Nworɛ Dwirɛhanɛniɛ 10:11 - AHYERƐLƐ KRONGRON

¹¹ Sona bɔ ole ewoo ayire ne, sɛ ɔma ewoo ka ebie yie koraka né wahye ye a, ye de mvasoɛ biala nne bɔ ole ewoo ayire ne aso.

Nworɛ Dwirɛhanɛniɛ 10:11 Iomraidhean Croise

Edwein 52:2

Wɔ noa kekã musue dwirɛ, wɔ temverema te kyɛ dɛmaa nnaennaen.

Edwein 58:6

Ao Nyameɛ, bubu bɛ gye bɔ ogua bɛ noa nu ɔ, ao AWURADE, tutu gyata akrɔngrɔma nemɔ bɛ gye!

Edwein 64:3

Bɛ yeɛ besi bɛ noa kyɛ ngrandɛ, besina bɛ noa dwirɛ yeayea kyɛ agyaen;

Anyandera 18:21

Sona noa dwirɛ maa onya ewue anaa ngoa, na bɔ okuro edwudwolɛ ne, onya ye nwo amaneɛ.

Nworɛ Dwirɛhanɛniɛ 10:10

Sɛ ebie dadeɛ tiri ná wanzi a, ye de sana ɔfa anwoserɛ pee ɔyɔ adwuma, yiti nworɛ yeɛ ɔma sona adwuma yɛ yé ɔ.

Yeremia 8:17

Tie, mésoma ewoo mɔ, ɛbɔnaa bɔ ewoo ayire ngora bɛ ɔ, maa bɛba ɛmɔ so na bɛkɔkeka ɛmɔ,” AWURADE noa dwirɛ ɛne.

Yakobo 3:6

Temverema koso te see. Temverema te ewiase bɔ ɔndengyɛ bɔ wafra y’akwaa mɔ nu ɔ; ɔbɔ musue maa ɔkã nipadua ne amukoraa, ɔfa see to mmenia asetena nu, na abɔnzam see nu yeɛ onya ye see ne fi ɔ.

Yakobo 3:8

Nakoso temverema de, sona biala ngora mmrɛ ye ase; ɔte busueniɛ bɔ bɛmmɔ ye kyɛnn so ɔ, na ɛborɔ bɔ ye noa yɛ hye yeɛ wayi ye tɛkyɛ ɔ.