Numeri 9:22 - AHYERƐLƐ KRONGRON

²² Na sɛ munungum ne toa so mundu nyianu sua ne aso elenyɔ, anaa bosome, anaa mmerɛ tendenn biala a, Yisraelfoɛ kɔ so tena asikyeleɛ berɛ bɔ bendu bɛ bo ɔ. Nakoso sɛ munungum ne ma ye nwo so a, né batu bɛ bo.

Numeri 9:22 Iomraidhean Croise

Edwein 107:7

Olili bɛ nyunu fale bɛ fale atee tee so maa benyane kuro bɛtenane so.

Edwein 143:10

Kyirekyire me maa nyɔ w’apɛdeɛ, ofikyɛ wɔ yeɛ ɛte me Nyameɛ ɔ. Ma wɔ Sunzum paa ne oli me nyunu, maa ɔfa me fa atimbire frɛtɛɛ so.

Edwein 32:8

(AWURADE nwa nyoo): Ngohyirehyire wɔ ná mahyire wɔ atee bɔ ɛfa so ɔ; me nye wɔ wɔ so, na ngotu wɔ foɛ.

Edwein 48:14

kyɛ Nyameɛ he, ɔte yɛ Nyameɛ afebɔɔ. Ye yeɛ okohyire yɛ atee kɔpem kyɛ ewue kɔfa yɛ ɔ.

Edwein 73:24

Ɛfa wɔ foɛtulɛ ekyire me atee, na ye si ye, ekole me kɔhɔ animnyam nu.

Edwein 77:20

Ɛnate Mose ne Aarɔn so elili wɔ maen nyunu kyɛbɔ bedi mmoaen kure nyunu ɔ.

Ɛksadɔso 39:42

Né Yisraelfoɛ ayɔ adwuma ne amukoraati pɛpɛɛpɛ, kyɛbɔ AWURADE hyɛle Mose ne ala.

Ɛksadɔso 40:16

Mose yɔle nikyee biala pɛpɛɛpɛ, kyɛbɔ AWURADE hyɛle ye ne ala.

Numeri 1:54

Yisraelfoɛ yɔle sɔ ala; bɛyɔle kyɛbɔ AWURADE hyɛle Mose ne.

Numeri 8:20

Yiti Mose ne Aarɔn ne Yisraelfoɛ amukoraati betuli Lewifoɛ besiele berɛ bɛmane AWURADE. Yisraelfoɛ tuli Lewifoɛ siele berɛ kyɛbɔ AWURADE hyɛle Mose fale bɛ nwo ne ala.

Numeri 9:17

Mmerɛ biala bɔ munungum ne kɔma ye nwo so kofi ɛtena sua ne aso ne yeɛ Yisraelfoɛ betu bɛ bo ɔ; na nekaa biala bɔ munungum ne kogyina ne, berɛ yeɛ Yisraelfoɛ fa yɛ b’asikyeleɛ ɔ.

Numeri 9:21

Sɛ né odwu mmerɛ bie a, munungum ne mundu so fi nɔsoa kodwu ngyerɛmɔ; na sɛ munungum ne ma ye nwo so ngyerɛmɔ ne a, né batu bɛ bo. Sɛ munungum ne toa so mundu so eyia ne kɔngɔen a, mmerɛ biala bɔ ɔkɔma ye nwo so ne, né batu bɛ bo.

Asomafoɛ 1:4

Ɛlɛho bie, ɔne bɛ yiale, na ɔhyɛle bɛ kyɛ, “Nnɛma ɛmɔfi Yerusalem bɛkɔ, na mmom ɛmɔnwondɛ me Baba anohoba bɔ ngane ye nwo dwirɛ ngyirele ɛmɔ ne.