Nworɛ Dwirɛhanɛniɛ 1:9 - AHYERƐLƐ KRONGRON

⁹ Nikyee biala bɔ ɔwɔ berɛ ne, ɔkɔhɔ so kɔwɔ berɛ, bɔ bayɔ ye daa ne, bekosa bɛkɔyɔ, na nikyee foforɛ biala nne wiase.

Nworɛ Dwirɛhanɛniɛ 1:9 Iomraidhean Croise

Nworɛ Dwirɛhanɛniɛ 1:10

Aso nikyee bie wɔ berɛ bɔ bɛkã ye nwo dwirɛ kyɛ, “Nea, ɛhe te nikye foforɛ” ɔ? Ɔwɔ berɛ fite tetetete koraka yeɛ yɛba ɔ.

Nworɛ Dwirɛhanɛniɛ 2:12

Yiti nhyɛle ye bo ndwenene nworɛ, ɛlaenbɔlɛ ne ngwaseasɛm nwo, ofikyɛ bɔ okoli me bia koli hene ne, nzikyɛ bieku yeɛ ɔkɔhora kɔyɔ ɔ? Sana bɔ bali moa bayɔ ne ala.

Nworɛ Dwirɛhanɛniɛ 3:15

Bɔ ɔwɔ berɛ kekesaala ye ne, ɔwɔ berɛ dadadada; yeɛ bɔ ɔbaawa ne, ɔwɔ berɛ dadadada, na Nyameɛ ma bɔ wasi daa ne osa si bieku.

Nworɛ Dwirɛhanɛniɛ 6:10

Nikyee biala bɔ ɔwɔ berɛ ne, bato ye dumaa dadadada. Ebiala se kyɛbɔ kuro sona osi te ɔ. Ebiala se kyɛ, sona ngora nne ebie bɔ ye nwo yɛ se tra ye ɔ benni apereapereɛ.

Nworɛ Dwirɛhanɛniɛ 7:10

Nnɛbisa kyɛ, “Mmerɛ bɔ wapɛ nu wahɔ ne, nzu ati yeɛ ɔte paa tra ɛnɛ mmerɛ ye ɔ?” Ofikyɛ nworɛ biala nne nu kyɛ ekobisa ɛhe ɔ.

Yesaya 43:19

Ɛ́mɔnea, mebaayɔ nikyee foforɛ bie, kyɛ ɔ́ba ɔ, aso ɛmɔnnwu ye? Ngɔpakye atee ngɔto ɛserɛ so, ná mama asue mɔ balela aseɛ pralaa so.

Yeremia 31:22

Ao baa brasua bɔ ayɛ lɔen ɔ, w’adwene kɔyɛ wɔ ndaa ndaa maa okoodwu kyinzu? Ofikyɛ AWURADE abɔ nikyee foforɛ wɔ aseɛ so. Brasua kɔbɔ bienzua nwo waen.”

2 Petro 2:1

Na ngɔmhyɛlɛfoɛ ngondombofoɛ bedwɔsole maen ne anu, kyɛbɔ akyerɛkyerɛfoɛ ngondombofoɛ bekodwɔso wɔ ɛmɔ nu koso ne. Bɛ yeɛ bɛkɔfeafea bɛ nwo bɛkɔfa ngyerɛkyerɛ tɛɛ bɔ ɔsɛkye mmenia bekoowura nu ɔ, na bɛkɔpo Awurade bɔ ɔɔpɔle bɛ ná olele bɛ ne po, na bɛkɔtwetwe ɛsɛkyelɛ bɔ ɔba ndɛndɛ ɔ bɛkɔbrɛ bɛ nwo.

Nyekyire 21:1

Na nwuni nyameɛso foforɛ ne aseɛ foforɛ; ofikyɛ né nyameɛso bɔ oli moa ne ne aseɛ bɔ oli moa ne bapɛ nu bahɔ, yeɛ né ɛpo nne berɛ ko.

Nyekyire 21:5

Na bɔ ɔte ahennie bia ne aso ne hane kyɛ, “Tie! Meyɔ nningyein mukoraa foforɛ.” Na osa sele me kyɛ, “Kyerɛ ɛhe, ofikyɛ edwirɛ hemɔ te turoloo ne nahorɛ.”