Nworɛ Dwirɛhanɛniɛ 1:2 - AHYERƐLƐ KRONGRON

² “Mbaen nu mbaen.” Nworɛ Dwirɛhanɛniɛ ne nwa nyoo: Mbaen nu mbaen! Ye mukoraa te mbaen!

Nworɛ Dwirɛhanɛniɛ 1:2 Iomraidhean Croise

YOB NWOMAA NE 11:12

Nakoso anzana kwaseambane konwu nworɛ ne, sana eburo afunum wawo sona koraka.

Edwein 144:4

Sona te kyɛ nwomeɛ; ye ngyẽa te kyɛ wawoɛ bɔ ɔpɛ nu kɔ ɔ.

Edwein 89:47

Kaye kyɛbɔ me ngoa si te tikaape ɔ, kyɛbɔ ɛbɔle adasa mmaa mane nningyein bɔ ɔte mbaen ɔ!

Nworɛ Dwirɛhanɛniɛ 11:10

Ye aworabɔlɛ fi w’ahone nu, ná ye anwoɔnaen nu ateetee fi wɔ so, ofikyɛ ngwadaa nu ne mmerandeɛ nu po te mbaen.

Nworɛ Dwirɛhanɛniɛ 11:8

Yiti sɛ sona di afoɛ pee a, odi kyɛ ɔma ye nye gye wɔ ye mukoraa nu. Nakoso odi kyɛ osa kaye kyɛ, awosii ngyẽa bɔ bɛbaawa ne, ɔsone pee. Bɔ ɔkɔwa ne amukoraa te mbaen.

Nworɛ Dwirɛhanɛniɛ 12:8

“Mbaen nu mbaen.” Nworɛ Dwirɛhanɛniɛ ne nwa nyoo, “Ye mukoraa te mbaen!”

Nworɛ Dwirɛhanɛniɛ 2:11

Afei ndole me nye nneane me sa noa adwuma mukoraa, ɔne nningyein bɔ mafɛ mayɔ ne, na nwuni kyɛ ye mukoraa te mbaen, ɔte dadwene mbaen, na mvasoɛ biala nne so wɔ wiase.

Nworɛ Dwirɛhanɛniɛ 2:15

Na afei nzele me nwo kyɛ, “Ayieleɛ bɔ okoyie kwaseaa ne, me koso ebie ala yeɛ okoyie me ɔ. Sɛ ɔte sɔ de a, né nzu ati yeɛ manwu nworɛ matra bɛ ɔ?” Na mmuale me nwo kyɛ, ɛhe koso te mbaen.

Nworɛ Dwirɛhanɛniɛ 2:17

Yiti asetena yɛle me tɛ, ofikyɛ nikyee biala bɔ ɔkɔ so wɔ wiase ne, ɔte ɛhawo ma me; ye mukoraa te mbaen, na ɔte dadwene mbaen.

Nworɛ Dwirɛhanɛniɛ 2:19

Nwa yeɛ ɔse ɔ, kyɛ sɔ sona ne kɔyɛ nworɛniɛ oo, anaakyɛ kwaseaa oo? Nakoso agyapadeɛ biala bɔ mafa m’anwoserɛ ne me nworɛ mapena manya ye wɔ wiase ne, ye yeɛ okooli ye sa ɔ: Ɛhe koso te mbaen.

Nworɛ Dwirɛhanɛniɛ 2:21

Ofikyɛ, ɔtɔ mmerɛ bie a, ebie bɔ wafa ye nworɛ ne ye nimdeɛ ne ye adwene wapena agyapadeɛ ne, odi kyɛ ɔyakyi ye berɛ ma sona bɔ wamvɛ ye nwo ɔ bafa: Ɛhe koso te mbaen, na ɔte edwirɛ yealɛ piri paa.

Nworɛ Dwirɛhanɛniɛ 2:23

Ofikyɛ, yealɛlilɛ wayi ye asetena nu tɛkyɛ, yeɛ ye adwuma koso te ye hawo. Odwu kɔngɔen po a, né wato ye ne adwenedwene: Ɛhe koso te mbaen.

Nworɛ Dwirɛhanɛniɛ 2:26

Ofikyɛ sona bɔ ɔsɔ Nyameɛ nye ne, ɔma ye nworɛ, nimdeɛ ne anigye; nakoso bɔnefoɛ de, Nyameɛ maa ɔpena agyapadeɛ gua berɛ ma sona bɔ ɔsɔ Nyameɛ nye ɔ: Ɛhe koso te mbaen, na ɔte dadwene mbaen.

Nworɛ Dwirɛhanɛniɛ 2:8

Asa koso, mmoaboale ɛdwetɛ ne sikaa kɔkorɛ pee noa mvale, yeɛ nyane agudeɛ mvili ahemvo mɔ ne mbɔtam mbɔtam mɔ berɛ. Nyane edweintolɛfoɛ mmienzua ne mmrasua, bɔ bienzua kohia biala, ɔne sómaa pee.

Nworɛ Dwirɛhanɛniɛ 3:19

Ofikyɛ adasa mmaa ne ngaka b’ayieleɛ te ko. Nikyee komapɛ yeɛ ɔto bɛ ɔ. Kyɛbɔ sona owu ne, sɔ ala yeɛ kaka wu ɔ. Ngoa nwomeɛ wɔ bɛ mukoraa nu; yiti sona ndra kaka: ofikyɛ nikyee biala te mbaen.

Nworɛ Dwirɛhanɛniɛ 4:16

Mmenia pembepembe bɔ olili bɛ so ne, ɛka bɛ a ennwu ye noa. Nakoso bɛ bɔ nziɛ ye bɛwale ne de, banguro ye dwirɛ. Nahorɛ nu, ɛhe koso te mbaen, na ɔte dadwene mbaen.

Nworɛ Dwirɛhanɛniɛ 4:4

Na nwuni kyɛ, ɛfɛɛ mukoraa bɔ sona fɛ, ɔne ye sa noa adwuma mukoraa bɔ ɔyɔ ye yé ne, ɔnate ye nye bɔ ɔboro kyɛ ɔne obiɛngo bɛkɔyɛ pɛ ti ɔ: Ɛhe koso te mbaen, na ɔte dadwene mbaen.

Nworɛ Dwirɛhanɛniɛ 4:8

Sona bɔ wayɛ angonam bɔ olle ba anaa aliɛmaa ɔ, nakoso adwuma serɛ alaa yeɛ ɔkɔ so yɔ ɔ, na ye nye nzɔ ye anwonya bɔ wanya ye ɔ. Na obisa ye nwo kyɛ, “Adwuma bɔ mefɛ me nwo meyɔ, bɔ mama m’anigye abɔ me ye, nwa yeɛ mefɛ mema ye ɔ?” Ɛhe koso te mbaen ne adwuma fuin.

Nworɛ Dwirɛhanɛniɛ 5:10

Sona bɔ ye nye boro sikaa ne, onya sikaa a ye nye nzɔ; yeɛ bɔ ye nye boro anwonyadeɛ ne koso, ye nye nzɔ bɔ wanya ye ɔ: Ɛhe koso te mbaen.

Nworɛ Dwirɛhanɛniɛ 6:11

Edwudwo pee a, wɔ dwudwolɛ ne yɛ mbaen; mvasoɛ beni yeɛ sona nya ɔ?

Romanfoɛ 8:20

Ofikyɛ bɛfale abɔdeɛ bewurale nikyee mbaen bie abo, bɔ nna ye bɔbɔ ye pɛ ahɔ ɔ; na mmom bɔ ɔfale ye wurale sɔ nikyee ne abo wɔ anyelasoɛ nu ne, ye pɛ ɔ;