Nworɛ Dwirɛhanɛniɛ 1:13 - AHYERƐLƐ KRONGRON

¹³ Mva nziele me nye so kyɛ, nikyee biala bɔ bɛyɔ ye wɔ ewiase ne, mefa nworɛ mepɛnzɛpɛnzɛ nu mete ye bo. Ɔte adwuma serɛ paa bɔ ye yɔlɛ nyɛ fɛ, bɔ Nyameɛ afa ato adasa so kyɛ bɛyere bɛ nwo bɛyɔ ɔ.

Nworɛ Dwirɛhanɛniɛ 1:13 Iomraidhean Croise

Gyenesise 3:19

Mvifire kosongyi wɔ ti anwo koraka né anya aleɛ ali, kɔpem kyɛ ekosa kɔhɔ nnɛterɛ nu ɔ; ofikyɛ nnɛterɛ nu yeɛ nyele wɔ mvili ɔ, ɛte nnɛterɛ, na nnɛterɛ nu ala yeɛ ekosa kɔhɔ ɔ.”

YOB NWOMAA NE 28:3

Sona sɔ kanea maa otu awosii bo, ofu kumaa maa ɔkɔ kuronguronn, na odwu kɔpena nyɔboɛ wɔ awosii kabii ne anu.

Edwein 111:2

AWURADE nnwumaa te mbiri mbiri, na mmenia amukoraa bɔ bɛ nye gye nnwumaa ne anwo ne, bɛdwenedwene ye nwo.

Anyandera 18:1

Sona bɔ ɔpena ye ngome ye yeeyɛlɛ ne, ɔpena ye ngome ye deɛ, na onne nzusuleɛ paa biala ndo nu.

Anyandera 18:15

Sona badwemma osua nimdeɛ, yeɛ nworɛfoɛ bɛ so pena nimdeɛ.

Anyandera 23:26

Mma, fa w’adwene ma me, ná ma wɔ nye gye m’atee nwo.

Anyandera 25:2

Mvealeɛ nu dwirɛ te Nyameɛ ye animnyam, na ahemvo mɔ b’animnyam ole kyɛ bɛkɔfeefee edwirɛ nu ɔ.

Anyandera 4:7

Nworɛ te nikye titire, yiti sua nworɛ, w’anwonya mukoraa si ne, pena ndeaseɛ.

Nworɛ Dwirɛhanɛniɛ 1:17

Yiti mva nziele me nye so kyɛ ngɔpena nworɛ si atee, yeɛ afei kyɛ ngonwu ɛlaenbɔlɛ ne ngwaseasɛm ɔ. Na nwuni kyɛ ɛhe koso te dadwene mbaen.

Nworɛ Dwirɛhanɛniɛ 11:5

Kyɛbɔ ɛnze mvrama atee, anaa kyɛbɔ mmowue si nyi wɔ pemvoɛ kunu ne, sɔ ala yeɛ Nyameɛ bɔ ɔyɔ nikyee biala ne, ɛnze atee bɔ ɔpe so yɔ ye adwuma ɔ.

Nworɛ Dwirɛhanɛniɛ 12:12

Mma, bɔ waha wɔ ɛhemɔ asi ne, mebɔ wɔ kɔkɔ kyɛ, nwomaa pembepembe hyerɛlɛ olle ayieleɛ, yeɛ nikyeesualɛ pee koso fa ɛfɛɛ wura sona nwonaen nu.

Nworɛ Dwirɛhanɛniɛ 2:23

Ofikyɛ, yealɛlilɛ wayi ye asetena nu tɛkyɛ, yeɛ ye adwuma koso te ye hawo. Odwu kɔngɔen po a, né wato ye ne adwenedwene: Ɛhe koso te mbaen.

Nworɛ Dwirɛhanɛniɛ 2:26

Ofikyɛ sona bɔ ɔsɔ Nyameɛ nye ne, ɔma ye nworɛ, nimdeɛ ne anigye; nakoso bɔnefoɛ de, Nyameɛ maa ɔpena agyapadeɛ gua berɛ ma sona bɔ ɔsɔ Nyameɛ nye ɔ: Ɛhe koso te mbaen, na ɔte dadwene mbaen.

Nworɛ Dwirɛhanɛniɛ 3:10

Manwu adwuma serɛ bɔ Nyameɛ afa awura adasa sa kyɛ bɛfɛ bɛ nwo bɛyɔ ɔ.

Nworɛ Dwirɛhanɛniɛ 3:11

Wayɔ nikyee biala nyemenenyemene wɔ ye mmerɛ nu. Wafa mmerɛ bɔ olle ayieleɛ nwo adwene wawura kuro sona adwene nu, nakoso sona ngora nnwu bɔ Nyameɛ ayɔ ɔ, ofi ye bohyɛlɛ bɔ ɔkwaadwu ayieleɛ ɔ.

Nworɛ Dwirɛhanɛniɛ 4:4

Na nwuni kyɛ, ɛfɛɛ mukoraa bɔ sona fɛ, ɔne ye sa noa adwuma mukoraa bɔ ɔyɔ ye yé ne, ɔnate ye nye bɔ ɔboro kyɛ ɔne obiɛngo bɛkɔyɛ pɛ ti ɔ: Ɛhe koso te mbaen, na ɔte dadwene mbaen.

Nworɛ Dwirɛhanɛniɛ 4:8

Sona bɔ wayɛ angonam bɔ olle ba anaa aliɛmaa ɔ, nakoso adwuma serɛ alaa yeɛ ɔkɔ so yɔ ɔ, na ye nye nzɔ ye anwonya bɔ wanya ye ɔ. Na obisa ye nwo kyɛ, “Adwuma bɔ mefɛ me nwo meyɔ, bɔ mama m’anigye abɔ me ye, nwa yeɛ mefɛ mema ye ɔ?” Ɛhe koso te mbaen ne adwuma fuin.

Nworɛ Dwirɛhanɛniɛ 7:25

Mvale m’adwene nziele so kyɛ ngonwu nworɛ, ɔne kyɛ ngɔfeefee nu ngɔpena nworɛ ne nningyein bɛ bo telɛ ɔ, ɔne kyɛ ngonwu amumuyɛɛ kyɛ ɔte ngwaseasɛm, ná ngonwu ngwaseasɛm kyɛ ɔte ɛlaenbɔlɛ ɔ.

Nworɛ Dwirɛhanɛniɛ 8:9

Manwu ɛhemɔ amukoraa, na medwene nningyein amukoraa bɔ bɛyɔ ye wiase ne anwo: Mmerɛ bie wɔ berɛ a, sona fa ye tumi sisi obiɛngo maa ɔkakyi ye so amaneɛ.

1 Timoteo 4:15

Bɔ mmɔden wɔ sɔ nningyein hemɔ anwo, tu wɔ nwo sie berɛ ma bɛ bɔkɔɔ, amaa ɔnate so wɔ ngɔsoɛ ala ali ama ebiala anwu ye.