Nworɛ Dwirɛhanɛniɛ 10:12 - AHYERƐLƐ KRONGRON

¹² Nworɛniɛ noa dwirɛ maa onya animnyam, nakoso kwaseaa de, ye noa dwirɛ maa onya dwirɛ.

Nworɛ Dwirɛhanɛniɛ 10:12 Iomraidhean Croise

2 Samuel 1:16

Na Dawide sele ye kyɛ, “Wɔ mogya kɔbɔ wɔ bɔbɔ wɔ ti so, ofikyɛ wɔ bɔbɔ ato wɔ noa nu tui aha abua wɔ nwo fɔ kyɛ, ‘Me yeɛ nguni sona bɔ AWURADE apopa ye ngoo ne ɔ.’ ”

YOB NWOMAA NE 16:5

Ahaa ngɔfa me noa dwirɛ ngɔhyɛ ɛmɔ nguraen, ahaa me noa dwudwolɛ kɔma ɛmɔ nwo tutulɛ ne kɔtɔ ɛmɔ.

Edwein 140:9

Bɛ bɔ bapɛ me nwo bayia ne, bamoma bɛ nwo so; ma bɛ noa nu musue dwirɛ ne ɔbɔ bɛ ti so!

Edwein 37:30

Teneneeniɛ kã nworɛ dwirɛ, na ye noa dwirɛ te nahorɛ turoloo.

Edwein 64:8

Bɛ noa dwirɛ ti, ɔkɔmaa amaneɛ kɔto bɛ, na ebiala bɔ okonwu bɛ ne, ye nwo kodwiri ye.

Anyandera 10:10

Sona bɔ ɔbɔ ye nye kyire ne, ɔma mmenia nwu amaneɛ, na kwaseaa koso, ye dwudwolɛ mbaen mbaen ne fa ye kɔ amaneɛ nu.

Anyandera 10:8

Sona bɔ ɔse nworɛ ne, otie mmeraa dwirɛ, nakoso kwaseaa de, ye dwudwolɛ mbaen mbaen ne fa ye kɔ amaneɛ nu.

Anyandera 12:18

Edwudwolɛ fumfum kora pura sona kyɛ ngrandɛ, nakoso nworɛniɛ ye noa dwirɛ de, ɔsa anwonyerɛ.

Anyandera 15:2

Nworɛfoɛ noa dwirɛ ma nimdeɛ yɛ nyemene, nakoso ngwaseafoɛ noa kekã ngwaseasɛm.

Anyandera 15:23

Sona ma edwirɛ nwo mmuayɛɛ nyemene so a, ɔma ye nye gye, yeɛ sɛ ɔkã edwirɛ paa wɔ mmerɛ bɔ odi kyɛ ɔkã ɔ nu a, ɔte paa paa!

Anyandera 19:5

Adanzewianiɛ ngɔfa ye nwo ngoli tɔtorɔtɔɔ, yeɛ nnakannakaniɛ wora ɔngɔfa ye nwo ngoli mbaen.

Anyandera 22:11

Sona bɔ okuro bra sannwuu bɔlɛ, bɔ ye noa dwirɛ yɛ fɛ ne, ɛhene ne kɔyɛ ye damvo.

Anyandera 26:9

Kwaseaa noa nu anyandera te kyɛ akɔnomnzaniɛ bɔ ɔnwaha bakaa mmowue mmowue ɔ.

Anyandera 31:26

Odwudwo nworɛ nu, na otu paayɛlɛ nwo foɛ.

Nworɛ Dwirɛhanɛniɛ 12:11

Nworɛniɛ ye noa dwirɛ ɔte kyɛ nandwiehanɛniɛ ye pɔmaa noa buralɛ; yeɛ ye anyandera bɔ waboaboa ye noa ne koso, ɔte kyɛ mberɛgoo bɔ mmoaenneafoɛ komapɛ wafa wabɔ berɛ pindinn ɔ.

Nworɛ Dwirɛhanɛniɛ 4:5

Sona kwaseaa ye gya nga ye sa nga, na ɔyɛ ye bɔbɔ ye nwo aborɛ.

Nworɛ Dwirɛhanɛniɛ 5:2

Nnɛperepere wɔ nwo bukye wɔ noa, yeɛ nnɛperepere wɔ nwo ma edwirɛ fite wɔ noa wɔ Nyameɛ nyunu. Ofikyɛ Nyameɛ wɔ nyameɛso, yeɛ wɔ wora ɛwɔ aseɛ ye aso, yiti ma wɔ dwirɛ yɛ ndika ndika.

Nworɛ Dwirɛhanɛniɛ 5:6

Nnɛma wɔ noa diedie wɔ kɔ bɔne nu, yeɛ nnɛkã kyire bɔfoɛ ne kyɛ wɔ noa fone. Nzu ati yeɛ odi kyɛ Nyameɛ fɛ wɔ noa dwirɛ nwo yaa ná ɔsɛkye wɔ sa noa adwuma ɔ.

Nworɛ Dwirɛhanɛniɛ 9:17

Nworɛfoɛ bɛ noa dwirɛ bɔ mmenia tie ye konn ne, bede bɛto nu bɛtra ngwaseafoɛ hene ye ndeateamuɛ.

Mateo 12:35

Sona paa fi nningyein paa bɔ waboaboa ye noa wɔ ye ahone nu ɔ nu yeɛ ɔda nningyein paa ali ɔ; yeɛ sona bɔnefoɛ fi bɔne nningyein bɔ waboaboa ye noa wɔ ye ahone nu ɔ nu yeɛ ɔda bɔne nningyein ali ɔ.

Luka 19:22

Na osele ye kyɛ, ‘Wɔ akoaa atianuserɛniɛ! Wɔ bɔbɔ wɔ noa dwirɛ yeɛ ngogyina so ngobua wɔ foɛ ɔ! Ɛse kyɛ nde sona bɔ me dwirɛ yɛ se ɔ, bɔ mefa bɔ mamva mando berɛ ɔ, yeɛ mebu bɔ nnuale ɔ.

Luka 4:22

Na bɛ mukoraa bɛhane edwirɛ paa bɛfale Yesu nwo, na ye noa dwirɛ bɔ ɔte adom dwirɛ ne ɔyɛle bɛ nwanwa; nakoso bebisale kyɛ, “Aso nna Yosef awa ne ɛhe anaa?”

Ɛfesofoɛ 4:29

Nnɛmɔma edwirɛ fiɛ biala fi ɛmɔ noa, na mmom edwirɛ paa bɔ ɔfata ná ɔma ngɔsoɛ ɔ, ná walo bɛ bɔ betie ne.

Kolosefoɛ 4:6

Ɛ́mɔma ɛmɔ noa dwudwolɛ yɛ fɛ kyɛ ngyee, amaa ɛmɔanwu mmuayɛɛ paa bɔ ɔsɛ kyɛ ɛmɔfa bebua ebiala ɔ.