ye nwo ɔ, sɛ sona ka nu a, né ɔwɔ nisua?

YOB NWOMAA NE 14:12

sɔ ala yeɛ dasaniɛ da berɛ, bɔ ondwɔso ko ɔ. Na anwuro onnya ɔppɛle nu ye de, bengotingye, yeɛ bengotingye bɛ ngofi bɛ nnaa nu.

YOB NWOMAA NE 15:23

Okyinikyini pena aleɛ, na obisa kyɛ, ‘Nisua yeɛ aleɛ wɔ ɔ?’ Na ɔse kyɛ ɔngɔhyɛ né awosii kyẽa ato ye.

YOB NWOMAA NE 18:18

Befindi ye befi nekaa bɔ ɔte hyireinn nu bɛto awosii nu, na betu ye befi wiase.

Edwein 49:20

Dasaniɛ ngɔhora ngɔtena ye anwonya nu afebɔɔ, owu kyɛ ngaka ne ala.

Nworɛ Dwirɛhanɛniɛ 11:2

Kyekyɛ nu ma nzoo anaa mmɔtwɛ po, ofikyɛ ɛnze edwirɛ tɛɛ bɔ ebiaa ɔbaasi aseɛ ye aso ɔ.

Nworɛ Dwirɛhanɛniɛ 2:15

Na afei nzele me nwo kyɛ, “Ayieleɛ bɔ okoyie kwaseaa ne, me koso ebie ala yeɛ okoyie me ɔ. Sɛ ɔte sɔ de a, né nzu ati yeɛ manwu nworɛ matra bɛ ɔ?” Na mmuale me nwo kyɛ, ɛhe koso te mbaen.

Nworɛ Dwirɛhanɛniɛ 2:17

Yiti asetena yɛle me tɛ, ofikyɛ nikyee biala bɔ ɔkɔ so wɔ wiase ne, ɔte ɛhawo ma me; ye mukoraa te mbaen, na ɔte dadwene mbaen.

Nworɛ Dwirɛhanɛniɛ 2:19

Nwa yeɛ ɔse ɔ, kyɛ sɔ sona ne kɔyɛ nworɛniɛ oo, anaakyɛ kwaseaa oo? Nakoso agyapadeɛ biala bɔ mafa m’anwoserɛ ne me nworɛ mapena manya ye wɔ wiase ne, ye yeɛ okooli ye sa ɔ: Ɛhe koso te mbaen.

Nworɛ Dwirɛhanɛniɛ 2:26

Ofikyɛ sona bɔ ɔsɔ Nyameɛ nye ne, ɔma ye nworɛ, nimdeɛ ne anigye; nakoso bɔnefoɛ de, Nyameɛ maa ɔpena agyapadeɛ gua berɛ ma sona bɔ ɔsɔ Nyameɛ nye ɔ: Ɛhe koso te mbaen, na ɔte dadwene mbaen.

Nworɛ Dwirɛhanɛniɛ 4:16

Mmenia pembepembe bɔ olili bɛ so ne, ɛka bɛ a ennwu ye noa. Nakoso bɛ bɔ nziɛ ye bɛwale ne de, banguro ye dwirɛ. Nahorɛ nu, ɛhe koso te mbaen, na ɔte dadwene mbaen.

Nworɛ Dwirɛhanɛniɛ 4:8

Sona bɔ wayɛ angonam bɔ olle ba anaa aliɛmaa ɔ, nakoso adwuma serɛ alaa yeɛ ɔkɔ so yɔ ɔ, na ye nye nzɔ ye anwonya bɔ wanya ye ɔ. Na obisa ye nwo kyɛ, “Adwuma bɔ mefɛ me nwo meyɔ, bɔ mama m’anigye abɔ me ye, nwa yeɛ mefɛ mema ye ɔ?” Ɛhe koso te mbaen ne adwuma fuin.

Nworɛ Dwirɛhanɛniɛ 6:11

Edwudwo pee a, wɔ dwudwolɛ ne yɛ mbaen; mvasoɛ beni yeɛ sona nya ɔ?

Nworɛ Dwirɛhanɛniɛ 6:6

Sɛ sɔ sona ne di afoɛ apee nyɔ po, ná wannya anigye paa biala a, aso nna neka horɛ yeɛ bɛ mukoraa bɛkɔ ɔ?

Nworɛ Dwirɛhanɛniɛ 7:14

Mmerɛ bɔ okoyie wɔ yé ne, ma wɔ nye gye, nakoso sɛ mmerɛ tɛɛ to wɔ a, fa kɔ adwenedwene nu. Nyameɛ bɔ ɔmane sɔ tebea ne wale ne, ye ala yeɛ wama ɛhe koso wawa ɔ, amaa ɔnate so kuro sona wannwu nikyee biala bɔ okosi wɔ ye si ɔ.

Nworɛ Dwirɛhanɛniɛ 8:12

Ɔwɔ nu kyɛ bɔnefoɛ ɔyɔ bɔne yɔleɛ sɔ alaa ɛyaa, ná onya ngoa tendenn de; nakoso nahorɛ nu, me de mese kyɛ bɛ bɔ besuro Nyameɛ ná bebu ye ne yeɛ okoyie bɛ yé ɔ.

Nworɛ Dwirɛhanɛniɛ 8:15

Yiti me de, menwu ye kyɛ anigye te paa, ofikyɛ nikye paa biala nne berɛ mma sona wɔ wiase ndra kyɛ okodidi, ɔkɔno, ná ɔkɔgye ye nye ɔ. Ye ngoa bɔ Nyameɛ afa ama ye wɔ wiase ne, ɛfɛɛ bɔ ɔfɛ wɔ nu ne, bɔ odi kyɛ ɔfa bata ye nwo hɔ ɛne.

Nworɛ Dwirɛhanɛniɛ 9:7

Yiti kɔ so, di w’aleɛ wɔ anigye nu, ná fa anwosɛpɛ no wɔ nzaa, ofikyɛ bɔ ɛyɔ ne, Nyameɛ ale ato nu dadadada.

Yeremia 13:16

Ɛ́mɔfa animnyam bɛ́ma AWURADE ɛmɔ Nyameɛ koraka né wama awosii awa, koraka né ɛmɔasoti mmokaa so wɔ awosii nu; na aberɛ bɔ ɛmɔpena kanea ne, ɔkɔmaa ɔkɔkakyi ewue wawoɛ, na ɔkɔmaa ɔkɔkakyi awosii kabii.

Yoel 2:2

Ɔte awosii ne (ewienu) kusuuyɛlɛ kyẽa, munungum ne awosii kabii kyẽa; koɛhonɛfoɛ anwoserɛfoɛ pee bɛkɔwa, bɔ ɔte kyɛ awosii bɔ wakata mmokaa nemɔ aso ɔ; bɛ sɛso ɔwwale le, ná bɛ si koso, ebie ngɔwa ko, wɔ aworɛ ndoatoasoɛ pee bɛ mmerɛ so.

Mateo 22:13

Yeɛ ɛhene ne sele somvoɛ nemɔ kyɛ, ‘Ɛ́mɔkyekye ye gya ne ye sa, ná ɛmɔfindi ye bɛto bondua dɔ awosii ne anu; dɔ yeɛ mmenia kosũ ná banwose bɛ gye ɔ.’

Yohane 12:35

Yeɛ Yesu buale bɛ kyɛ, “Kanea ne ɔne ɛmɔ bɛwɔ berɛ mmerɛ kãa bie. Na mmerɛ bɔ ɛmɔle kanea ne de, ɔsɛ kyɛ ɛmɔnate, ná awosii wammando ɛmɔ; ofikyɛ ebiala bɔ ɔnate awosii nu ne, ɔnze nekaa bɔ ɔkɔ ɔ.

Deuteronomi 32:29

Sɛ bɛse nworɛ a, ahaa bɛkɔte ɛhe abo, ná banwu kyɛbɔ b’ayieleɛ kosi koyie bɛ ɔ!

Yuda 1:18

Bɛhã behyirele ɛmɔ kyɛ, “Mmerɛ bɔ oli nziɛ ne anu, ngorohoɛfoɛ kodwɔso, na bekoli bɛ bɔbɔ b’akɔnnɔ si.”