Nworɛ Dwirɛhanɛniɛ 10:10 - AHYERƐLƐ KRONGRON

¹⁰ Sɛ ebie dadeɛ tiri ná wanzi a, ye de sana ɔfa anwoserɛ pee ɔyɔ adwuma, yiti nworɛ yeɛ ɔma sona adwuma yɛ yé ɔ.

Nworɛ Dwirɛhanɛniɛ 10:10 Iomraidhean Croise

1 Ahemvo 3:9

Yiti ma w’akoaa ndeaseɛ adwene bɔ ngɔfa ngɔla wɔ mmenia noa ɔ. Maa ngora nwu paa ne tɛɛ b’afia nzonzoleɛ; ofikyɛ wɔ maen piri ye, nwa yeɛ ɔkɔhora kɔla ye noa ɔ?”

1 Aberɛso Dwirɛ 12:32

Yisakafoɛ ne, bele mbanyi ɛyaa nyɔ bɔ bɛnea bɛ mmusuafoɛ so ɔ. Sɔ mbanyi nemɔ, bɛ yeɛ bɛte nningyein bɔ ɔkɔ so ne abo, na afei bɛse bɔ ɔsɛ kyɛ Yisrael bɛyɔ ɔ.

Nworɛ Dwirɛhanɛniɛ 10:11

Sona bɔ ole ewoo ayire ne, sɛ ɔma ewoo ka ebie yie koraka né wahye ye a, ye de mvasoɛ biala nne bɔ ole ewoo ayire ne aso.

Nworɛ Dwirɛhanɛniɛ 10:15

Adwuma bɔ kwaseaa yɔ ne, ɔmaa ɔfɛ, na ɔnze atee po bɔ ɔfa so kɔ kuro nu ɔ.

Nworɛ Dwirɛhanɛniɛ 10:9

Ebiala bɔ odwa nyɔboɛ ne, nyɔboɛ pura ye; yeɛ bɔ ɔpakye mmakaa ne wora, nu yeɛ opura ɔ.

Nworɛ Dwirɛhanɛniɛ 2:13

Na nwuni kyɛ mvasoɛ wɔ nworɛ so tra ngwaseasɛm, kyɛbɔ mvasoɛ wɔ kanea so tra awosii ne.

Nworɛ Dwirɛhanɛniɛ 9:18

Nworɛ nwo hia tra akodeɛ, nakoso bɔnefoɛ komapɛ sɛkye paa pee.

Mateo 10:16

“Ɛ́mɔtie! mésoma ɛmɔ kyɛ mmoaen maa ɛmɔkɔ mbataku nu. Yiti ɛ́mɔma ɛmɔ nye la berɛ kyɛ ewoo, ná ɛ́mɔbrɛ ɛmɔ nwo ase kyɛ mmubure.

Romanfoɛ 16:19

Ebiala ate ɛmɔ sotie bɔ ɛmɔayɛ bama nzɛmba ne ɔ, yiti me nye gye ɛmɔ nwo, nakoso mekuro kyɛ ɛmɔnwu nworɛ bɛfa bɔ ɔte paa nwo, ná ɛmɔte ɛmɔ nwo béfi bɔ ɔte bɔne nwo.

1 Korintofoɛ 14:20

Aliɛmaa mɔ, nnɛma ɛmɔdwene kyɛ ngwadaa, bɔne nu de, ɛ́mɔyɛ kyɛ nnɔma na mmom adwene nu ɛ́mɔyɛ mbanyi.

Deuteronomi 32:41

sɛ mesi me ngrandɛ nahanaha ne, ná me sa sɔ nu wɔ ndɛenbualɛ nu a, ngɔtɔ me pɔfoɛ mɔ so wereɛ, na bɛ bɔ bekyi me koso, ngotua bɛ so kerɛ.

Kolosefoɛ 4:5

Bɛ bɔ bɛnne yɛ fekue ne anu ne, ɛ́mɔnate nworɛ nu wɔ bɛ nu, na nnɛma ɛmɔsɛkye ɛmɔ mmerɛ mbaen.

Yakobo 1:5

Na sɛ ɛmɔ nu bie tɔ sii nworɛ nu a, maa obisa Nyameɛ bɔ ɔye ye kunu fa ma mmenia, bɔ ɔmva animguaseɛ mmata ye nwo ne, na ɔkɔfa kɔma ye.