Nworɛ Dwirɛhanɛniɛ 1:3 - AHYERƐLƐ KRONGRON

³ Ɛfɛɛ worawora bɔ sona fɛ wɔ ewiase ye, nzikyɛ mvasoɛ yeɛ onya fi nu ɔ?

Nworɛ Dwirɛhanɛniɛ 1:3 Iomraidhean Croise

Nworɛ Dwirɛhanɛniɛ 2:11

Afei ndole me nye nneane me sa noa adwuma mukoraa, ɔne nningyein bɔ mafɛ mayɔ ne, na nwuni kyɛ ye mukoraa te mbaen, ɔte dadwene mbaen, na mvasoɛ biala nne so wɔ wiase.

Nworɛ Dwirɛhanɛniɛ 2:18

Amba, adwuma worawora bɔ mafɛ me nwo mayɔ ye wɔ wiase ne, ɔyɛle me tɛ, ofikyɛ, nwuni kyɛ mebaayakyi ye berɛ mema me koliagyaa.

Nworɛ Dwirɛhanɛniɛ 2:19

Nwa yeɛ ɔse ɔ, kyɛ sɔ sona ne kɔyɛ nworɛniɛ oo, anaakyɛ kwaseaa oo? Nakoso agyapadeɛ biala bɔ mafa m’anwoserɛ ne me nworɛ mapena manya ye wɔ wiase ne, ye yeɛ okooli ye sa ɔ: Ɛhe koso te mbaen.

Nworɛ Dwirɛhanɛniɛ 2:22

Kuro sona ɛfɛɛ amukoraa ne adwenedwene bɔ ɔla ye so wɔ wiase ne, nzikyɛ mvasoɛ koraa yeɛ onya fi nu ɔ?

Nworɛ Dwirɛhanɛniɛ 3:9

Nzikyɛ mvasoɛ koraa yeɛ adwumayɔlɛniɛ onya fi ye fɛɛ nu ɔ?

Nworɛ Dwirɛhanɛniɛ 4:3

Nakoso sona bɔ bennya bɛwwole ye, bɔ onnya nnwuni bɔne yɔleɛ bɔ ɔkɔ so wɔ wiase ne de, ye ti te paa tra bɛ munyɔ.

Nworɛ Dwirɛhanɛniɛ 4:7

Nza nwuni nikyee bieku bɔ ɔte mbaen wɔ wiase ɔ:

Nworɛ Dwirɛhanɛniɛ 5:16

Ɛhe koso te edwirɛ yealɛ paa: kyɛbɔ osi wale ne, sɔ ala yeɛ ɔkɔhɔ ye ɔ. Na ɛfɛɛ mbaen bɔ wafɛ ne, nzikyɛ mvasoɛ yeɛ onyane ye ɔ?

Nworɛ Dwirɛhanɛniɛ 5:18

Tie, bɔ manwu ye kyɛ ɔte paa ɛhe: Ngoa tikaape bɔ Nyameɛ afa ama sona ne, ɔte paa kyɛ sona kodidi, ɔkɔno, ná ɔkɔfa bɔ wafɛ wanya ye amukoraa wɔ wiase ɔkɔgye ye nye ɔ, ofikyɛ ye bue nu deɛ ɛne.

Nworɛ Dwirɛhanɛniɛ 6:12

Kuro sona ngoa tikaape bɔ ɔte mbaen, bɔ ɔsẽ kɔ kyɛ wawoɛ ne, nwa yeɛ ɔse bɔ ɔte paa ma kuro sona wɔ nu ɔ? Bɔ okosi sona ye wue asi wɔ wiase ne, nwa yeɛ ɔkɔhora kɔla ye ali kohyire ye ɔ?

Nworɛ Dwirɛhanɛniɛ 7:11

Nworɛ te paa kyɛ agyapadeɛ bɔ bafa bayakyi wɔ ɔ, ɔte mvasoɛ ma bɛ bɔ bɛte ngoa nu ɔ.

Nworɛ Dwirɛhanɛniɛ 9:13

Masa manwu sɔ nworɛ he koso wɔ wiase, na ɔte nikyee bɔ ɔte piri wɔ me nye so ɔ.

Nworɛ Dwirɛhanɛniɛ 9:3

Bɔ ɔkɔ so amukoraa wɔ wiase ne, bɔ ɔtte mayee koraa ɛne, kyɛ ayieleɛ komapɛ ne ala yeɛ ɔla berɛ ma kuro sona biala ɔ. Afei koso, bɔne ayi sona biala ti anu tɛkyɛ, ɛlaenbɔlɛ ali bɛ ti wɔ mmerɛ biala bɔ bɛte ngoa nu ɔ, na ɛhe asi ne, bɛkɔ bɛ kra si.

Nworɛ Dwirɛhanɛniɛ 9:6

Ɔdɔ bɔ benyane ye oo, ɛpɔen bɔ bɛpɔle oo, b’anyeboro oo, watu wamini dadadada, na nikyee biala bɔ ɔkɔ so wɔ wiase ne, belle kyɛfa biala wɔ nu ko.

Yesaya 55:2

Nzu ati yeɛ ɛmɔfa sikaa bɛtɔ nikyee bɔ nna aleɛ ahɔ ɔ, ɔne kyɛ ɛmɔsɛkye ɛmɔ anwoserɛ wɔ nikyee bɔ ɔmma ɛmɔ ko nyi nwo ɔ? Ɛ́mɔtie me yé, ná ɛ́mɔli bɔ ɔte paa ɔ, ná ɛ́mɔma ɛmɔ kra nye gye aleɛ sɔkyee nwo.

Habakuku 2:13

Tie, aso nna Asafo AWURADE yeɛ wahyehyɛ kyɛ mmenia bɛfɛ bɛyɔ adwuma ma see ɔyera ye, ná maen maen bɛfɛ bɛma nningyein bɔ ɔte mbaen ɔ.

Habakuku 2:18

Amoen bɔ adwiililɛniɛ wase ne, nzikyɛ mvasoɛ yeɛ ɔwɔ so ɔ? Amoen bɔ bahuro nikyee bafa bayɔ ɔ, bɔ okyirekyire nnakannaka ɔ; adwiililɛniɛ ne, ɔfa ye wora owura ye bɔbɔ ye adwii bɔ wali, bɔ ɔte emumu amoen ne anu.

Mateo 16:26

Na sɛ sona nya ewiase amukoraa ná ɔhwere ye kra a, nzikyɛ mvasoɛ yeɛ okonya ɔ? Anaakyɛ, nzikyɛ yeɛ sona kɔhora kɔfa kɔsesã ye kra ngoa ɔ?

Yohane 6:27

Nnɛma ɛmɔyɔ aleɛ bɔ ɔsɛkye ɔ nwo adwuma, na mmom ɛ́mɔyɔ aleɛ bɔ ɔtena berɛ kɔ daa ngoa nu, bɔ Sona Awa ne kɔfa kɔma ɛmɔ ne nwo adwuma; ofikyɛ ye yeɛ Baba Nyameɛ wale ye wato nu wama ye tumi ɔ.”

1 Korintofoɛ 16:16

Yiti ɛ́mɔbrɛ ɛmɔ nwo ase bɛma sɔ mmenia ne, ɔne ebiala bɔ ɔne yɛ di sɔ dwumadie ne ɔ.