Nworɛ Dwirɛhanɛniɛ 11:5 - AHYERƐLƐ KRONGRON

⁵ Kyɛbɔ ɛnze mvrama atee, anaa kyɛbɔ mmowue si nyi wɔ pemvoɛ kunu ne, sɔ ala yeɛ Nyameɛ bɔ ɔyɔ nikyee biala ne, ɛnze atee bɔ ɔpe so yɔ ye adwuma ɔ.

Nworɛ Dwirɛhanɛniɛ 11:5 Iomraidhean Croise

YOB NWOMAA NE 37:23

Tuminiɛ ne, nekaa bɔ ɔwɔ ne, yɛngɔhora ngonwu ye, ye tumi ne ye nahorɛlilɛ te piri, na ye tenenee totohyia ne ati, ommua ndɛengyea.

YOB NWOMAA NE 38:4

“Mmerɛ bɔ ndole aseɛ fapem ne, né ɛwɔ nisua? Sɛ ele ye nwo nimdeɛ a, ka kyire me.

YOB NWOMAA NE 5:9

Ye yeɛ ɔyɔ nningyein mbiri mbiri bɔ ɔbo sona ndeaseɛ so ɔ, anwanwadeɛ nningyein bɔ bɛka a bennwu ye noa ɔ.

Edwein 104:24

Ao, AWURADE wɔ sa noa nnwumaa sone paa! Ɛfale nworɛ tole ye nwo yeɛ ɛbɔle bɛ mukoraa ɔ; w’abɔdeɛ mɔ bayi aseɛ so tɛkyɛ.

Edwein 40:5

Ao AWURADE me Nyameɛ, w’anwanwadeɛ bɔ ayɔ ne, ɔne adwene bɔ ele ye ma yɛ ne, bɛsone paa; ebiala ngɔhora ngɔfa ye nwo ngɔtoto wɔ nwo. Sɛ mekã kyɛ meka ná mebɔ ye nwo dawure a, ɔsone bɔ mengɔhora ye ka ɔ.

Edwein 92:5

Ao AWURADE, wɔ nnwumaa te mbiri mbiri paa! W’adwene nu pi paa!

Nworɛ Dwirɛhanɛniɛ 1:13

Mva nziele me nye so kyɛ, nikyee biala bɔ bɛyɔ ye wɔ ewiase ne, mefa nworɛ mepɛnzɛpɛnzɛ nu mete ye bo. Ɔte adwuma serɛ paa bɔ ye yɔlɛ nyɛ fɛ, bɔ Nyameɛ afa ato adasa so kyɛ bɛyere bɛ nwo bɛyɔ ɔ.

Nworɛ Dwirɛhanɛniɛ 1:6

Mvrama bɔ kɔ ngwaen, ɔkakyi ye nwo osa kɔ sorɔ, mvrama ne pɛnepɛne ye nwo alaa, na ɔpɛ ye nwo tee osa ba ye boso.

Nworɛ Dwirɛhanɛniɛ 11:4

Sona bɔ ɔnea kyɛbɔ mvrama si bɔ ne, ongolua ye nningyein; yeɛ bɔ ɔnea kyɛbɔ ewienu ayɛ kusuu ne koso, ɔngɔfa ye fieso aleɛ.

Nworɛ Dwirɛhanɛniɛ 3:10

Manwu adwuma serɛ bɔ Nyameɛ afa awura adasa sa kyɛ bɛfɛ bɛ nwo bɛyɔ ɔ.

Nworɛ Dwirɛhanɛniɛ 3:11

Wayɔ nikyee biala nyemenenyemene wɔ ye mmerɛ nu. Wafa mmerɛ bɔ olle ayieleɛ nwo adwene wawura kuro sona adwene nu, nakoso sona ngora nnwu bɔ Nyameɛ ayɔ ɔ, ofi ye bohyɛlɛ bɔ ɔkwaadwu ayieleɛ ɔ.

Nworɛ Dwirɛhanɛniɛ 7:24

Sɔ nikyee ne bɔ ɔwɔ dededede, nziɛ nziɛ, kumaa kuronguronn nu ne, nwa yeɛ okonwu ye ɔ?

Nworɛ Dwirɛhanɛniɛ 8:17

na nwuni Nyameɛ adwuma bɔ ɔyɔ amukoraa, kyɛ sona biala ngɔte bɔ ɔkɔ so wɔ wiase ɔ bo. Sona kɔfɛ ye nwo kyɛ ɔkɔfeefee nu, nakoso ɔngɔte ye bo. Nworɛfoɛ nwa nzɛ bɛse, nakoso bɛngɔhora bengonwu ye.

Yesaya 40:28

Aso ɛnze? Aso ɛttele? AWURADE te Ɛdangama Nyameɛ, bɔ ɔbɔle aseɛ fi ye ti kɔkã ye ti ɔ. Ɔmvɛ, yeɛ ye nwo nyɛ ye bɛtɛɛ, na ye nworɛ bo sona ndeaseɛ so.

Yohane 3:8

Mvrama bɔ kɔ nekaa bɔ okuro ɔ, na ɛte ye nga; nakoso ɛnze nekaa bɔ ofi ba ɔ, anaa nekaa bɔ ɔkɔ ɔ. Sɔ ala yeɛ ebiala bɔ bawo ye Sunzum nu ne ɔte ɔ.”

Romanfoɛ 11:33

O! Nyameɛ anwonya ne ye nworɛ ne ye nimdeɛ nu pi! Nwa yeɛ ɔkɔhora kohyirehyire ye porɛ bɔ wabɔ nu ɔ? Nwa yeɛ ɔse ye atee bɔ ɔfa so yɔ ye nningyein, anaa nwa yeɛ ɔkɔte ye bo koyie ɔ?