Nworɛ Dwirɛhanɛniɛ 10:19 - AHYERƐLƐ KRONGRON

¹⁹ Ɛpoentolɛ ma sona sere, nzaa ma sona nye gye, na sikaa yeɛ ɔyɔ nikyee biala ɔ.

Nworɛ Dwirɛhanɛniɛ 10:19 Iomraidhean Croise

Gyenesise 43:34

Bɛfale aleɛ ne bie befili Yosef poen ne aso bɛbrɛle bɛ, nakoso Benyamin de, né ye deɛ te bɛ ngaa ne deɛ mmɔhoɛ nnu. Yiti bɛnone nzaa, na bɛ ne Yosef bɛ mukoraa bɛ nye gyele.

2 Samuel 13:28

Né Absalom ali moa waha wahyire ye somvoɛ nemɔ kitii kyɛ, “Ɛ́mɔfa bɛ nye bɛ́sra Amnɔn, na sɛ ɛmɔnwu kyɛ nzaa ne abo ye, ná mekã mekyire ɛmɔ kyɛ, ‘Ɛ́mɔhu Amnɔn!’ a, ɛ́mɔhu ye. Nnɛma ɛmɔsuro. Me yeɛ mahyɛ ɛmɔ kyɛ ɛ́mɔyɔ sɔ ɔ. Ɛ́mɔsi ɛmɔ ahone bɛyɛ mmienzua.”

1 Aberɛso Dwirɛ 21:24

Nakoso Nana Dawide buale Ɔnan kyɛ, “Daabi, ngɔtɔ. Ngotua ye kerɛ, kyɛbɔ bɛ nyɔboɛ te ɔ. Nikyee bɔ ɔte wɔ deɛ ne, mengɔfa mengɔma AWURADE; yeɛ mengɔbɔ naen yeralɛ afɔleɛ wɔ aberɛ bɔ mandua ye nwo kerɛ ɔ.”

Ɛsra 1:6

Na mmenia bɔ Yisraelfoɛ ne bɛ te mbɔtam ne amukoraa bɛfale sɔ nningyein hemɔ bɛbokale bɛ: ɛdwetɛ ndalie, esikaa kɔkorɛ, nningyein, nyɛmmoa, mbembenanneɛ, ɔne akyɛdeɛ ahoroɔ bɔ befiane bɛ kunu bɛfa bɛmane bɛ ɔ.

Nehemia 5:8

na nzele bɛ kyɛ, “Y’eliɛma Yudafoɛ bɔ batɔne bɛ bama Amaenmaensofoɛ mɔ ne, yabɔ mmɔden bɔ yɛkɔhora biala yapɔ bɛ. Nakoso afei de ɛmɔtɔne ɛmɔ bɔbɔ ɛmɔ aliɛma Yudafoɛ bɛma Yudafoɛ maa yɛsa yɛkɔpɔ bɛ!” Bɛyɛle konn, na né bennwu dwirɛ bɔ bɛhã ɔ.

Ɛseta 1:10

Ye ɛlɛsoo ne aso bɔ né nzaa ama Nana Ahasuro ye ti anu ayɛ ye fɛfɛɛfɛ ne, osele ye somvoɛ sayɛɛ nzoo, bɔ bɛ ole Mehuman, Bisita, Habona, Bigita, Abagita, Seta ne Kakase,

Edwein 104:15

ɔne nzaa bɔ ɔma sona nye gye ɔ, ɔne sakyeɛ bɔ ɔma sona nyunu yɛ mmenanwo mmenanwo ɔ, yeɛ aleɛ bɔ ɔma sona wora kyekye ɔ.

Edwein 112:9

Ɔye ye kunu fa nningyein kyekyɛ, ɔyɛ ehiafoɛ paa; ye tenenee wɔ berɛ afebɔɔ, na ye anwoserɛ kɔhɔ so animnyam nu.

Nworɛ Dwirɛhanɛniɛ 2:3

Mvale adwene kyɛ ngɔfa nzaa ngɔgye me nye, wɔ aberɛ bɔ mepena nworɛ si atee ɔ, yeɛ afei kyɛ ngɔyɔ ngwaseade ɔ, kɔpem kyɛ ngonwu bɔ ɔte paa ma adasa kyɛ bɛkɔyɔ ye wɔ ewiase, wɔ bɛ ngoa tikaape ye anu ɔ.

Nworɛ Dwirɛhanɛniɛ 9:7

Yiti kɔ so, di w’aleɛ wɔ anigye nu, ná fa anwosɛpɛ no wɔ nzaa, ofikyɛ bɔ ɛyɔ ne, Nyameɛ ale ato nu dadadada.

Yesaya 23:18

Nakoso ye dwaa nningyein ne ye mvasoɛ ne, ɔkɔyɛ krongron kɔma AWURADE. Bɛngɔfa ngosie, yeɛ bɛngɔfa ngɔfea, na mmom ye dwaa nningyein ne kɔyɛ bɛ bɔ bɛwɔ AWURADE nyunu ɔ bɛ deɛ, na ɔkɔmaa bekonya aleɛ pee bekoli, ɔne ɛtena paa bɛkɔhera.

Yesaya 24:11

Mmenia teatea nu bɛpena nzaa wɔ mmorɔnoɛ nemɔ aso, anigye amukoraa bo apɛ, yeɛ aseɛ so anika atu amini.

Mateo 17:27

Nakoso, kyɛbɔ ɔkɔyɛ bɔ yɛngɔyɛ sundidua yɛngɔma bɛ ne ati, kɔ ɛpo nu kɔto koaa; na tiré bɔ ekoli moa kɔhye ye ne, sɛ ebukye ye noa nu a, ekonwu sikaa prɛnprɛn wɔ nu, na fa kotua me ne wɔ yɛ deɛ.”

Mateo 19:21

Na Yesu sele ye kyɛ, “Sɛ ekuro kyɛ ɛyɛ pɛpɛɛpɛ a, ye de kɔ, ná kɔtɔne w’anwonyadeɛ, ná fa sikaa ne ma ehiafoɛ, na ekonya agyapadeɛ wɔ nyameɛso; ná afei bra baali me si.”

Luka 12:19

ná afei mahã mahyire me kra kyɛ: Ɛkra, ele nningyein paa pee bɔ bafa basie berɛ bama wɔ bɔ okoli afoɛ pee ɔ; yiti de wɔ nwome, didi ná no, ná gye wɔ nye.’

Luka 16:9

Na mekã mekyire ɛmɔ kyɛ, ɛmɔ de, ɛ́mɔfa anwonyadeɛ fiɛ ne so bie bénya abiɛngoɛ mɔ, amaa sɛ ohia ɛmɔ a, bafa ɛmɔ bahɔ atenaleɛ afebɔɔ nemɔ anu.

Luka 8:3

yeɛ Yoana bɔ ohu Kusa te Herode awuro somvoɛ panyi ne, yeɛ Susana ne mmrasua pee bɔ bɛfale bɔ bele ye ɔ bɛsole ye ne.

Asomafoɛ 11:29

Yiti asuafoɛ nemɔ yɛle kyɛ bɛ nu biala ɔkekã ye sa ase kãa kyɛbɔ ɔkɔhora ɔ, ná bɛfa bɔ bekonya ye ne bɛɛboka aliɛmaa mɔ bɔ bɛwɔ Yudea ɔ.

Asomafoɛ 2:45

Bɛtɔnene b’agyapadeɛ ne bɛ nwo nningyein, na bɛhyɛle sikaa ne bɛmane ebiala kyɛbɔ ohia ɔ.

1 Petro 4:3

Yɛbɔle yɛ bra kyɛ Amaenmaensofoɛ wɔ y’asetena mmerɛ bɔ wapɛ nu ne anu, na yɛbɔle yɛ bra wɔ ahohwibra, akɔnnɔ, nzaabolɛ, bɔne nu anigye, asanzabra, yeɛ bosoensolɛ bɔ ɔte akyiwadeɛ ɔ nu.

Maenbulɛfoɛ 14:10

Ye baba hɔle braa ne awuro berɛ, na Samson tole poen wɔ berɛ kyɛbɔ kuro berɛ mmerandeɛ bɛyɔ ne ala.

Maenbulɛfoɛ 9:13

Nakoso bobe buale bɛ kyɛ, ‘Aso me nzaa, bɔ ɔma nyameɛ mɔ ne adasa bɛ nye gye ne, nyakyi ye yɔlɛ, ná ngongyini mmakaa mɔ so anaa?’

1 Samuel 25:36

Na Abigail sa hɔle awuro wɔ Nabal berɛ ne, né Nabal ato poen wɔ ye awuro berɛ kyɛ ahemvo poentolɛ. Né ɔgye ye nye, ofikyɛ né wabo sram; yiti Abigail anga hwee wangyire ye kɔpem kyɛ aleɛ hyene ɔ.