Nworɛ Dwirɛhanɛniɛ 11:10 - AHYERƐLƐ KRONGRON

¹⁰ Ye aworabɔlɛ fi w’ahone nu, ná ye anwoɔnaen nu ateetee fi wɔ so, ofikyɛ ngwadaa nu ne mmerandeɛ nu po te mbaen.

Nworɛ Dwirɛhanɛniɛ 11:10 Iomraidhean Croise

YOB NWOMAA NE 11:12

Nakoso anzana kwaseambane konwu nworɛ ne, sana eburo afunum wawo sona koraka.

YOB NWOMAA NE 13:26

Ofikyɛ edwirɛ tɛɛ yeɛ ɛkyerɛ tia me ɔ, na ɛfa me mmerandeɛ nu bɔne nwo akatuaa etua me so kerɛ.

YOB NWOMAA NE 20:11

Ɔwɔ nu kyɛ ye mmerandeɛ nu anwoserɛ ma ye mmowue nu yɛ se de, nakoso ɔkɔfa kɔhɔ kumaa nu.

Edwein 25:7

Ao AWURADE, ɔnate wɔ paayɛlɛ ne ati, nnɛkaye me ngwadaa nu bɔne, ɔne me mmeraatolɛ; gyina wɔ ɔdɔ bɔ onni ngasi ne aso ná kaye me!

Edwein 39:5

Amba, ama me ngoa ayɛ tikaape bie, na m’afoɛ mɔ bɛtte huu wɔ wɔ nye so. Nahorɛ nu, kuro sona biala ye ngoa te kyɛ nwomeɛ mbaen. Sela

Edwein 39:6

Amba, ebiala nate berɛ kyɛ wawoɛ bie. Amba, sona ha ye nwo mbaen, sona pena agyapadeɛ pee, nakoso ɔnze sona bɔ okooli ye sa ɔ.

Anyandera 22:15

Ngwaseade yɔlɛ ayi akwadaa ti anu tɛkyɛ, ɛfa mbire tea ye a, otu ngwaseade ne fi ye nwo.

Nworɛ Dwirɛhanɛniɛ 1:14

Manwu nikyee biala bɔ bɛyɔ ye wiase ɔ, na tie, ye mukoraa te mbaen, na ɔte dadwene mbaen.

Nworɛ Dwirɛhanɛniɛ 1:2

“Mbaen nu mbaen.” Nworɛ Dwirɛhanɛniɛ ne nwa nyoo: Mbaen nu mbaen! Ye mukoraa te mbaen!

Nworɛ Dwirɛhanɛniɛ 12:1

Kaye Nyameɛ bɔ ɔbɔle wɔ ne wɔ wɔ mmerandeɛ nu koraka né mmerɛ tɛɛ ne awa; anyɔ sɔ ná afoɛ nemɔ pingye a, ɛkɔhã kyɛ, “Mennya bɛ nu anigye biala”;

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.

2 Timoteo 2:22

Yiti twe wɔ nwo fi mmerandeɛ nu akɔnnɔ nwo, ná fa wɔ nye sie tenenee, gyidie, ɔdɔ ne asomdwee so, ɛne bɛ bɔ befi ahone bɔ nu te ɔ nu bɛfrɛ Awurade bɛbɔ nu ne.