Numeri 9:2 - AHYERƐLƐ KRONGRON

² “Ma Yisraelfoɛ beli Abɔtra aluolue ne wɔ mmerɛ bɔ mahyɛ mato berɛ ɔ nu.

Numeri 9:2 Iomraidhean Croise

2 Ahemvo 23:21

Nana Yosia fale ahyɛdeɛ mane maen ne amukoraa kyɛ, “Ɛmɔli Abɔtra aluolue ne bɛma AWURADE ɛmɔ Nyameɛ kyɛbɔ amba, bahyerɛ ye wɔ apam nwomaa he anu ne.”

2 Aberɛso Dwirɛ 35:1

Yosia lili Abɔtra aluolue hyɛle AWURADE animnyam wɔ Yerusalem. Bosome bɔ oli moa ne, ye kyẽa bɔ ɔtɔ so buru ne nna ne aso yeɛ behuni Abɔtra boaen ne ɔ.

Ɛsra 6:19

Bosome bɔ oli moa ne anu, ye kyẽa bɔ ɔtɔ so buru ne nna ne, mmenia bɔ befili nnurehyelɛ nu bɛwale ne, belili Abɔtra aluolue ne.

Lewitikɔso 23:5

Bosome bɔ oli moa ne, ye kyẽa bɔ ɔtɔ so buru ne nna ne, ye nɔsoa, odi kyɛ ɛmɔbɔ Abɔtra afɔleɛ bɛma AWURADE.

Numeri 28:16

Bosome bɔ oli moa ne, ye kyẽa bɔ ɔtɔ so buru ne nna ne, odi kyɛ bɛbɔ Abɔtra afɔleɛ bɛma AWURADE.

Numeri 9:3

Sɔ bosome he, ye kyẽa bɔ ɔtɔ so buru ne nna ne, sɛ aleɛ dwo a, ɛ́mɔli ye kyɛbɔ ye nwo ahyɛdeɛ ne ye nwo nhyehyɛleɛ te ɔ wɔ mmerɛ bɔ mahyɛ ɔ nu.”

Marko 14:12

Paanoo kabrɛdi aluolue kyẽa bɔ oli moa, bɔ beku Abɔtra boaen nen, Yesu asuafoɛ nemɔ bisale ye kyɛ, “Nisua yeɛ ekuro kyɛ yɛkosiesie maa ekodi Abɔtra aleɛ ne ɔ?”

Luka 22:7

Afei Paanoo kabrɛdi kyẽa bɔ ɔsɛ kyɛ beku Abɔtra boaen ne dwuli.

Yosua 5:10

Mmerɛ bɔ né Yisraelfoɛ wɔ asikyeleɛ berɛ wɔ Gilgal nen, bosome ne anu kyẽa bɔ ɔtɔ so buru ne nna ne, ye nɔsoa ne, belili Abɔtra ne wɔ Yeriko aseɛ frɛtɛɛ ne aso.