Numeri 9:5 - AHYERƐLƐ KRONGRON

⁵ Belili Abɔtra aluolue ne wɔ bosome bɔ oli moa ne anu, wɔ ye kyẽa bɔ ɔtɔ so buru ne nna ne aso. Aleɛ dwole ne, belili ye wɔ Sinai ɛserɛ ne aso. Kyɛbɔ AWURADE hyɛle Mose ne, sɔ ala yeɛ Yisraelfoɛ lili ye ɔ.

Numeri 9:5 Iomraidhean Croise

Gyenesise 6:22

Na Nowa yɔle bɔ Nyameɛ hyɛle ye kyɛ ɔyɔ ne amukoraa.

Gyenesise 7:5

Na Nowa yɔle bɔ AWURADE hyɛle ye kyɛ ɔyɔ ne amukoraa.

Ɛksadɔso 12:50

Yiti Yisraelfoɛ amukoraa yɔle kyɛbɔ AWURADE hyɛle Mose ne Aarɔn ne ala.

Ɛksadɔso 39:32

Yiti nyianu ɛtena sua ne nwo adwuma mukoraa, sɔ yeɛ bɛyɔ beyiele bɔkɔɔ ɔ. Yisraelfoɛ yɔle nikyee biala pɛpɛɛpɛ kyɛbɔ AWURADE hyɛle Mose nen.

Ɛksadɔso 39:42

Né Yisraelfoɛ ayɔ adwuma ne amukoraati pɛpɛɛpɛ, kyɛbɔ AWURADE hyɛle Mose ne ala.

Numeri 1:54

Yisraelfoɛ yɔle sɔ ala; bɛyɔle kyɛbɔ AWURADE hyɛle Mose ne.

Numeri 29:40

Yiti Mose hane edwirɛ ne amukoraa hyirele Yisraelfoɛ, kyɛbɔ AWURADE hyɛle ye ne ala.

Numeri 8:20

Yiti Mose ne Aarɔn ne Yisraelfoɛ amukoraati betuli Lewifoɛ besiele berɛ bɛmane AWURADE. Yisraelfoɛ tuli Lewifoɛ siele berɛ kyɛbɔ AWURADE hyɛle Mose fale bɛ nwo ne ala.

Numeri 9:4

Yiti Mose ha hyirele Yisraelfoɛ kyɛ beli Abɔtra aluolue ne.

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Yohane 15:14

Sɛ ɛmɔdi m’ahyɛdeɛ so a, ye de ɛmɔte me damvo mɔ.

Asomafoɛ 26:19

“Yiti, Nana Agripa, manyɛ asoserɛ wɔ nyameɛso nyekyire ne nwo.

Deuteronomi 1:3

Kyẽa bɔ oli moa wɔ bosome buru ne ko ne anu, wɔ afoɛ aburanna ne anu ne, Mose hane edwirɛ amukoraa bɔ AWURADE ahyɛ ye kyɛ ɔha hyire Yisraelfoɛ mɔ ne hyirele bɛ.

Deuteronomi 4:5

Ɛ́mɔtie, kyɛbɔ AWURADE me Nyameɛ hyɛle me ne, sɔ ala yeɛ mahyirehyire ɛmɔ ahyɛdeɛ ne nhyehyɛleɛ ne ɔ, kyɛbɔ ɔkɔyɛ bɔ ɛmɔkoli so wɔ aseɛ bɔ ɛmɔkwaafa bɛtena so ne aso ɔ.

Hebrifoɛ 11:8

Ɔnate gyidie so yeɛ Abraham tiele Nyameɛ frɛlɛ ne, ná otu hɔle maen bɔ ɔfa hyɛle ye bɔ kyɛ ɔkɔmaa ɔkɔyɛ ye agyapadeɛ ne aso ɔ; na otu fili ye maen nu bɔ né ɔnze nekaa bɔ ɔkɔ ɔ.

Hebrifoɛ 3:5

Mose de, olili nahorɛ wɔ Nyameɛ awuro mukoraa nu kyɛ somvoɛ, na olili nningyein bɔ né Nyameɛ baahã ye nwo dwirɛ ne nwo adanzeɛ.

Yosua 5:10

Mmerɛ bɔ né Yisraelfoɛ wɔ asikyeleɛ berɛ wɔ Gilgal nen, bosome ne anu kyẽa bɔ ɔtɔ so buru ne nna ne, ye nɔsoa ne, belili Abɔtra ne wɔ Yeriko aseɛ frɛtɛɛ ne aso.